ਪੂਰੀ ਸਕਰੀਨਿੰਗ ਨੂੰ ਲੈ ਕੇ ਭੜਕੀ ਮਹਿਲਾ ਕਰਮੀ ,ਬਿਨਾਂ ਜਾਂਚ ਅੰਦਰ ਜਾਣ ਦੀ ਕੀਤੀ ਕੋਸ਼ਿਸ਼- CISF ਜਵਾਨ
Jaipur Airport Case : ਜੈਪੁਰ ਹਵਾਈ ਅੱਡੇ 'ਤੇ ਸਪਾਈਸਜੈੱਟ ਏਅਰਲਾਈਨਜ਼ ਦੀ ਮਹਿਲਾ ਕਰਮਚਾਰੀ ਨੇ ਕੇਂਦਰੀ ਉਦਯੋਗਿਕ ਸੁਰੱਖਿਆ ਬਲ (CISF) ਦੇ ASI ਨੂੰ ਥੱਪੜ ਮਾਰ ਦਿੱਤਾ ਹੈ। ਕਰੂ ਮੈਂਬਰ ਸਵੇਰੇ 4 ਵਜੇ ਏਅਰਪੋਰਟ ਪਹੁੰਚੀ ਸੀ। ਇਸ ਦੌਰਾਨ ਉਸ ਨੇ ਬਿਨਾਂ ਜਾਂਚ ਦੇ ਅੰਦਰ ਜਾਣ ਦੀ ਕੋਸ਼ਿਸ਼ ਕੀਤੀ। ਇਸ 'ਤੇ ਏਐਸਆਈ ਨੇ ਉਸ ਨੂੰ ਰੋਕਿਆ ਅਤੇ ਸਕਰੀਨਿੰਗ ਕਰਵਾਉਣ ਲਈ ਕਿਹਾ।
ਕਰੂ ਮੈਂਬਰ ਨੇ ਮਹਿਲਾ ਸਟਾਫ਼ ਦੀ ਗੈਰ-ਮੌਜੂਦਗੀ ਦਾ ਹਵਾਲਾ ਦਿੰਦੇ ਹੋਏ ਇਨਕਾਰ ਕਰ ਦਿੱਤਾ। ਜਦੋਂ ਏਐਸਆਈ ਨੇ ਮਹਿਲਾ ਸਟਾਫ਼ ਨੂੰ ਬੁਲਾਉਣ ਦੀ ਗੱਲ ਕਹੀ ਤਾਂ ਉਹ ਭੜਕ ਗਈ ਅਤੇ ਬਹਿਸ ਕਰਨ ਲੱਗੀ। ਮਹਿਲਾ ਸਟਾਫ਼ ਦੇ ਪਹੁੰਚਣ ਤੋਂ ਪਹਿਲਾਂ ਉਸ ਨੇ ਏਐਸਆਈ ਨੂੰ ਥੱਪੜ ਮਾਰ ਦਿੱਤਾ।
ਦੂਜੇ ਪਾਸੇ ਇਸ ਮਾਮਲੇ ਵਿੱਚ ਸਪਾਈਸ ਜੈੱਟ ਦਾ ਬਿਆਨ ਵੀ ਆਇਆ ਹੈ। ਸਪਾਈਸਜੈੱਟ ਨੇ ਕਿਹਾ ਕਿ ਸੀਆਈਐਸਐਫ ਜਵਾਨ ਨੇ ਮਹਿਲਾ ਸਟਾਫ ਨਾਲ ਅਪਮਾਨਜਨਕ ਭਾਸ਼ਾ ਦੀ ਵਰਤੋਂ ਕੀਤੀ ਅਤੇ ਉਸ ਨੂੰ ਡਿਊਟੀ ਤੋਂ ਬਾਅਦ ਘਰ ਮਿਲਣ ਲਈ ਕਿਹਾ।
SHOCKING!!! #SpiceJet female staff slaps #CISF man at #Jaipurairport, booked #ViralVideo pic.twitter.com/glno9yxIxT
— Rozana Spokesman (@RozanaSpokesman) July 11, 2024
ਪੂਰੀ ਸਕਰੀਨਿੰਗ ਨੂੰ ਲੈ ਕੇ ਭੜਕੀ ਮਹਿਲਾ ਕਰਮੀ, ਬਿਨਾਂ ਜਾਂਚ ਅੰਦਰ ਜਾਣ ਦੀ ਕੀਤੀ ਕੋਸ਼ਿਸ਼
ਏਅਰਪੋਰਟ ਥਾਣੇ ਦੇ ਅਧਿਕਾਰੀ ਮੋਤੀਲਾਲ ਨੇ ਦੱਸਿਆ- ਏਐਸਆਈ ਗਿਰੀਰਾਜ ਪ੍ਰਸਾਦ ਨੇ ਸਪਾਈਸ ਜੈੱਟ ਦੀ ਕਰੂ ਮੈਂਬਰ ਅਨੁਰਾਧਾ ਰਾਣੀ ਖ਼ਿਲਾਫ਼ ਕੇਸ ਦਰਜ ਕਰਵਾਇਆ ਹੈ। ਪੁਲਿਸ ਨੇ ਕਰੂ ਮੈਂਬਰ ਨੂੰ ਗ੍ਰਿਫਤਾਰ ਕਰ ਲਿਆ ਹੈ ਅਤੇ ਪੁੱਛਗਿੱਛ ਕਰ ਰਹੀ ਹੈ।
ਏਐਸਆਈ ਨੇ ਰਿਪੋਰਟ ਵਿੱਚ ਕਿਹਾ - ਕਰੂ ਮੈਂਬਰ ਦੀ ਬੈਕ ਆਫਿਸ ਵਿੱਚ ਡਿਊਟੀ ਹੈ। ਉਹ ਸਵੇਰੇ 4 ਵਜੇ ਏਅਰਪੋਰਟ ਪਹੁੰਚੀ ਸੀ। ਇਸ ਦੌਰਾਨ ਉਸਦੀ ਵੀ ਡਿਊਟੀ ਏਅਰਪੋਰਟ 'ਤੇ ਸੀ। ਉਨ੍ਹਾਂ ਨੇ ਦੱਸਿਆ, 'ਕਰੂ ਮੈਂਬਰ ਨੇ ਬਿਨਾਂ ਸੁਰੱਖਿਆ ਜਾਂਚ ਦੇ ਅੰਦਰ ਜਾਣ ਦੀ ਕੋਸ਼ਿਸ਼ ਕੀਤੀ। ਇਸ 'ਤੇ ਉਨ੍ਹਾਂ ਨੇ ਉਸ ਨੂੰ ਰੋਕ ਦਿੱਤਾ ਅਤੇ ਸਕਰੀਨਿੰਗ ਕਰਵਾਉਣ ਲਈ ਕਿਹਾ। ਕਰੂ ਮੈਂਬਰ ਨੇ ਮਹਿਲਾ ਸਟਾਫ ਦੀ ਗੈਰਹਾਜ਼ਰੀ ਦਾ ਹਵਾਲਾ ਦਿੱਤਾ ਅਤੇ ਸਕ੍ਰੀਨਿੰਗ ਤੋਂ ਇਨਕਾਰ ਕਰ ਦਿੱਤਾ।
