ਹਜ਼ਾਰਾਂ ਲੋਕ ਹੋਏ ਬੇਘਰ
ਨਵੀਂ ਦਿੱਲੀ: ਤੁਰਕੀ ਅਤੇ ਸੀਰੀਆ 'ਚ ਬੀਤੇ ਸੋਮਵਾਰ ਨੂੰ ਹੋਈ ਭਿਆਨਕ ਤਬਾਹੀ ਕਾਰਨ ਹੁਣ ਤੱਕ 28 ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਮਰਨ ਵਾਲਿਆਂ ਦੀ ਗਿਣਤੀ 28,192 ਤੱਕ ਪਹੁੰਚ ਗਈ ਹੈ। ਤੁਰਕੀ ਦੇ ਉਪ ਰਾਸ਼ਟਰਪਤੀ ਫੁਆਤ ਓਕਤੇ ਨੇ ਸ਼ਨੀਵਾਰ ਨੂੰ ਮੀਡੀਆ ਨੂੰ ਦੱਸਿਆ ਕਿ ਤੁਰਕੀ 'ਚ ਭੂਚਾਲ ਕਾਰਨ ਹੋਈ ਤਬਾਹੀ 'ਚ ਮਰਨ ਵਾਲਿਆਂ ਦੀ ਗਿਣਤੀ 24,617 ਤੱਕ ਪਹੁੰਚ ਗਈ ਹੈ। ਸੀਰੀਆ ਵਿੱਚ, ਮੌਤਾਂ ਦੀ ਕੁੱਲ ਗਿਣਤੀ 3,575 ਹੋ ਗਈ ਹੈ, ਜਿਸ ਵਿੱਚ ਉੱਤਰ-ਪੱਛਮ ਵਿੱਚ ਵਿਦਰੋਹੀਆਂ ਦੇ ਕਬਜ਼ੇ ਵਾਲੇ ਖੇਤਰਾਂ ਵਿੱਚ 2,167 ਸ਼ਾਮਲ ਹਨ।
ਪੜ੍ਹੋ ਪੂਰੀ ਖਬਰ: ਭਾਰ ਘਟਾਉਣ ਲਈ ਪੀਉ ਆਂਵਲੇ ਦੀ ਚਾਹ, ਹੋਣਗੇ ਕਈ ਫ਼ਾਇਦੇ
ਸੀਰੀਆ ਦੇ ਸਰਕਾਰੀ ਮੀਡੀਆ ਨੇ ਦੇਸ਼ ਦੇ ਸਿਹਤ ਮੰਤਰਾਲੇ ਦਾ ਹਵਾਲਾ ਦਿੰਦੇ ਹੋਏ ਦੱਸਿਆ ਕਿ ਸਰਕਾਰੀ ਨਿਯੰਤਰਿਤ ਖੇਤਰਾਂ ਵਿੱਚ ਇੱਕ ਵਾਧੂ 1,408 ਮੌਤਾਂ ਦਰਜ ਕੀਤੀਆਂ ਗਈਆਂ, 6 ਫਰਵਰੀ ਨੂੰ ਤੁਰਕੀ ਵਿੱਚ ਆਏ ਭੂਚਾਲ ਤੋਂ ਬਾਅਦ ਲਾਪਤਾ ਹੋਇਆ ਇੱਕ ਭਾਰਤੀ ਨਾਗਰਿਕ ਮਾਲਟਾ ਵਿੱਚ ਇੱਕ ਹੋਟਲ ਦੇ ਮਲਬੇ ਹੇਠੋਂ ਮ੍ਰਿਤਕ ਪਾਇਆ ਗਿਆ। ਭਾਰਤੀ ਦੂਤਾਵਾਸ ਨੇ ਸ਼ਨੀਵਾਰ ਨੂੰ ਇੱਕ ਟਵੀਟ ਵਿੱਚ ਇਹ ਜਾਣਕਾਰੀ ਦਿੱਤੀ। ਮ੍ਰਿਤਕ ਦੀ ਪਛਾਣ ਵਿਜੇ ਕੁਮਾਰ ਵਜੋਂ ਹੋਈ ਹੈ, ਜੋ ਕਾਰੋਬਾਰੀ ਯਾਤਰਾ 'ਤੇ ਤੁਰਕੀ ਗਿਆ ਹੋਇਆ ਸੀ।
ਪੜ੍ਹੋ ਪੂਰੀ ਖਬਰ: ਗਾਂ ਦਾ ਦੁੱਧ ਜਾਂ ਮੱਝ ਦਾ ਦੁੱਧ ਦੋਹਾਂ ਵਿਚੋਂ ਤੁਹਾਡੀ ਸਿਹਤ ਲਈ ਕਿਹੜਾ ਹੈ ਫ਼ਾਇਦੇਮੰਦ, ਪੜ੍ਹੋ ?
ਵਿਜੇ ਕੁਮਾਰ ਦੇ ਰਿਸ਼ਤੇਦਾਰ ਗੌਰਵ ਕਾਲਾ ਨੇ ਕਿਹਾ, 'ਸਾਨੂੰ ਕੱਲ੍ਹ ਰਿਪੋਰਟ ਮਿਲੀ ਸੀ ਕਿ ਉਸ ਦਾ ਸਾਮਾਨ ਅਤੇ ਪਾਸਪੋਰਟ ਮਿਲ ਗਿਆ ਹੈ ਪਰ ਉੱਥੇ ਕੋਈ ਲਾਸ਼ ਨਹੀਂ ਸੀ। ਅਸੀਂ ਉਸਦੀ ਸੁਰੱਖਿਆ ਦੀ ਉਮੀਦ ਕਰ ਰਹੇ ਸੀ ਕਿ ਸ਼ਾਇਦ ਉਹ ਬਚ ਗਿਆ ਹੋਵੇ। ਕਰੀਬ ਇੱਕ ਮਹੀਨਾ ਪਹਿਲਾਂ ਉਸ ਦੇ ਪਿਤਾ ਦਾ ਦਿਹਾਂਤ ਹੋ ਗਿਆ ਸੀ ਅਤੇ ਹੁਣ ਅਜਿਹਾ ਹੋਇਆ ਹੈ।ਇਸ ਦੁਖਦ ਖ਼ਬਰ ਬਾਰੇ ਜਾਣ ਕੇ ਵਿਜੇ ਦੇ ਪਰਿਵਾਰਕ ਮੈਂਬਰ ਡੂੰਘੇ ਸਦਮੇ ਵਿੱਚ ਹਨ।
