ਕੇਂਦਰੀ ਮਨੁੱਖੀ ਸ੍ਰੋਤ ਵਿਕਾਸ ਮੰਤਰੀ ਰਮੇਸ਼ ਪੋਖਰਿਆਲ ਨੇ ਕਿਹਾ ਕਿ ਸੀਬੀਐਸਈ ਦੇ ਪਾਠਕ੍ਰਮ ਤੋਂ ਕੁੱਝ ਵਿਸ਼ੇ ਹਟਾਉਣ ਸਬੰਧੀ ਮਨਘੜਤ ਟਿਪਣੀਆਂ ਕੀਤੀਆਂ ਜਾ ਰਹੀਆਂ ਹਨ
ਨਵੀਂ ਦਿੱਲੀ, 9 ਜੁਲਾਈ : ਕੇਂਦਰੀ ਮਨੁੱਖੀ ਸ੍ਰੋਤ ਵਿਕਾਸ ਮੰਤਰੀ ਰਮੇਸ਼ ਪੋਖਰਿਆਲ ਨੇ ਕਿਹਾ ਕਿ ਸੀਬੀਐਸਈ ਦੇ ਪਾਠਕ੍ਰਮ ਤੋਂ ਕੁੱਝ ਵਿਸ਼ੇ ਹਟਾਉਣ ਸਬੰਧੀ ਮਨਘੜਤ ਟਿਪਣੀਆਂ ਕੀਤੀਆਂ ਜਾ ਰਹੀਆਂ ਹਨ। ਉਨ੍ਹਾਂ ਟਵਿਟਰ 'ਤੇ ਲਿਖਿਆ, 'ਇਨ੍ਹਾਂ ਟਿਪਣੀਆਂ ਕਾਰਨ ਸਮੱਸਿਆ ਇਹ ਹੈ ਕਿ ਚੋਣਵੇਂ ਵਿਸ਼ਿਆਂ ਨੂੰ ਜੋੜ ਕੇ ਸਨਸਨੀਖ਼ੇਜ਼ ਬਿਆਨ ਦਿਤੇ ਜਾ ਰਹੇ ਹਨ।
ਰਾਸ਼ਟਰਵਾਦ, ਸਥਾਨਕ ਸਰਕਾਰ, ਸੰਘਵਾਦ ਆਦਿ ਤਿੰਨ ਚਾਰ ਵਿਸ਼ਿਆਂ ਨੂੰ ਛੱਡੇ ਜਾਣ ਦਾ ਗ਼ਲਤ ਮਤਲਬ ਕੱਢ ਲਿਆ ਗਿਆ ਹੈ। ਵੱਖ ਵੱਖ ਵਿਸ਼ਿਆਂ ਨੂੰ ਵਿਆਪਕ ਤੌਰ 'ਤੇ ਵੇਖਿਆ ਜਾਵੇ ਤਾਂ ਸਾਰੇ ਵਿਸ਼ਿਆਂ ਵਿਚ ਕੁੱਝ ਚੀਜ਼ਾਂ ਨੂੰ ਛਡਿਆ ਗਿਆ ਹੈ।' ਉਨ੍ਹਾਂ ਕਿਹਾ ਕਿ ਕੋਰੋਨਾ ਵਾਇਰਸ ਕਾਰਨ ਵਿਦਿਆਰਥੀਆਂ ਦੀ ਪੜ੍ਹਾਈ ਦਾ ਬੋਝ ਘਟਾਇਆ ਗਿਆ ਹੈ। ਸਿਲੇਬਸ ਨੂੰ 30 ਫ਼ੀ ਸਦੀ ਤਕ ਘਟਾ ਕੇ ਵਿਦਿਆਰਥੀਆਂ ਦੇ ਤਣਾਅ ਨੂੰ ਘੱਟ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਹੈ। (ਏਜੰਸੀ)