6 ਲੋਕ ਗੰਭੀਰ ਜ਼ਖਮੀ
ਰਾਏਬਰੇਲੀ: ਰਾਏਬਰੇਲੀ ਜ਼ਿਲ੍ਹੇ ਵਿੱਚ ਇੱਕ ਭਿਆਨਕ ਸੜਕ ਹਾਦਸਾ ਵਾਪਰ ਗਿਆ ਹੈ। ਇਥੇ ਤੇਜ਼ ਰਫਤਾਰ ਡੰਪਰ ਬੇਕਾਬੂ ਹੋ ਕੇ ਖੋਖੇ 'ਚ ਜਾ ਵੜਿਆ। ਇਹ ਦਰਦਨਾਕ ਹਾਦਸਾ ਸੰਘਣੀ ਧੁੰਦ ਕਾਰਨ ਵਾਪਰਿਆ ਹੈ। ਖੋਖੇ 'ਤੇ ਬੈਠੇ 12 ਲੋਕਾਂ 'ਚੋਂ 3 ਲੋਕਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਹੈ। ਇੱਕ ਦੀ ਇਲਾਜ ਦੌਰਾਨ ਮੌਤ ਹੋ ਗਈ।
ਇਸ ਦੇ ਨਾਲ ਹੀ 6 ਲੋਕ ਗੰਭੀਰ ਜ਼ਖਮੀ ਦੱਸੇ ਜਾ ਰਹੇ ਹਨ। ਸਥਾਨਕ ਲੋਕਾਂ ਨੇ ਡੰਪਰ ਹੇਠੋਂ ਲੋਕਾਂ ਨੂੰ ਕੱਢਣਾ ਸ਼ੁਰੂ ਕਰ ਦਿੱਤਾ ਹੈ। ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਬਚਾਅ ਜਾਰੀ ਕਰ ਦਿੱਤਾ ਹੈ। ਲੋਕਾਂ ਨੂੰ ਡੰਪਰ ਹੇਠੋਂ ਕੱਢਿਆ ਜਾ ਰਿਹਾ ਹੈ।
ਇਹ ਸਾਰੀ ਘਟਨਾ ਗੁਰਬਖਸ਼ ਗੰਜ ਥਾਣਾ ਖੇਤਰ ਅਧੀਨ ਪੈਂਦੇ ਪਿੰਡ ਖਗੀਆ ਖੇੜਾ ਨੇੜੇ ਵਾਪਰੀ। ਜਿੱਥੇ ਬਛਰਾਵਾਂ ਸਾਈਡ ਤੋਂ ਤੇਜ਼ ਰਫਤਾਰ ਨਾਲ ਆ ਰਿਹਾ ਡੰਪਰ ਬੇਕਾਬੂ ਹੋ ਕੇ ਚਾਹ ਦੀ ਦੁਕਾਨ ਨਾਲ ਟਕਰਾ ਕੇ ਪਲਟ ਗਿਆ। ਹਾਦਸੇ 'ਚ ਦੁਕਾਨ 'ਤੇ ਬੈਠੇ 4 ਵਿਅਕਤੀਆਂ ਨੂੰ ਡੰਪਰ ਨੇ ਟੱਕਰ ਮਾਰ ਦਿੱਤੀ, ਜਿਨ੍ਹਾਂ 'ਚ ਰਵਿੰਦਰ ਕੁਮਾਰ (35) ਪੁੱਤਰ ਛੀਦ ਵਾਸੀ ਖਗੀਆ ਖੇੜਾ, ਲੱਲੂ ਪੁੱਤਰ ਸਤਿਆਨਾਰਾਇਣ (50), ਲਾਲੀ (65) ਪੁੱਤਰ ਬਦਰੀ ਵਾਸੀ ਖਗੀਆ ਖੇੜਾ ਅਤੇ ਇਕ ਅਣਪਛਾਤਾ ਮੌਕੇ 'ਤੇ ਹੀ ਮੌਤ ਹੋ ਗਈ। ਮਰਨ ਵਾਲਿਆਂ ਵਿੱਚ ਚਾਹ ਸਟਾਲ ਦਾ ਮਾਲਕ ਵੀ ਸ਼ਾਮਲ ਹੈ।
