ਇਸੇ ਹਫ਼ਤੇ ਇਸ ਮਾਮਲੇ ਨੂੰ ਲੈ ਕੇ ਐਫ਼ਆਈਆਰ ਦਰਜ ਕੀਤੀ ਗਈ ਸੀ।

ਕੋਲਹਾਪੁਰ : ਮਹਾਰਾਸ਼ਟਰ ’ਚ ਹੈਰਾਨ ਕਰ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਦੱਸ ਦੇਈਏ ਇਹ ਮਾਮਲਾ ਮਹਾਰਾਸ਼ਟਰ ਦੇ ਕੋਲਹਾਪੁਰ ਦਾ ਹੈ ਜਿੱਥੇ ‘ਜਾਤ ਪੰਚਾਇਤ’ ਨੇ ਦੋ ਭੈਣਾਂ ਨੂੰ ਵਿਆਹ ਤਲਾਕ ਦੇਣ ਦਾ ਫ਼ਰਮਾਨ ਜਾਰੀ ਕੀਤਾ ਹੈ ਕਿਉਂਕਿ ਦੋ ਭੈਣਾਂ ਕੁਆਰੇਪਣ ਦੇ ਟੈਸਟ 'ਚੋਂ ਫ਼ੇਲ੍ਹ ਹੋਣ ਗਈਆਂ ਹਨ। ਕੋਲਹਾਪੁਰ ਪੁਲਿਸ ਨੇ ਭੈਣਾਂ ਦੀ ਸ਼ਿਕਾਇਤ ’ਤੇ ਦੋਵਾਂ ਦੇ ਪਤੀਆਂ, ਸੱਸਾਂ ਤੇ ਪੰਚਾਇਤ ਦੇ ਕੁਝ ਲੋਕਾਂ ਵਿਰੁੱਧ ਕੇਸ ਦਰਜ ਕਰ ਲਿਆ ਹੈ। ਇਸੇ ਹਫ਼ਤੇ ਇਸ ਮਾਮਲੇ ਨੂੰ ਲੈ ਕੇ ਐਫ਼ਆਈਆਰ ਦਰਜ ਕੀਤੀ ਗਈ ਸੀ।

Married Girl

ਦੱਸਣਯੋਗ ਹੈ ਕਿ 27 ਨਵੰਬਰ, 2020 ਨੂੰ ਦੋਵਾਂ ਭੈਣਾਂ ਦਾ ਵਿਆਹ ਕੋਹਲਾਪੁਰ ’ਚ ਹੋਇਆ ਸੀ। ਦੋਸ਼ ਹੈ ਕਿ ਵਿਆਹ ਤੋਂ ਬਾਅਦ ਦੋਵੇਂ ਲਾੜੀਆਂ ਨੂੰ ਵੱਖੋ-ਵੱਖਰੇ ਕਮਰਿਆਂ ’ਚ ਲਿਜਾਂਦਾ ਗਿਆ ਤੇ ਉੱਥੇ ਉਨ੍ਹਾਂ ਦੇ ਕੁਆਰੇ ਹੋਣ ਦੇ ਟੈਸਟ ਕੀਤੇ ਗਏ। ਕਿਹਾ ਜਾਂਦਾ ਹੈ ਕਿ ਇਸ ਭਾਈਚਾਰੇ ਵਿੱਚ ਅਜਿਹਾ ਕਰਨ ਦੀ ਰਵਾਇਤ ਰਹੀ ਹੈ।  

Wedding

ਦੋਵੇਂ ਭੈਣਾਂ ਕੰਜਾਰਭਾਟੇ ਭਾਈਚਾਰੇ ’ਚੋਂ ਹਨ। ਉਨ੍ਹਾਂ ਨੂੰ ਇਸੇ ਭਾਈਚਾਰੇ ਦੇ ਹੀ ਦੋ ਭਰਾਵਾਂ ਨੇ ਵਿਆਹ ਦਾ ਪ੍ਰਸਤਾਵ ਦਿੱਤਾ ਸੀ। ਇਨ੍ਹਾਂ ਵਿੱਚੋਂ ਇੱਕ ਭਰਾ ਆਰਮੀ ’ਚ ਕੰਮ ਕਰਦਾ ਹੈ; ਜਦ ਕਿ ਦੂਜਾ ਇੱਕ ਪ੍ਰਾਈਵੇਟ ਕੰਪਨੀ ’ਚ ਨਿਯੁਕਤ ਹੈ। ਦਰਅਸਲ ਇੱਕ ਭੈਣ ਨੇ ਆਪਣੇ ਬਿਆਨ ’ਚ ਕਿਹਾ ਕਿ ਉਨ੍ਹਾਂ ਉੱਤੇ ਦੂਜੇ ਲੜਕੇ ਨਾਲ ਸਬੰਧ ਰੱਖਣ ਦਾ ਦੋਸ਼ ਲਾਇਆ ਗਿਆ ਸੀ। ਬਾਅਦ ’ਚ ਦੋਵੇਂ ਭੈਣਾਂ ਨੂੰ ਘਰ ’ਚੋਂ ਬਾਹਰ ਕੱਢ ਦਿੱਤਾ ਗਿਆ। ਇਸ ਸਾਰੇ ਮਾਮਲੇ ਵਿਚ ਪੁਲਿਸ ਨੇ FIR ਦਰਜ਼ ਕੀਤੀ ਹੈ ਤੇ ਪੁਲਿਸ ਇਸ ਸਾਰੇ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।