ਲੰਮੇ ਸਮੇਂ ਤੋਂ ਫ਼ੌਜ ਅੰਦਰ ਚੱਲ ਰਹੀ ਬੁਲਟ ਪਰੂਫ਼ ਜੈਕਟ ਦੀ ਕਮੀ ਹੁਣ ਛੇਤੀ ਹੀ ਦੂਰ ਹੋ ਜਾਵੇਗੀ।
ਨਵੀਂ ਦਿੱਲੀ : ਲੰਮੇ ਸਮੇਂ ਤੋਂ ਫ਼ੌਜ ਅੰਦਰ ਚੱਲ ਰਹੀ ਬੁਲਟ ਪਰੂਫ਼ ਜੈਕਟ ਦੀ ਕਮੀ ਹੁਣ ਛੇਤੀ ਹੀ ਦੂਰ ਹੋ ਜਾਵੇਗੀ। 9 ਸਾਲ ਪਹਿਲਾਂ ਕੀਤੀ ਗਈ ਮੰਗ ਤੋਂ ਬਾਅਦ ਰੱਖਿਆ ਮੰਤਰਾਲੇ ਨੇ 639 ਕਰੋੜ ਰੁਪਏ ਦੀ ਲਾਗਤ ਨਾਲ 1.86 ਲੱਖ ਬੁਲਟ ਪਰੂਫ਼ ਜੈਕਟਾਂ ਦੀ ਖ਼ਰੀਦ ਲਈ ਇਕ ਰੱਖਿਆ ਕੰਪਨੀ ਦੇ ਨਾਲ ਇਕਰਾਰਨਾਮੇ 'ਤੇ ਹਸਤਾਖ਼ਰ ਕੀਤੇ।
Bulletproof jacketਮੰਤਰਾਲੇ ਨੇ ਇਕ ਬਿਆਨ 'ਚ ਕਿਹਾ ਕਿ ਇਕਰਾਰਨਾਮੇ ਨੂੰ 'ਸਫ਼ਲ' ਫ਼ੀਲਡ ਪ੍ਰੀਖਣਾਂ ਤੋਂ ਬਾਅਦ ਅੰਤਮ ਰੂਪ ਦਿਤਾ ਗਿਆ। 2009 'ਚ ਹੀ ਸਰਕਾਰ ਨੇ ਮੰਨਿਆ ਸੀ ਕਿ ਫ਼ੌਜ ਨੂੰ 1.86 ਲੱਖ ਬੁਲਟ ਪਰੂਫ਼ ਜੈਕਟਾਂ ਦੀ ਜ਼ਰੂਰਤ ਸੀ ਪਰ ਫ਼ੌਜ ਵਲੋਂ ਕਰਵਾਏ ਗਏ ਟਰਾਇਲ 'ਚ ਕਿਸੇ ਵੀ ਕੰਪਨੀ ਦਾ ਬੁਲਟ ਪਰੂਫ਼ ਜੈਕਟ ਸਹੀ ਨਹੀਂ ਸੀ। 
Bulletproof jacketਮੰਤਰਾਲੇ ਨੇ ਬਿਆਨ 'ਚ ਕਿਹਾ ਕਿ 1,86,138 ਬੁਲਟ ਪਰੂਫ਼ ਜੈਕਟਾਂ ਨੂੰ ਖ਼ਰੀਦਣ ਲਈ ਇਕ ਵੱਡੇ ਇਕਰਾਰਨਾਮੇ 'ਤੇ ਦਸਤਖ਼ਤ ਕੀਤੇ ਗਏ ਹਨ। ਇਸ 'ਚ ਕਿਹਾ ਗਿਆ ਹੈ ਕਿ ਨਵੀਆਂ ਬੁਲਟ ਪਰੂਫ਼ ਜੈਕਟਾਂ ਯੁੱਧ 'ਚ ਫ਼ੌਜ ਨੂੰ 360 ਡਿਗਰੀ ਸੁਰੱਖਿਆ ਪ੍ਰਦਾਨ ਕਰਵਾਏਗੀ, ਜਿਸ 'ਚ ਹਾਰਡ 'ਸਟੀਲ ਕੋਰ' ਬੁਲਟ ਨਾਲ ਸੁਰੱਖਿਆ ਵੀ ਸ਼ਾਮਲ ਹੈ।
