ਨਿਤੀਸ਼ ਨੇ 'ਲੰਗਰ' ਦੀ ਸਮਗਰੀ ਨੂੰ ਜੀਐਸਟੀ ਤੋਂ ਬਾਹਰ ਰੱਖਣ ਦੀ ਕੀਤੀ ਮੰਗ 

ਪਟਨਾ : ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨੇ ਜੀਐਸਟੀ ਪ੍ਰੀਸ਼ਦ ਨੂੰ ਗੁਰਦਵਾਰਿਆਂ ਵਿਚ ਖਵਾਏ ਜਾਣ ਵਾਲੇ ਲੰਗਰ ਨੂੰ ਬਣਾਉਣ ਵਿਚ ਵਰਤਿਆ ਜਾਣ ਵਾਲਾ ਘੀ, ਤੇਲ ਅਤੇ ਮਸਾਲਿਆਂ ਵਰਗੀਆਂ ਸਾਰੀਆਂ ਸਮਗਰੀਆਂ ਨੂੰ ਮਾਲ ਅਤੇ ਸੇਵਾ ਟੈਕਸ (ਜੀਐਸਟੀ) ਦੇ ਦਾਇਰੇ ਤੋਂ ਬਾਹਰ ਰਖਣ ਦਾ ਭਰੋਸਾ ਦਿਤਾ ਹੈ। Langer GSTਵਿੱਤ ਮੰਤਰੀ ਅਤੇ ਜੀਐਸਟੀ ਪ੍ਰੀਸ਼ਦ ਦੇ ਮੁਖੀ ਅਰੁਣ ਜੇਟਲੀ ਨੂੰ ਪੱਤਰ ਲਿਖ ਕੇ ਨਿਤੀਸ਼ ਕੁਮਾਰ ਨੇ ਕਿਹਾ, ‘‘ਲੰਗਰ ਵਿਚ ਖਵਾਇਆ ਜਾਣ ਵਾਲਾ ਭੋਜਨ ਜੀਐਸਟੀ ਦੇ ਦਾਇਰੇ 'ਚ ਨਹੀਂ ਆਉਂਦਾ, ਫਿਰ ਵੀ ਚੀਨੀ, ਘੀ, ਤੇਲ, ਮਸਾਲੇ ਵਰਗੀਆਂ ਚੀਜ਼ਾਂ ਕਰ ਕੇ ਦਾਇਰੇ ਵਿਚ ਹਨ।’’ Nitish kumar and arun Jaitleyਨਿਤੀਸ਼ ਕੁਮਾਰ ਨੇ ਅਪਣੇ ਪੱਤਰ ਵਿਚ ਕਿਹਾ ਹੈ, ‘‘ਇਨ੍ਹਾਂ ਚੀਜ਼ਾਂ 'ਤੇ ਟੈਕਸ ਨਾਲ ਗੁਰਦਵਾਰਿਆਂ ਦਾ ਖ਼ਰਚ ਵਧ ਜਾਂਦਾ ਹੈ। ਲੰਗਰ ਦੀ ਪਵਿਤਰਤਾ ਨੂੰ ਧਿਆਨ ਵਿਚ ਰਖਦੇ ਹੋਏ ਉਪਰੋਕਤ ਚੀਜ਼ਾਂ 'ਤੇ ਟੈਕਸ ਲਗਾਉਣ ਨੂੰ ਬੰਦ ਕੀਤਾ ਜਾਣਾ ਚਾਹੀਦਾ ਹੈ। ਇਸ ਪ੍ਰਕਾਰ ਲੰਗਰ ਵਿਚ ਦਿਤੇ ਜਾਣ ਵਾਲੇ ਖਾਣੇ ਨੂੰ ਕਿਸੇ ਵੀ ਟੈਕਸ ਤੋਂ ਬਾਹਰ ਰਖਣਾ ਚਾਹੀਦਾ ਹੈ।’’