file photo
ਉਪਨਗਰ ਕੁਫਟਾਧਾਰ ’ਚ ਬਾਂਦਰਾਂ ਦੇ ਡਰ ਤੋਂਂ ਭੱਜ ਰਹੀ ਔਰਤ ਦੀ ਦੋ ਮੰਜ਼ਿਲਾ ਮਕਾਨ ਤੋਂ ਡਿੱਗਣ ਕਾਰਨ ਮੌਤ ਹੋ ਗਈ।
ਸ਼ਿਮਲਾ, 10 ਜੁਲਾਈ : ਉਪਨਗਰ ਕੁਫਟਾਧਾਰ ’ਚ ਬਾਂਦਰਾਂ ਦੇ ਡਰ ਤੋਂਂ ਭੱਜ ਰਹੀ ਔਰਤ ਦੀ ਦੋ ਮੰਜ਼ਿਲਾ ਮਕਾਨ ਤੋਂ ਡਿੱਗਣ ਕਾਰਨ ਮੌਤ ਹੋ ਗਈ। ਕੁਫਟਾਧਾਰ ’ਚ ਬਾਂਸ਼ਟੂ ਨਿਵਾਸ ’ਚ ਕਿਰਾਏ ’ਤੇ ਰਹਿਣ ਵਾਲੀ ਔਰਤ ਸਵੇਰੇ ਕਰੀਬ 11 ਵਜੇ ਕੱਪੜੇ ਸੁਕਾਉਣ ਲਈ ਛੱਤ ’ਤੇ ਗਈ। ਬਾਂਦਰਾਂ ਨੇ ਉਸ ’ਤੇ ਹਮਲਾ ਕਰ ਦਿਤਾ। ਬਾਂਦਰਾਂ ਤੋਂ ਬਚਣ ਲਈ ਔਰਤ ਭੱਜੀ ਤੇ ਦੋ ਮੰਜ਼ਿਲਾ ਮਕਾਨ ਦੀ ਛੱਤ ਤੋਂ ਡਿੱਗ ਗਈ। ਉਸ ਨੂੰ ਜ਼ਖ਼ਮੀ ਹਾਲਤ ’ਚ ਲੋਕਾਂ ਨੇ ਆਈਜੀਐਮਸੀ ਹਸਪਤਾਲ ’ਚ ਦਾਖ਼ਲ ਕਰਵਾਇਆ ਜਿਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿਤਾ। ਸਥਾਨਕ ਵਾਸੀ ਨੇ ਦਸਿਆ ਕਿ ਔਰਤ ’ਤੇ ਕਈ ਬਾਂਦਰਾਂ ਨੇ ਹਮਲਾ ਕਰ ਦਿਤਾ ਸੀ। ਘਟਨਾ ਦੀ ਜਾਣਕਾਰੀ ਪੁਲਿਸ ਨੂੰ ਦਿਤੀ ਗਈ ਹੈ। ਲੱਕੜ ਬਾਜ਼ਾਰ ਚੌਕੀ ਦੇ ਮੁਖੀ ਟੀਮ ਨਾਲ ਦੇਰ ਸ਼ਾਮ ਮੌਕੇ ’ਤੇ ਪਹੁੰਚ ਗਏ ਸਨ। (ਏਜੰਸੀ)
