ਪੁਲਿਸ ਨੇ ਮਾਮਲੇ ਦੀ ਜਾਂਚ ਕੀਤੀ ਸ਼ੁਰੂ

ਬੁਰਹਾਨਪੁਰ: ਮੱਧ ਪ੍ਰਦੇਸ਼ ਦੇ ਬੁਰਹਾਨਪੁਰ ਦੇ ਡਾਕ ਵਾੜੀ ਇਲਾਕੇ 'ਚ ਰਹਿਣ ਵਾਲੇ ਸੰਜੇ ਚੌਧਰੀ ਦੇ ਘਰ ਦੇ ਸਾਹਮਣੇ ਖੜ੍ਹੇ ਮੋਟਰਸਾਈਕਲ 'ਚ ਅਚਾਨਕ ਅੱਗ ਲੱਗ ਗਈ। ਅੱਗ ਨੂੰ ਦੇਖ ਕੇ ਰਾਤ ਦੇ ਦੋ ਵਜੇ ਸਥਾਨਕ ਲੋਕਾਂ ਨੇ ਆਵਾਜ਼ ਦੇ ਕੇ ਸੰਜੇ ਚੌਧਰੀ ਦੇ ਪਰਿਵਾਰ ਨੂੰ ਜਗਾਇਆ, ਉਦੋਂ ਤੱਕ ਅੱਗ ਦੀਆਂ ਲਪਟਾਂ ਸੰਜੇ ਦੇ ਘਰ ਤੱਕ ਪਹੁੰਚ ਚੁੱਕੀਆਂ ਸਨ ਅਤੇ ਘਰ 'ਚ  ਪਿਆ ਤ੍ਰਿਪਾਲ ਵੀ ਸੜ ਕੇ ਸੁਆਹ ਹੋ ਗਿਆ ਸੀ। ਅੱਗ ਲੱਗਣ ਕਾਰਨ ਬਾਈਕ ਪੂਰੀ ਤਰ੍ਹਾਂ ਸੜ ਗਈ ਸੀ। ਸਥਾਨਕ ਲੋਕਾਂ ਨੇ ਤੁਰੰਤ ਪਾਣੀ ਪਾ ਕੇ ਅੱਗ ਬੁਝਾਈ।

ਸੰਜੇ ਚੌਧਰੀ ਨੇ ਦੱਸਿਆ ਕਿ ਜਿਵੇਂ ਹੀ ਸਥਾਨਕ ਲੋਕਾਂ ਨੇ ਆਵਾਜ਼ਾਂ ਮਾਰੀਆਂ ਤਾਂ ਅਸੀਂ ਨੀਂਦ ਤੋਂ ਜਾਗ ਗਏ ਤੇ ਦੇਖਿਆ ਕਿ ਸਾਡੇ ਘਰ ਦੇ ਅਗਲੇ ਦਰਵਾਜ਼ੇ ਤੋਂ ਅੱਗ ਦੀਆਂ ਲਪਟਾਂ ਅੰਦਰ ਆ ਰਹੀਆਂ ਸਨ। ਧੂੰਏਂ ਕਾਰਨ ਸਾਡਾ ਦਮ ਘੁੱਟ ਗਿਆ, ਇਸ ਲਈ ਮੈਂ ਤੁਰੰਤ ਆਪਣੇ ਛੋਟੇ ਬੱਚਿਆਂ ਨੂੰ ਖਿੜਕੀ ਤੋਂ ਬਾਹਰ ਸੁੱਟ ਦਿੱਤਾ, ਜਿਨ੍ਹਾਂ ਨੂੰ ਸਥਾਨਕ ਲੋਕਾਂ ਨੇ ਫੜ ਕੇ ਹੇਠਾਂ ਲਿਆਂਦਾ। ਪਤੀ-ਪਤਨੀ ਵੀ ਖਿੜਕੀ ਤੋਂ ਬਾਹਰ ਆ ਗਏ। ਕੁਝ ਹੀ ਸਮੇਂ 'ਚ ਪੂਰਾ ਘਰ ਅੱਗ ਦੀ ਲਪੇਟ 'ਚ ਆ ਗਿਆ ਸੀ। ਸੰਜੇ ਨੇ ਦੱਸਿਆ ਕਿ ਉਸ ਨੇ ਸਾਲ 2020 ਵਿੱਚ ਮੋਟਰਸਾਈਕਲ ਲਈ ਫਾਈਨਾਂਸ ਕੀਤਾ ਸੀ। ਮਜ਼ਦੂਰ ਵਜੋਂ ਕੰਮ ਕਰਨ ਵਾਲੇ ਸੰਜੇ ਲਈ ਇਹ ਵੱਡਾ ਨੁਕਸਾਨ ਹੈ।

ਪ੍ਰਾਪਤ ਜਾਣਕਾਰੀ ਅਨੁਸਾਰ ਸੰਜੇ ਦੇ ਘਰ ਨੇੜੇ ਡਾਕਖਾਨੇ ਵਿੱਚ ਕਈ ਵਾਹਨ ਖੜ੍ਹੇ ਸਨ ਪਰ ਕਿਸੇ ਅਣਪਛਾਤੇ ਵਿਅਕਤੀ ਨੇ ਉਸ ਦੇ ਮੋਟਰਸਾਈਕਲ ਨੂੰ ਅੱਗ ਲਾ ਦਿੱਤੀ। ਇਸ ਪਿੱਛੇ ਦੁਸ਼ਮਣੀ ਹੈ ਜਾਂ ਕੁਝ ਹੋਰ, ਪੀੜਤ ਸੰਜੇ ਨੂੰ ਵੀ ਇਸ ਬਾਰੇ ਪਤਾ ਨਹੀਂ ਹੈ। ਸੰਜੇ ਨੇ ਇਸ ਦੀ ਰਿਪੋਰਟ ਕੋਤਵਾਲੀ ਥਾਣੇ ਵਿੱਚ ਦਰਜ ਕਰਵਾਈ ਹੈ।