Punjab News: ਹਰਿਆਣਾ ਵਿਚ ਮੌਤਾਂ ਨਾਲੋਂ ਜ਼ਖ਼ਮੀਆਂ ਦੀ ਗਿਣਤੀ ਵੱਧ ਹੈ।
The number of deaths is more then in injured in punjab: ਨੈਸ਼ਨਲ ਕ੍ਰਾਈਮ ਰਿਕਾਰਡ ਬਿਊਰੋ (NCRB) ਦੀ ਤਾਜ਼ਾ ਰਿਪੋਰਟ 'ਚ ਵੱਡਾ ਖੁਲਾਸਾ ਹੋਇਆ ਹੈ। ਰਿਪੋਰਟ ਮੁਤਾਬਕ ਪੰਜਾਬ ਵਿਚ 2021 ਅਤੇ 2022 ਵਿਚ ਸੜਕ ਹਾਦਸਿਆਂ ਵਿਚ ਮਰਨ ਵਾਲਿਆਂ ਦੀ ਗਿਣਤੀ ਜ਼ਖ਼ਮੀਆਂ ਨਾਲੋਂ ਵੱਧ ਸੀ। ਅੰਕੜਿਆਂ ਤੋਂ ਇਹ ਵੀ ਸਾਹਮਣੇ ਆਇਆ ਹੈ ਕਿ ਗੁਆਂਢੀ ਸੂਬੇ ਹਰਿਆਣਾ ਵਿੱਚ ਮੌਤਾਂ ਦੀ ਗਿਣਤੀ ਪੰਜਾਬ ਨਾਲੋਂ ਵੱਧ ਹੈ। ਹਾਲਾਂਕਿ ਹਰਿਆਣਾ ਵਿੱਚ ਮੌਤਾਂ ਨਾਲੋਂ ਜ਼ਖ਼ਮੀਆਂ ਦੀ ਗਿਣਤੀ ਵੱਧ ਹੈ। ਸੜਕ ਹਾਦਸਿਆਂ ਵਿੱਚ ਆਮ ਤੌਰ 'ਤੇ ਮੌਤਾਂ ਨਾਲੋਂ ਜ਼ਿਆਦਾ ਸੱਟਾਂ ਲੱਗਦੀਆਂ ਹਨ ਪਰ ਹੁਣ ਅੰਕੜਿਆਂ ਤੋਂ ਪਤਾ ਲੱਗਾ ਹੈ ਕਿ ਪੰਜਾਬ ਅਤੇ ਕੁਝ ਹੋਰ ਰਾਜਾਂ ਵਿੱਚ ਮਰਨ ਵਾਲਿਆਂ ਦੀ ਗਿਣਤੀ ਜ਼ਖ਼ਮੀਆਂ ਨਾਲੋਂ ਵੱਧ ਹੈ।
ਇਹ ਵੀ ਪੜ੍ਹੋ: Chennai Floods News: ਕੀ ਸੱਚਮੁਚ ਚੇਨੱਈ ਦੇ ਹੜ੍ਹ ਵਿਚ ਤਾਮਿਲਨਾਡੂ ਦੇ ਮੁੱਖ ਮੰਤਰੀ ਦਾ ਦਿਸ ਰਿਹਾ ਚਿਹਰਾ?
ਪੰਜਾਬ ਵਿੱਚ 2022 ਵਿੱਚ 6,122 ਸੜਕ ਹਾਦਸਿਆਂ ਵਿੱਚ 4,688 ਮੌਤਾਂ ਅਤੇ 3,372 ਜ਼ਖ਼ਮੀ ਹੋਏ। ਇਸ ਤੋਂ ਪਿਛਲੇ ਸਾਲ 2021 ਵਿਚ 6,097 ਸੜਕ ਹਾਦਸਿਆਂ ਵਿਚ 4,516 ਲੋਕਾਂ ਦੀ ਜਾਨ ਗਈ ਸੀ ਅਤੇ 3,034 ਲੋਕ ਜ਼ਖ਼ਮੀ ਹੋਏ। ਜਦੋਂ ਕਿ ਹਰਿਆਣਾ ਵਿਚ 2021 ਵਿੱਚ 10,049 ਸੜਕ ਹਾਦਸੇ ਦਰਜ ਕੀਤੇ ਗਏ। ਇਹ ਅੰਕੜਾ 2022 ਵਿਚ ਮਾਮੂਲੀ ਵਧ ਕੇ 10,654 ਹੋ ਗਿਆ।
ਇਹ ਵੀ ਪੜ੍ਹੋ: Sonipat Sarpanch Murder News: ਚੜ੍ਹਦੀ ਸਵੇਰ ਹੋਇਆ ਵੱਡਾ ਕਾਂਡ, ਖੇਤ ਜਾ ਰਹੇ ਸਰਪੰਚ ਨੂੰ ਗੋਲੀਆਂ ਨਾਲ ਭੁੰਨਿਆ
2021 ਵਿੱਚ ਹਰਿਆਣਾ ਵਿੱਚ 4,983 ਲੋਕਾਂ ਦੀ ਮੌਤ ਹੋ ਗਈ। 2022 ਵਿੱਚ, ਇਹ ਅੰਕੜਾ 5,228 ਤੱਕ ਪਹੁੰਚ ਗਿਆ। ਦੋ ਸਾਲਾਂ ਵਿੱਚ ਹਾਦਸਿਆਂ ਵਿੱਚ ਕ੍ਰਮਵਾਰ 7,972 ਅਤੇ 8,353 ਲੋਕ ਜ਼ਖ਼ਮੀ ਹੋਏ ਹਨ।
ਪੰਜਾਬ 'ਚ ਸੜਕ ਹਾਦਸਿਆਂ 'ਚ ਜ਼ਖ਼ਮੀ ਘੱਟ, ਮੌਤਾਂ ਹੋਈਆਂ ਜ਼ਿਆਦਾ
ਸਾਲ ਕੁੱਲ ਸੜਕ ਹਾਦਸੇ ਮੌਤਾਂ ਜ਼ਖ਼ਮੀ
2022 6,122 4,688 3,372
2021 6,097 4,516 3,034
ਐਨਸੀਆਰਬੀ ਦੇ ਅੰਕੜਿਆਂ ਦੇ ਅਨੁਸਾਰ, 2022 ਵਿੱਚ ਹਰਿਆਣਾ ਵਿੱਚ SUV ਅਤੇ ਕਾਰਾਂ ਵਰਗੇ ਹਲਕੇ ਮੋਟਰ ਵਾਹਨਾਂ ਦੇ ਸੜਕ ਹਾਦਸਿਆਂ ਵਿੱਚ 660 ਲੋਕਾਂ ਦੀ ਮੌਤ ਹੋ ਗਈ ਅਤੇ 1,398 ਜ਼ਖਮੀ ਹੋਏ। ਪੰਜਾਬ ਵਿੱਚ 2022 ਵਿਚ 1,101 ਮੌਤਾਂ ਅਤੇ 861 ਜ਼ਖ਼ਮੀ ਹੋਏ ਹਨ। ਦੋਵਾਂ ਰਾਜਾਂ ਵਿੱਚ ਦੋਪਹੀਆ ਵਾਹਨ ਚਾਲਕਾਂ ਦੇ ਜ਼ਖ਼ਮੀ ਹੋਣ ਅਤੇ ਮੌਤਾਂ ਦੇ ਮਾਮਲੇ ਵੀ ਜ਼ਿਆਦਾ ਹਨ। 2022 ਵਿੱਚ, ਹਰਿਆਣਾ ਵਿੱਚ 2,182 ਦੋਪਹੀਆ ਵਾਹਨ ਚਾਲਕਾਂ ਨੇ ਆਪਣੀ ਜਾਨ ਗੁਆ ਦਿੱਤੀ ਅਤੇ 3,420 ਜ਼ਖਮੀ ਹੋਏ। ਜਦੋਂ ਕਿ ਪੰਜਾਬ ਵਿੱਚ 2,099 ਲੋਕਾਂ ਦੀ ਮੌਤ ਹੋ ਗਈ ਅਤੇ 1,663 ਜ਼ਖਮੀ ਹੋਏ।
ਪੰਜਾਬ ਵਿੱਚ 2022 ਵਿੱਚ ਸੜਕ ਹਾਦਸਿਆਂ ਵਿੱਚ ਘੱਟੋ-ਘੱਟ 215 ਸਾਈਕਲ ਸਵਾਰਾਂ ਦੀ ਮੌਤ ਹੋ ਗਈ ਅਤੇ 112 ਜ਼ਖ਼ਮੀ ਹੋਏ। ਜਦਕਿ ਹਰਿਆਣਾ ਵਿਚ 114 ਮੌਤਾਂ ਹੋਈਆਂ ਅਤੇ 120 ਲੋਕ ਜ਼ਖਮੀ ਹੋਏ ਹਨ। 2022 ਵਿੱਚ, ਹਰਿਆਣਾ ਵਿੱਚ 1,164 ਪੈਦਲ ਯਾਤਰੀਆਂ ਦੀ ਮੌਤ ਹੋ ਗਈ ਅਤੇ 1,663 ਜ਼ਖਮੀ ਹੋਏ। ਜੇਕਰ ਪੰਜਾਬ ਦੀ ਗੱਲ ਕਰੀਏ ਤਾਂ ਇੱਥੇ 609 ਲੋਕਾਂ ਦੀ ਜਾਨ ਚਲੀ ਗਈ ਅਤੇ 241 ਲੋਕ ਜ਼ਖਮੀ ਹੋਏ।
