Himachal News: ਖੇਡਦੇ ਹੋਏ ਛੱਤ ਤੋਂ ਡਿੱਗਣ ਨਾਲ ਹੋਈ ਸੀ ਸਾਕਸ਼ੀ ਦੀ ਮੌਤ
Parents donate organs after daughter's brain death Himachal News in punjabi : ਹਿਮਾਚਲ ਦੇ ਚੰਬਾ ਜ਼ਿਲ੍ਹੇ ਦੀ 4 ਸਾਲਾ ਸਾਕਸ਼ੀ ਠਾਕੁਰ ਆਪਣੀ ਜਾਨ ਤਾਂ ਬਚਾ ਨਹੀਂ ਸਕੀ ਪਰ ਉਸ ਦੇ ਗੁਰਦਿਆਂ ਨੇ ਦੋ ਲੋਕਾਂ ਨੂੰ ਨਵੀਂ ਜ਼ਿੰਦਗੀ ਦਿਤੀ ਹੈ। ਜਿਸ ਵਿਚ ਇਕ ਦੀ ਉਮਰ 25 ਸਾਲ ਅਤੇ ਦੂਜੇ ਦੀ 35 ਸਾਲ ਹੈ। ਸਾਕਸ਼ੀ ਦੇ ਫੌਜੀ ਪਿਤਾ ਧਰਮੇਸ਼ ਕੁਮਾਰ ਨੇ ਧੀ ਦੇ ਅੰਗ ਦਾਨ ਕਰਨ ਦਾ ਫ਼ੈਸਲਾ ਕੀਤਾ। ਧਰਮੇਸ਼ ਭਾਰਤੀ ਫੌਜ ਵਿੱਚ ਅਰੁਣਾਚਲ ਪ੍ਰਦੇਸ਼ ਵਿੱਚ ਤਾਇਨਾਤ ਹਨ।
ਇਹ ਵੀ ਪੜ੍ਹੋ: Haryana News: 30 ਲੱਖ 'ਚ ਡੌਂਕੀ ਲਗਾ ਕੇ ਅਮਰੀਕਾ ਗਏ ਨੌਜਵਾਨ ਨੂੰ ਮਿਲੀ ਮੌਤ
2 ਜਨਵਰੀ ਨੂੰ ਸਾਕਸ਼ੀ ਠਾਕੁਰ ਖੇਡਦੇ ਹੋਏ ਛੱਤ ਤੋਂ ਡਿੱਗ ਗਈ ਸੀ। ਉਸ ਦੇ ਸਿਰ 'ਤੇ ਗੰਭੀਰ ਸੱਟਾਂ ਲੱਗੀਆਂ। ਉਸ ਨੂੰ ਸਥਾਨਕ ਹਸਪਤਾਲ ਤੋਂ ਚੰਬਾ ਮੈਡੀਕਲ ਕਾਲਜ ਰੈਫਰ ਕਰ ਦਿਤਾ ਗਿਆ। ਜਦੋਂ ਉਸ ਦੀ ਹਾਲਤ ਵਿੱਚ ਕੋਈ ਸੁਧਾਰ ਨਾ ਹੋਇਆ ਤਾਂ ਡਾਕਟਰਾਂ ਨੇ ਉਸ ਨੂੰ ਰਾਜਿੰਦਰ ਪ੍ਰਸਾਦ ਮੈਡੀਕਲ ਕਾਲਜ ਟਾਂਡਾ ਭੇਜ ਦਿੱਤਾ। ਉੱਥੇ ਵੀ ਸਾਕਸ਼ੀ ਦੀ ਹਾਲਤ 'ਚ ਸੁਧਾਰ ਨਹੀਂ ਹੋਇਆ। ਇਸ ਤੋਂ ਬਾਅਦ ਉਸ ਨੂੰ ਚੰਡੀਗੜ੍ਹ ਪੀ.ਜੀ.ਆਈ. ਰੈਫਰ ਕਰ ਦਿਤਾ।
ਇਹ ਵੀ ਪੜ੍ਹੋ: Food Samples News: ਲੋਕਾਂ ਦੀ ਸਿਹਤ ਨਾਲ ਹੋ ਰਿਹਾ ਖਿਲਵਾੜ, ਵੇਚਿਆ ਜਾ ਰਿਹਾ ਗੰਦਾ ਭੋਜਨ, ਜ਼ਿਆਦਾਤਰ ਭੋਜਨ ਦੇ ਸੈਂਪਲ ਫੇਲ੍ਹ
ਉੱਥੇ ਉਸ ਦਾ ਦਿਮਾਗ ਕੰਮ ਕਰਨਾ ਬੰਦ ਕਰ ਗਿਆ। ਡਾਕਟਰਾਂ ਨੇ ਸਾਰੇ ਪ੍ਰੋਟੋਕੋਲ ਪੂਰੇ ਕਰਨ ਤੋਂ ਬਾਅਦ 9 ਜਨਵਰੀ ਨੂੰ ਉਸ ਨੂੰ ਬ੍ਰੇਨ ਡੈੱਡ ਐਲਾਨ ਦਿਤਾ। ਸਾਕਸ਼ੀ ਦੇ ਹੋਰ ਅੰਗ ਠੀਕ ਕੰਮ ਕਰ ਰਹੇ ਸਨ। ਡਾਕਟਰਾਂ ਨੇ ਸਾਕਸ਼ੀ ਠਾਕੁਰ ਦੇ ਪਰਿਵਾਰਕ ਮੈਂਬਰਾਂ ਨਾਲ ਗੱਲ ਕੀਤੀ। ਉਸ ਨੇ ਦੱਸਿਆ ਕਿ ਬੇਸ਼ੱਕ ਉਸ ਦਾ ਦਿਮਾਗ਼ ਮਰ ਚੁੱਕਾ ਹੈ ਪਰ ਗੁਰਦਿਆਂ ਸਮੇਤ ਹੋਰ ਅੰਗ ਲੋੜਵੰਦ ਲੋਕਾਂ ਲਈ ਵਰਤੇ ਜਾ ਸਕਦੇ ਹਨ। ਉਸ ਸਮੇਂ ਦੌਰਾਨ ਪੀਜੀਆਈ ਵਿੱਚ ਦੋ ਵਿਅਕਤੀਆਂ ਨੂੰ ਗੁਰਦਿਆਂ ਦੀ ਸਖ਼ਤ ਲੋੜ ਸੀ। ਦੋਵੇਂ ਜ਼ਿੰਦਗੀ ਅਤੇ ਮੌਤ ਵਿਚਕਾਰ ਜੂਝ ਰਹੇ ਸਨ। ਫੌਜੀ ਪਿਤਾ ਧਰਮੇਸ਼ ਠਾਕੁਰ ਨੇ ਡਾਕਟਰਾਂ ਨਾਲ ਗੱਲ ਕਰਨ ਤੋਂ ਬਾਅਦ ਆਪਣੀ ਬੇਟੀ ਦੇ ਅੰਗਾਂ ਦੀ ਵਰਤੋਂ ਕਰਨ ਦੀ ਸਹਿਮਤੀ ਦੇ ਦਿੱਤੀ ਹੈ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
ਧਰਮੇਸ਼ ਠਾਕੁਰ ਨੇ ਦੱਸਿਆ ਕਿ ਉਨ੍ਹਾਂ ਦੀ ਬੇਟੀ ਦੇ ਅੰਗਾਂ ਤੋਂ ਦੋ ਲੋਕਾਂ ਨੂੰ ਨਵੀਂ ਜ਼ਿੰਦਗੀ ਮਿਲੀ ਹੈ। ਦੋਵੇਂ ਵਿਅਕਤੀ ਉਸ ਦਿਨ ਵੀ ਪੀਜੀਆਈ ਵਿੱਚ ਦਾਖ਼ਲ ਸਨ ਅਤੇ ਆਪਣੀ ਜਾਨ ਦੀ ਲੜਾਈ ਲੜ ਰਹੇ ਸਨ। ਆਪਣੀ ਧੀ ਦੇ ਇਸ ਤਰ੍ਹਾਂ ਡਿੱਗਣ, ਜ਼ਖ਼ਮੀ ਹੋਣ ਅਤੇ ਉਸ ਨੂੰ ਗੁਆਉਣ ਦਾ ਸਦਮਾ ਸਹਿਣਾ ਮੁਸ਼ਕਲ ਹੈ, ਪਰ ਉਸ ਦੀ ਬੇਟੀ ਬਹੁਤ ਵਧੀਆ ਕੰਮ ਕਰਕੇ ਦੁਨੀਆ ਤੋਂ ਗਈ ਹੈ।
(For more news apart from Parents donate organs after daughter's brain death Himachal News in punjabi, stay tuned to Rozana Spokesman)
