Sirhind ਤੋਂ ਪੈਦਲ Delhi ਪਹੁੰਚੇ ਨੌਜਵਾਨ
ਨਵੀਂ ਦਿੱਲੀ ( ਸ਼ੈਸਵ ਨਾਗਰਾ) ਕਿਸਾਨਾਂ ਨੇ ਪਿਛਲੇ ਸਾਢੇ ਤਿੰਨ ਮਹੀਨਿਆਂ ਤੋਂ ਸਿੰਘੂ, ਟਿੱਕਰੀ, ਗ਼ਾਜ਼ੀਪੁਰ, ਸ਼ਾਹ ਜਹਾਂ ਤੇ ਪਲਵਲ ਆਦਿ ਕਈ ਬਾਰਡਰਾਂ ਨੂੰ ਬੰਦ ਕਰ ਕੇ ਦਿੱਲੀ ਨੂੰ ਘੇਰਿਆ ਹੋਇਆ ਹੈ। ਇਸ ਸੰਘਰਸ਼ ਵਿਚ ਹੁਣ ਤਕ ਢਾਈ ਸੌ ਤੋਂ ਵੱਧ ਕਿਸਾਨ ਸ਼ਹਾਦਤਾਂ ਦੇ ਜਾਮ ਪੀ ਚੁੱਕੇ ਹਨ।
Karmjit singh and Sheshav Nagra
ਇਸ ਕਿਸਾਨੀ ਸੰਘਰਸ਼ ਵਿਚ ਹਰ ਕੋਈ ਹਿੱਸਾ ਲੈ ਰਿਹਾ ਹੈ। ਸਰਹਿੰਦ ਤੋਂ ਕੁੱਝ ਨੌਜਵਾਨ ਹੱਥ ਵਿਚ ਮਸ਼ਾਲ ਫੜਕੇ ਸਿੰਘੂ ਬਾਰਡਰ ਪਹੁੰਚੇ, ਉਹਨਾਂ ਕਿਹਾ ਕਿ ਲੋਕਾਂ ਨੇ ਉਹਨਾਂ ਦਾ ਹੌਸਲਾ ਵਧਾਇਆ ਹੈ ਅਤੇ ਇਸ ਨਾਲ ਲੋਕਾਂ ਵਿਚ ਹੋਰ ਜ਼ੋਸ ਭਰ ਗਿਆ ਹੈ।
Karmjit singh and Sheshav Nagra
ਲੋਕਾਂ ਨੇ ਬਹੁਤ ਵਧੀਆਂ ਸਵਾਗਤ ਕੀਤਾ ਤੇ ਅੱਜ ਉਹ ਹੱਥ ਵਿਚ ਮਸ਼ਾਲ ਫੜਕੇ ਗਾਜ਼ੀਪੁਰ ਬਾਰਡਰ ਪਹੁੰਚੇ ਹਨ । ਉਹਨਾਂ ਕਿਹਾ ਕਿ ਇਸ ਅੰਦੋਲਨ ਦੀ ਆਵਾਜ਼ ਬਾਹਰ ਦੇਸ਼ਾਂ ਵਿਦੇਸ਼ਾਂ ਤੱਕ ਪਹੁੰਚ ਚੁੱਕੀ ਹੈ । ਉਹਨਾਂ ਕਿਹਾ ਕਿ ਉਹ ਸਿੰਘੂ ਬਾਰਡਰ 'ਤੇ ਵੀ ਬੂਟਾ ਲਾ ਕੇ ਆਏ ਹਨ ਤੇ ਹੁਣ ਗਾਜ਼ੀਪੁਰ ਬਾਰਡਰ 'ਤੇ ਵੀ ਬੂਟਾ ਲਾਉਣਗੇ।
Karmjit singh and Sheshav Nagra
ਉਹਨਾਂ ਕਿਹਾ ਕਿ ਇਹ ਬੂਟਾ ਲੋਕਾਂ ਨੂੰ ਅੱਗੇ ਵਧਣ ਦੀ ਪ੍ਰੇਰਣਾ ਦੇਵੇਗਾ ਅਤੇ ਇਹ ਬੂਟਾ ਕਿਸਾਨੀ ਅੰਦੋਲਨ ਦਾ ਪ੍ਰਤੀਕ ਹੈ। ਉਹਨਾਂ ਦਾ 55 ਵਿਅਕਤੀਆਂ ਦਾ ਜੱਥਾ ਗਾਜ਼ੀਪੁਰ ਬਾਰਡਰ 'ਤੇ ਪਹੁੰਚਿਆਂ ਹੈ ਤੇ ਉਹ ਗਾਜ਼ੀਪੁਰ ਬਾਰਡਰ 'ਤੇ ਗੱਡੀਆਂ 'ਤੇ ਆਏ ਹਨ ਕਿਉਂਕਿ ਗਾਜ਼ੀਪੁਰ ਬਾਰਡਰ ਦੂਰ ਪੈ ਜਾਂਦਾ ਹੈ ।
Karmjit singh and Sheshav Nagra
ਉਹਨਾਂ ਕਿਹਾ ਕਿ ਅਸੀਂ ਲੋਕਾਂ ਦਾ ਹੌਸਲਾ ਵਧਾਉਣ ਲਈ ਗਾਜ਼ੀਪੁਰ ਬਾਰਡਰ 'ਤੇ ਆਏ ਹਾਂ ਤੇ ਉਹ ਹੋਰ ਥਾਵਾਂ 'ਤੇ ਵੀ ਬੂਟੇ ਲਗਾ ਕੇ ਲੋਕਾਂ ਨੂੰ ਜਾਗਰੂਕ ਕਰਨਗੇ ਨਾਲ ਹੀ ਕਿਹਾ ਕਿ ਜਦੋਂ ਤੱਕ ਇਹ ਕਾਲੇ ਕਾਨੂੰਨ ਰੱਦ ਨਹੀਂ ਹੁੰਦੇ ਉਦੋਂ ਤੱਕ ਉਹ ਘਰ ਵਾਪਸ ਨਹੀਂ ਜਾਣਗੇ ।
Karmjit singh and Sheshav Nagra
ਇਸ ਤਰਾਂ ਗਾਜ਼ੀਪੁਰ ਬਾਰਡਰ 'ਤੇ ਪਹੁੰਚੀ ਇਕ ਲੜਕੀ ਨੇ ਕਿਹਾ ਕਿ ਇਥੇ ਆ ਕੇ ਖੁਸ਼ੀ ਹੋਈ ਕੇ ਸਾਡੇ ਨਾਲ ਇਕੱਲੇ ਪੰਜਾਬ ਦੇ ਕਿਸਾਨ ਨਹੀ ਸਗੋਂ ਸਾਰੇ ਰਾਜਾਂ ਦੇ ਕਿਸਾਨ ਖੜ੍ਹੇ ਹਨ । ਕਿਸਾਨ ਧਰਮ, ਜਾਤ-ਪਾਤ ਤੋਂ ਉਪਰ ਉੱਠ ਕੇ ਇਥੇ ਸੰਘਰਸ਼ ਵਿਚ ਇਕੱਠੇ ਬੈਠੇ ਹਨ ।
