ਉਨ੍ਹਾਂ ਕਿਹਾ ਕਿ ਅੱਤਵਾਦੀਆਂ ਨਾਲ ਅੱਤਵਾਦ ਵਿਰੋਧੀ ਐਕਟ ਅਨੁਸਾਰ ਵਿਉਹਾਰ ਕੀਤਾ ਜਾਣਾ ਚਾਹੀਦਾ ਹੈ, ਨਾ ਕਿ ਕਿਸੇ ਆਮ ਅਪਰਾਧੀ ਵਾਂਗ।
ਚੇਨਈ - ਸਾਬਕਾ ਪ੍ਰਧਾਨ ਮੰਤਰੀ ਰਾਜੀਵ ਗਾਂਧੀ ਦੇ ਕਤਲ ਲਈ ਕੀਤੇ ਗਏ 1991 ਦੇ ਆਤਮਘਾਤੀ ਬੰਬ ਧਮਾਕੇ ਵਿੱਚ ਜਾਨਾਂ ਗੁਆਉਣ ਵਾਲੇ ਅਤੇ ਜ਼ਖਮੀ ਹੋਏ ਲੋਕਾਂ ਲਈ ਇਨਸਾਫ਼ ਕਿੱਥੇ ਹੈ? ਇਹ ਸਵਾਲ ਇੱਕ ਸੇਵਾਮੁਕਤ ਮਹਿਲਾ ਪੁਲਿਸ ਅਧਿਕਾਰੀ ਅਨੁਸੂਈਆ ਡੇਜ਼ੀ ਅਰਨੈਸਟ ਨੇ ਕੀਤਾ।
ਅਰਨੈਸਟ ਉਸ ਸਮੇਂ ਪੁਲਿਸ ਵਿੱਚ ਸਬ-ਇੰਸਪੈਕਟਰ ਵਜੋਂ ਤਾਇਨਾਤ ਸੀ। ਅਰਨੈਸਟ ਉਨ੍ਹਾਂ ਲੋਕਾਂ ਨੂੰ ਕਾਬੂ ਕਰਨ ਦੀ ਡਿਊਟੀ ਨਿਭਾਅ ਰਹੀ ਸੀ, ਜੋ 21 ਮਈ 1991 ਨੂੰ ਸ਼੍ਰੀਪੇਰੰਬਦੂਰ ਵਿਖੇ ਕਾਂਗਰਸ ਦੀ ਜਨਤਕ ਮੀਟਿੰਗ ਵਿੱਚ ਰਾਜੀਵ ਗਾਂਧੀ ਨੂੰ ਹਾਰ ਪਹਿਨਾਉਣਾ ਚਾਹੁੰਦੇ ਸਨ।
ਰਾਜੀਵ ਮਾਮਲੇ 'ਚ ਛੇ ਲੋਕਾਂ ਨੂੰ ਰਿਹਾਅ ਕਰਨ ਦੇ ਸੁਪਰੀਮ ਕੋਰਟ ਦੇ ਫ਼ੈਸਲੇ 'ਤੇ ਪ੍ਰਤੀਕਿਰਿਆ ਬਾਰੇ ਪੁੱਛੇ ਜਾਣ 'ਤੇ, ਉਸ ਨੇ ਕਿਹਾ, "ਮੈਂ ਅਜੇ ਵੀ ਗੋਲੀ ਦੇ ਜ਼ਖ਼ਮ ਦਾ ਇਲਾਜ ਕਰਵਾ ਰਹੀ ਹਾਂ। ਇਹ ਹੈ ਜ਼ਖਮੀਆਂ ਦਾ ਹਾਲ। ਇਨਸਾਫ਼ ਕਿੱਥੇ ਹੈ? ਮੈਂ ਉਨ੍ਹਾਂ ਲੋਕਾਂ ਲਈ ਇਨਸਾਫ਼ ਦੀ ਗੱਲ ਕਰ ਰਹੀ ਹਾਂ ਜਿਨ੍ਹਾਂ ਨੇ ਆਪਣੀ ਜਾਨ ਗੁਆਈ ਜਾਂ ਮੇਰੇ ਵਾਂਗ ਜ਼ਖਮੀ ਹੋਏ।
ਉਨ੍ਹਾਂ ਕਿਹਾ ਕਿ ਅੱਤਵਾਦੀਆਂ ਨਾਲ ਅੱਤਵਾਦ ਵਿਰੋਧੀ ਐਕਟ ਅਨੁਸਾਰ ਵਿਉਹਾਰ ਕੀਤਾ ਜਾਣਾ ਚਾਹੀਦਾ ਹੈ, ਨਾ ਕਿ ਕਿਸੇ ਆਮ ਅਪਰਾਧੀ ਵਾਂਗ। ਅਰਨੈਸਟ 2018 ਵਿੱਚ ਵਧੀਕ ਪੁਲਿਸ ਸੁਪਰਡੈਂਟ ਵਜੋਂ ਸੇਵਾਮੁਕਤ ਹੋਈ ਅਤੇ ਇਸ ਵੇਲੇ 62 ਸਾਲਾਂ ਦੀ ਹੈ। ਇਸ ਹਮਲੇ 'ਚ ਰਾਜੀਵ ਗਾਂਧੀ, ਨੌਂ ਪੁਲਿਸ ਵਾਲੇ ਅਤੇ ਛੇ ਹੋਰਾਂ ਸਮੇਤ ਕੁੱਲ 16 ਲੋਕ ਮਾਰੇ ਗਏ ਸਨ। ਹਮਲੇ ਵਿੱਚ ਮਹਿਲਾ ਆਤਮਘਾਤੀ ਹਮਲਾਵਰ ਧਨੂ ਅਤੇ ਲਿੱਟੇ ਸਮਰਥਕ ਹਰੀਬਾਬੂ (ਫ਼ੋਟੋਗ੍ਰਾਫ਼ਰ) ਮਾਰੇ ਗਏ ਸਨ। ਇਸ ਹਮਲੇ 'ਚ ਕੁੱਲ 45 ਲੋਕ ਜ਼ਖਮੀ ਹੋਏ ਹਨ।
