ਮੌਰੀਆ ਐਕਸਪ੍ਰੈਸ 'ਚ ਵੜੀ ਟਰੈਕ ਕਿਨਾਰੇ ਪਈ ਪਟੜੀ, ਇਕ ਯਾਤਰੀ ਦੀ ਮੌਤ, 2 ਜ਼ਖ਼ਮੀ
ਪਟਨਾ : ਬਿਹਾਰ ਦੇ ਲਖੀਸਰਾਏ ਜ਼ਿਲ੍ਹੇ ਦੇ ਕਿਊਲ ਰੇਲਵੇ ਸਟੇਸ਼ਨ ਕੋਲ ਸ਼ਨੀਵਾਰ ਨੂੰ ਟ੍ਰੈਕ ਕਿਨਾਰੇ ਰੱਖੀ ਰੇਲ ਪਟਰੀ ਮੌਰੀਆ ਐਕਸਪ੍ਰੈਸ ਦੀ ਇਕ ਡੱਬੇ ਵਿਚ ਵੜਨ ਨਾਲ ਇਕ ਯਾਤਰੀ ਦੀ ਮੌਤ ਹੋ ਗਈ ਜਦੋਂ ਕਿ ਦੋ ਜ਼ਖ਼ਮੀ ਹੋ ਗਏ। ਪੁਲਿਸ ਅਨੁਸਾਰ ਕਿਊਲ ਰੇਲਵੇ ਸਟੇਸ਼ਨ ਕੋਲ ਹਟਿਆ - ਗੋਰਖ਼ਪੁਰ ਮੌਰੀਆ ਐਕਸਪ੍ਰੈਸ ਜਿਸ ਟ੍ਰੈਕ ਤੋਂ ਲੰਘ ਰਹੀ ਸੀ, ਉਸ ਦੇ ਕੋਲ ਰੱਖੀ ਰੇਲ ਪਟਰੀਆਂ ਵਿਚੋਂ ਇਕ 10 ਫੁੱਟ ਦੀ ਪਟਰੀ ਅਚਾਨਕ ਡੱਬੇ ਵਿਚ ਵੜ ਗਈ। ਇਸ ਪਟਰੀ ਦੀ ਚਪੇਟ ਵਿਚ ਆਉਣ ਨਾਲ ਇਕ ਯਾਤਰੀ ਦੀ ਮੌਤ ਹੋ ਗਈ ਜਦੋਂ ਕਿ ਦੋ ਜ਼ਖ਼ਮੀ ਹੋ ਗਏ। ਮ੍ਰਿਤਕ ਦੀ ਪਹਿਚਾਣ ਸਹਾਰਨਪੁਰ ਦੇ ਮੰਗਲ ਸੇਠ ਦੇ ਰੂਪ ਵਿਚ ਕੀਤੀ ਗਈ ਹੈ।
Maurya Expressਇਸ ਘਟਨਾ ਤੋਂ ਦੌਰਾਨ ਤੇਜ਼ ਅਵਾਜ਼ ਦੀ ਵਜ੍ਹਾ ਨਾਲ ਰੇਲਗੱਡੀ ਵਿਚ ਹਫੜਾ ਤਫ਼ੜੀ ਮੱਚ ਗਈ। ਕਿਊਲ ਰੇਲ ਥਾਣੇ ਦੇ ਮੁਖੀ ਅਸ਼ੋਕ ਕੁਮਾਰ ਨੇ ਦਸਿਆ ਕਿ ਜ਼ਖ਼ਮੀਆਂ ਨੂੰ ਕਿਊਲ ਰੇਲਵੇ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ ਹੈ, ਜਿਥੇ ਗੰਭੀਰ ਹਾਲਤ ਨੂੰ ਵੇਖਦੇ ਹੋਏ ਇਕ ਯਾਤਰੀ ਨੂੰ ਪਟਨਾ ਜਦੋਂ ਕਿ ਦੂਜੇ ਨੂੰ ਲਖੀਸਰਾਏ ਹਸਪਤਾਲ ਭੇਜ ਦਿਤਾ ਗਿਆ ਹੈ।
Maurya Express
ਪੂਰਬੀ - ਮੱਧ ਰੇਲਵੇ ਦੇ ਮੁੱਖ ਜਨਸੰਪਰਕ ਅਧਿਕਾਰੀ ਰਾਜੇਸ਼ ਕੁਮਾਰ ਨੇ ਦਸਿਆ ਕਿ ਪੂਰੇ ਮਾਮਲੇ ਦੀ ਜਾਂਚ ਕਰਵਾਈ ਜਾ ਰਹੀ ਹੈ। ਉਨ੍ਹਾਂ ਕਿਸੇ ਸਾਜ਼ਿਸ਼ ਦਾ ਸ਼ੱਕ ਜਾਹਰ ਹੋਏ ਕਿਹਾ ਕਿ ਪੁਰਾਣੀ ਪਟਰੀਆਂ ਰੇਲ ਪਟਰੀ ਦੇ ਕੰਡੇ ਹੀ ਰਖੀਆਂ ਜਾਂਦੀਆਂ ਰਹੀਆਂ ਹਨ ਪਰ ਅਜਿਹੀਆਂ ਘਟਨਾਵਾਂ ਕਦੇ ਨਹੀਂ ਘਟੀਆਂ। ਉਨ੍ਹਾਂ ਦਸਿਆ ਕਿ ਮੌਰੀਆ ਐਕਸਪ੍ਰੈਸ ਨੂੰ ਵੀ ਦੂਜੇ ਸਥਾਨ ਲਈ ਰਵਾਨਾ ਕਰ ਦਿਤਾ ਗਿਆ ਹੈ।
