ਕਰਨਾਟਕ ਦੇ ਇਕ ਨੌਜਵਾਨ ਬਾਰੇ ਇਹ ਚਰਚਾ ਹੋ ਰਹੀ ਹੈ
ਕਰਨਾਟਕ- ਕਰਨਾਟਕ ਦੇ ਇਕ ਨੌਜਵਾਨ ਬਾਰੇ ਇਹ ਚਰਚਾ ਹੋ ਰਹੀ ਹੈ ਕਿ ਉਸਨੇ 100 ਮੀਟਰ ਦੌੜ ਸਿਰਫ 9.55 ਸਕਿੰਟ ਵਿਚ ਪੂਰੀ ਕੀਤੀ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਉਕਤ ਨੌਜਵਾਨ ਨੇ ਉਸੈਨ ਬੋਲਟ ਦਾ ਰਿਕਾਰਡ ਵੀ ਤੋੜ ਦਿੱਤਾ ਹੈ। ਹੁਣ ਇਸ ਮਾਮਲੇ ‘ਤੇ ਖੇਡ ਮੰਤਰੀ ਦਾ ਬਿਆਨ ਸਾਹਮਣੇ ਆਇਆ ਹੈ। ਦਰਅਸਲ, ਕਰਨਾਟਕ ਦਾ ਇੱਕ ਨੌਜਵਾਨ ਸ਼੍ਰੀਨਿਵਾਸ ਗੌੜਾ ਨੇ ਰਵਾਇਤੀ ਮੱਝਾਂ ਦੀ ਦੌੜ ਵਿੱਚ 13.62 ਸੈਕਿੰਡ ਵਿੱਚ 142.50 ਮੀਟਰ ਦੀ ਰੇਸ ਪੂਰੀ ਕੀਤਾ ਹੈ।
File
ਯਾਨੀ, 100 ਮੀਟਰ ਦੀ ਦੂਰੀ ਸਿਰਫ 9.55 ਸਕਿੰਟ ਵਿਚ ਪੂਰੀ ਕੀਤੀ ਹੈ। ਇਸ ਨੌਜਵਾਨ ਦਾ ਵੀਡੀਓ ਵੀ ਵਾਇਰਲ ਹੋਇਆ ਹੈ। ਲੋਕ ਗੌੜਾ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰ ਰਹੇ ਹਨ ਅਤੇ ਲਗਾਤਾਰ ਖੇਡ ਮੰਤਰੀ ਨੂੰ ਟੈਗ ਕਰ ਰਹੇ ਹਨ। ਇਸ ਤੋਂ ਬਾਅਦ ਹੁਣ ਕੇਂਦਰੀ ਖੇਡ ਮੰਤਰੀ ਕਿਰਨ ਰਿਜੀਜੂ ਨੇ ਟਵੀਟ ਕੀਤਾ ਹੈ ਅਤੇ ਸ੍ਰੀਨਿਵਾਸ ਨੂੰ ਟ੍ਰਾਇਲ ਲਈ ਬੁਲਾਉਣ ਦੀ ਗੱਲ ਕਹੀ ਹੈ। ਕਿਰਨ ਰਿਜਿਜੂ ਨੇ ਆਪਣੇ ਟਵੀਟ ਵਿੱਚ ਲਿਖਿਆ ਕਿ ‘ਮੈਂ SAI ਕੋਚਾਂ ਦੁਆਰਾ ਕਰਨਾਟਕ ਦੇ ਸ੍ਰੀਨਿਵਾਸ ਗੌੜਾ ਨੂੰ ਟ੍ਰਾਇਲ ਲਈ ਬੁਲਾਵਾਂਗਾ, ਅਥਲੈਟਿਕਸ ਵਿੱਚ ਓਲੰਪਿਕ ਦੇ ਮਿਆਰਾਂ ਬਾਰੇ ਲੋਕ ਵਿਚ ਗਿਆਨ ਦੀ ਘਾਟ ਹੈ।
File
ਪਰ ਮੈਂ ਇਹ ਯਕੀਨੀ ਬਣਾਵਾਂਗਾ ਕਿ ਭਾਰਤ ਦੀ ਕੋਈ ਪ੍ਰਤਿਭਾ ਛੁੱਟ ਨਾ ਜਾਵੇ। ਰਿਜੀਜੂ ਨੇ ਇਸ ਤੋਂ ਬਾਅਦ ਇਕ ਹੋਰ ਟਵੀਟ ਕੀਤਾ, ਜਿਸ ਵਿਚ ਉਨ੍ਹਾਂ ਨੇ ਕਿਹਾ ਕਿ SAI ਨੇ ਸ੍ਰੀਨਿਵਾਸ ਨਾਲ ਗੱਲ ਕੀਤੀ ਹੈ। ਉਨ੍ਹਾਂ ਦਾ ਰੇਲ ਟਿਕਟ ਵੀ ਕਰਾ ਦਿੱਤਾ ਗਿਆ ਹੈ। ਸੋਮਵਾਰ ਨੂੰ ਉਨ੍ਹਾਂ ਦਾ SAI ਸੈਂਟਰ ‘ਤੇ ਟ੍ਰਾਇਲ ਕੀਤਾ ਜਾਵੇਗਾ। ਕਰਨਾਟਕ ਦੇ ਨੌਜਵਾਨ ਬਾਰੇ ਇਕ ਹੋਰ ਖ਼ਾਸ ਗੱਲ ਇਹ ਹੈ ਕਿ ਉਸੈਨ ਬੋਲਟ ਨੇ ਖੁਸ਼ਕ ਜ਼ਮੀਨ ‘ਤੇ ਦੌੜ ਕੇ ਆਪਣਾ ਰਿਕਾਰਡ ਬਣਾਇਆ।
File
ਜਦੋਂ ਕਿ ਸ੍ਰੀਨਿਵਾਸ ਨੇ ਪਾਣੀ ਨਾਲ ਭਰੇ ਖੇਤ ਵਿਚ ਮੱਝਾਂ ਦੀ ਜੋੜੀ ਨਾਲ ਦੌੜ ਕੇ ਇਹ ਰਿਕਾਰਡ ਬਣਾਇਆ। ਜਮੈਕਾ ਦੇ ਉਸਨ ਬੋਲਟ ਨੂੰ ਵਿਸ਼ਵ ਦਾ ਸਭ ਤੋਂ ਤੇਜ਼ ਐਥਲੀਟ ਮੰਨਿਆ ਜਾਂਦਾ ਹੈ। ਬੋਲਟ ਨੇ 100 ਮੀਟਰ, 200 ਮੀਟਰ ਅਤੇ 4 * 100 ਰੀਲੇਅ ਰੇਸਾਂ ਵਿੱਚ ਵਿਸ਼ਵ ਰਿਕਾਰਡ ਆਪਣੇ ਨਾਮ ਕੀਤਾ। ਬੋਲਟ ਨੇ 11 ਵਾਰ ਇਸ ਦੌੜ ਵਿੱਚ ਵਿਸ਼ਵ ਚੈਂਪੀਅਨ ਬਣਨ ਦਾ ਰਿਕਾਰਡ ਆਪਣੇ ਨਾਮ ਕੀਤਾ।
File
ਦੂਜੇ ਪਾਸੇ ਸੋਸ਼ਲ ਮੀਡੀਆ 'ਤੇ ਯੂਜ਼ਰ ਸ੍ਰੀਨਿਵਾਸ ਦੀ ਖੂਬ ਤਾਰੀਫ ਕਰ ਰਹੇ ਹਨ। ਇੱਥੋਂ ਤੱਕ ਕਿ ਯੂਜ਼ਰ ਉਨ੍ਹਾਂ ਨੂੰ ਓਲੰਪਿਕ ਵਿੱਚ ਭੇਜਣ ਦੀ ਮੰਗ ਕਰ ਰਹੇ ਹਨ, ਉਨ੍ਹਾਂ ਦਾ ਕਹਿਣਾ ਹੈ ਕਿ ਸਰਕਾਰ ਨੂੰ ਸ਼੍ਰੀਨਿਵਾਸ ਨੂੰ ਸਿਖਲਾਈ ਦੇਣ ਦਾ ਪ੍ਰਬੰਧ ਕਰਨਾ ਚਾਹੀਦਾ ਹੈ।
