ਸੀਐਮ ਵਿਜੇ ਰੁਪਾਨੀ ਨੇ ਰੱਥ ਯਾਤਰਾ ਦੇ ਰਸਤੇ ਦੀ ਸਫਾਈ ਕੀਤੀ। ਯਾਤਰਾ ਦਾ ਰਸਤਾ ਲਗਭਗ 13 ਕਿਲੋਮੀਟਰ ਦਾ ਸੀ।
ਅਹਿਮਦਾਬਾਦ - ਕੋਰੋਨਾ ਸੰਕਟ ਵਿਚਕਾਰ ਪੁਰੀ ਅਤੇ ਅਹਿਮਦਾਬਾਦ ਵਿਚ ਵਿਸ਼ਵ ਪ੍ਰਸਿੱਧ ਭਗਵਾਨ ਜਗਨਨਾਥ ਦੀ ਰੱਥ ਯਾਤਰਾ ਕੱਢੀ ਗਈ। ਹਾਲਾਂਕਿ ਪੁਰੀ ਵਿਚ ਕੋਰੋਨਾ ਦੇ ਚਲਦੇ ਯਾਤਰਾ ਵਿਚ ਕਿਸੇ ਵੀ ਸ਼ਰਧਾਲੂ ਨੂੰ ਸ਼ਾਮਲ ਹੋਣ ਦੀ ਇਜ਼ਾਜਤ ਨਹੀਂ ਹੈ। ਭੀੜ ਨੂੰ ਰੋਕਣ ਲਈ ਮੰਦਿਰ ਦੇ ਆਸਪਾਸ ਧਾਰਾ 144 ਲਾਗੂ ਕੀਤੀ ਗਈ। ਪੁਰੀ ਵਿਚ ਜਗਨਨਾਥ ਮੰਦਿਰ ਅਧਿਕਾਰ ਨੇ ਭਗਤਾਂ ਨੂੰ ਦੀਵੇ ਚਲਾਉਣ ਲਈ ਕਿਹਾ ਕਿਉਂਕਿ ਰੱਥ ਯਾਤਰਾ ਦੇ ਦੌਰਾਨ ਕਿਸੇ ਵੀ ਸਭਾ ਦੀ ਮਨਜ਼ੂਰੀ ਨਹੀਂ ਸੀ।
ਪੁਰੀ ਜਗਨਨਾਥ ਮੰਦਿਰ ਦੇ ਕ੍ਰਿਸ਼ਨ ਚੰਦਰ ਖੁਟੀਆ, ਨੇਤਾ ਖੁਟੀਆ ਨਿਯੋਗ ਦੇ ਏਐੱਨਆਈ ਨੂੰ ਦੱਸਿਆ ਕਿ ਲੋਕਾਂ ਨੂੰ ਕਿਹਾ ਗਿਆ ਹੈ ਕਿ ਉਹ ਆਪਣੇ ਘਰਾਂ ਵਿਚ ਦੀਵੇ ਜਲਾਉਣ। ਸਾਰੇ ਲੋਕ ਘਰ ਬੈਠੇ ਹੀ ਟੀ.ਵੀ 'ਤੇ ਰੱਥ ਯਾਤਰਾ ਦੇਖ ਸਕਣਗੇ। ਉੱਥੇ ਹੀ ਅਹਿਮਦਾਬਾਦ ਦੀ ਗੱਲ ਕਰੀਏ ਤਾਂ ਜਗਨਨਾਥ ਯਾਤਰਾ ਸਵੇਰੇ ਸ਼ੁਰੂ ਕੀਤੀ ਗਈ ਸੀ, ਹਾਲਾਂਕਿ ਜਿੱਥੇ ਰੱਥ ਯਾਤਰਾ ਕੱਢੀ ਜਾ ਰਹੀ ਸੀ ਉੱਥੇ ਕਰਫਿਊ ਲਗਾਇਆ ਗਿਆ ਸੀ।
#WATCH | Lord Jagannath Rath Yatra to be held, without the participation of devotees today in Odisha's Puri pic.twitter.com/VB1x0Lmqcj
— ANI (@ANI) July 12, 2021
ਸੀਐਮ ਵਿਜੇ ਰੁਪਾਨੀ ਨੇ ਰੱਥ ਯਾਤਰਾ ਦੇ ਰਸਤੇ ਦੀ ਸਫਾਈ ਕੀਤੀ। ਯਾਤਰਾ ਦਾ ਰਸਤਾ ਲਗਭਗ 13 ਕਿਲੋਮੀਟਰ ਦਾ ਸੀ। ਦੱਸ ਦਈਏ ਕਿ ਅਮਿਤ ਸ਼ਾਹ ਇਨ੍ਹੀਂ ਦਿਨੀਂ ਅਹਿਮਦਾਬਾਦ ਵਿਚ ਹਨ। ਉਹਨਾਂ ਨੇ ਪਰਿਵਾਰ ਸਮੇਤ ਮੰਗਲਾ ਆਰਤੀ ਵਿਚ ਭਾਗ ਲਿਆ ਅਤੇ ਭਗਵਾਨ ਜਗਨਨਾਥ ਦੀ ਪੂਜਾ ਕੀਤੀ। ਸ਼ਾਹ ਨੇ ਟਵੀਟ ਕੀਤਾ ਕਿ ਜਗਨਨਾਥ ਰੱਥ ਯਾਤਰਾ ਦੇ ਸ਼ੁੱਭ ਮੌਕੇ 'ਤੇ ਮੈਂ ਪਿਛਲੇ ਕਈ ਸਾਲਾਂ ਤੋਂ ਅਹਿਮਦਾਬਾਦ ਦੇ ਜਗਨਨਾਥ ਮੰਦਿਰ ਵਿਖੇ ਮੰਗਲਾ ਆਰਤੀ ਵਿਚ ਹਿੱਸਾ ਲੈ ਰਿਹਾ ਹਾਂ ਅਤੇ ਹਰ ਵਾਰ ਇਥੇ ਇਕ ਵੱਖਰੀ ਊਰਜਾ ਦੀ ਪ੍ਰਾਪਤ ਹੁੰਦੀ ਹੈ।
जगन्नाथ रथयात्रा के शुभ अवसर पर मैं अहमदाबाद के जगन्नाथ मंदिर में कई वर्षों से मंगला आरती में भाग लेता आ रहा हूँ और हर बार यहाँ एक अलग ऊर्जा की प्राप्ति होती है।
— Amit Shah (@AmitShah) July 12, 2021
आज भी महाप्रभु की आराधना करने का सौभाग्य प्राप्त हुआ। महाप्रभु जगन्नाथ सभी पर सदैव अपनी कृपा व आशीष बनायें रखें। pic.twitter.com/YWYW0zzWnX
ਮੈਨੂੰ ਅੱਜ ਵੀ ਮਹਾਂਪ੍ਰਭੂ ਦੀ ਪੂਜਾ ਕਰਨ ਦਾ ਮੌਕਾ ਮਿਲਿਆ। ਮਹਾਪ੍ਰਭੂ ਜਗਨਨਾਥ ਹਮੇਸ਼ਾਂ ਸਾਰਿਆਂ ਤੇ ਆਪਣੀ ਮਿਹਰ ਅਤੇ ਅਸ਼ੀਰਵਾਦ ਬਣਾਈ ਰੱਖੇ।
ਦੱਸ ਦਈਏ ਕਿ ਉੜੀਸਾ ਵਿਚ ਸੁਪਰੀਮ ਕੋਰਟ ਨੇ ਪੁਰੀ ਤੋਂ ਇਲਾਵਾ ਹੋਰ ਥਾਵਾਂ 'ਤੇ ਜਗਨਨਾਥ ਯਾਤਰਾ ਦੀ ਮਨਜ਼ੂਰੀ ਦੇਣ ਤੋਂ ਇਨਕਾਰ ਕਰ ਦਿੱਤਾ ਸੀ। ਸੀਜੇਆਈ ਐਨਵੀ ਰਮਣਾ ਨੇ ਕਿਹਾ ਸੀ ਕਿ ਸੁਪਰੀਮ ਕੋਰਟ ਨੂੰ ਉਮੀਦ ਹੈ ਕਿ ਰੱਬ ਅਗਲੇ ਸਾਲ ਯਾਤਰਾ ਦੀ ਮਨਜ਼ੂਰੀ ਦੇਵੇਗਾ, ਪਰ ਫਿਲਹਾਲ ਯਾਤਰਾ ਲਈ ਸਮਾਂ ਸਹੀ ਨਹੀਂ ਹੈ। ਕੋਵਿਡ ਕਾਰਨ ਰੱਥ ਯਾਤਰਾ ਨੂੰ ਪੁਰੀ ਤੱਕ ਸੀਮਤ ਕਰਨ ਦੇ ਉੜੀਸਾ ਸਰਕਾਰ ਦੇ ਆਦੇਸ਼ ਵਿਰੁੱਧ ਸੁਪਰੀਮ ਕੋਰਟ ਵਿੱਚ ਇੱਕ ਪਟੀਸ਼ਨ ਦਾਇਰ ਕੀਤੀ ਗਈ ਸੀ। ਦਰਅਸਲ, ਉੜੀਸਾ ਸਰਕਾਰ ਨੇ ਪੁਰੀ ਜਗਨਨਾਥ ਰੱਥ ਯਾਤਰਾ ਨੂੰ ਛੱਡ ਕੇ ਉੜੀਸਾ ਦੇ ਸਾਰੇ ਮੰਦਰਾਂ ਵਿਚ ਰਥ ਯਾਤਰਾ ਦੇ ਤਿਉਹਾਰ ਨੂੰ ਰੋਕਣ ਦਾ ਆਦੇਸ਼ ਪਾਸ ਕਰ ਦਿੱਤਾ ਹੈ।
