ਫੂਡ ਡਿਲੀਵਰੀ ਐਪ ਜ਼ੋਮੈਟੋ ਦਾ ਸਰਵਰ ਕਰੀਬ ਡੇਢ ਘੰਟੇ ਤੱਕ ਡਾਊਨ ਰਿਹਾ, ਜਿਸ ਕਾਰਨ ਇਸ ਦੇ ਯੂਜ਼ਰਸ ਨੂੰ ਕਾਫੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ।
ਨਵੀਂ ਦਿੱਲੀ: ਫੂਡ ਡਿਲੀਵਰੀ ਐਪ ਜ਼ੋਮੈਟੋ ਦਾ ਸਰਵਰ ਕਰੀਬ ਡੇਢ ਘੰਟੇ ਤੱਕ ਡਾਊਨ ਰਿਹਾ, ਜਿਸ ਕਾਰਨ ਇਸ ਦੇ ਯੂਜ਼ਰਸ ਨੂੰ ਕਾਫੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ। ਬੀਤੀ ਰਾਤ ਵੱਡੀ ਗਿਣਤੀ ਵਿਚ ਉਪਭੋਗਤਾਵਾਂ ਨੇ ਇਸ ਬਾਰੇ ਸ਼ਿਕਾਇਤ ਕੀਤੀ। ਕੁਝ ਸਵਿਗੀ ਉਪਭੋਗਤਾਵਾਂ ਨੇ ਵੀ ਅਜਿਹੀਆਂ ਸਮੱਸਿਆਵਾਂ ਦੀ ਰਿਪੋਰਟ ਕੀਤੀ।
Zomato
ਹਾਲਾਂਕਿ ਜ਼ਿਆਦਾਤਰ ਜ਼ੋਮੈਟੋ ਉਪਭੋਗਤਾ ਇਸ ਸਮੱਸਿਆ ਦੀ ਰਿਪੋਰਟ ਕਰਦੇ ਰਹੇ। ਯੂਜ਼ਰਸ ਨੇ ਕਿਹਾ ਕਿ ਆਰਡਰ ਦੇਣ ਤੋਂ ਬਾਅਦ ਉਹਨਾਂ ਦੀ ਐਪ ਬਿਲਕੁਲ ਨਹੀਂ ਖੁੱਲ੍ਹ ਰਹੀ ਹੈ ਜਾਂ ਕੋਈ ਅਪਡੇਟ ਨਹੀਂ ਮਿਲ ਰਹੀ ਹੈ। ਰਾਤ ਕਰੀਬ 8 ਵਜੇ ਸਰਵਰ ਡਾਊਨ ਹੋ ਗਿਆ, ਜੋ ਅਗਲੇ ਡੇਢ ਘੰਟੇ ਤੱਕ ਜਾਰੀ ਰਿਹਾ।
Tweet
ਇਸ ਦੌਰਾਨ ਇਕ ਯੂਜ਼ਰ ਨੇ ਸ਼ਿਕਾਇਤ ਕੀਤੀ ਕਿ ਮੈਂ ਬੰਗਲੁਰੂ ਵਿਚ ਹਾਂ ਅਤੇ ਜ਼ੋਮੈਟੋ ਐਪ ਸਵੇਰੇ 8.44 ਵਜੇ ਤੋਂ ਕੰਮ ਨਹੀਂ ਕਰ ਰਿਹਾ ਹੈ। ਇਸ ਦੇ ਨਾਲ ਹੀ ਇਕ ਹੋਰ ਨੇ ਕਿਹਾ ਕਿ ਮੈਂ ਆਰਡਰ ਕੀਤਾ ਸੀ ਪਰ ਅਪਡੇਟ ਦਿਖਾਈ ਨਹੀਂ ਦੇ ਰਿਹਾ ਹੈ। ਹਾਲਾਂਕਿ ਐਪ ਨੇ ਰਾਤ 9:30 ਵਜੇ ਦੇ ਕਰੀਬ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ।
Zomato and Swiggy
ਕਈ ਯੂਜ਼ਰਸ ਨੇ ਵੈਬਸਾਈਟ ਡਾਊਨਡਿਟੇਕਟਰ 'ਤੇ ਆਊਟੇਜ ਦੀ ਰਿਪੋਰਟ ਕੀਤੀ। ਰਾਤ 8:57 ਵਜੇ ਤੱਕ 4,798 ਲੋਕਾਂ ਨੇ ਜ਼ੋਮੈਟੋ ਦੇ ਐਪ ਅਤੇ ਵੈੱਬਸਾਈਟ ਠੱਪ ਹੋਣ ਬਾਰੇ ਸ਼ਿਕਾਇਤਾਂ ਕੀਤੀਆਂ। ਹਾਲਾਂਕਿ ਆਨਲਾਈਨ ਫੂਡ ਡਿਲੀਵਰੀ ਪਲੇਟਫਾਰਮ ਤੋਂ ਅਜੇ ਤੱਕ ਕੋਈ ਅਧਿਕਾਰਤ ਬਿਆਨ ਨਹੀਂ ਆਇਆ ਹੈ।
