ਸਮਝੌਤੇ ਦਾ ਐਲਾਨ ਭਾਰਤ ਦੀ ਯਾਤਰਾ ’ਤੇ ਆਏ ਫਰਾਂਸ ਦੇ ਵਿਦੇਸ਼ ਮੰਤਰੀ ਜੀਨ-ਯਵੇਸ ਲੇ ਡਿਰਅਨ ਦੇ ਇਸਰੋ ਦੇ ਹੈੱਡਕੁਆਰਟਰ ਦੇ ਦੌਰੇ ਦੌਰਾਨ ਕੀਤਾ ਗਿਆ।
ਨਵੀਂ ਦਿੱਲੀ - ਭਾਰਤ ਦੇ ਪਹਿਲੇ ਮਨੁੱਖ ਯੁਕਤ ਪੁਲਾੜ ਮਿਸ਼ਨ ‘ਗਗਨਯਾਨ’ ’ਚ ਸਹਿਯੋਗ ਲਈ ਇਸਰੋ ਅਤੇ ਫਰਾਂਸ ਦੀ ਪੁਲਾੜ ਏਜੰਸੀ ਨੇ ਇਕ ਸਮਝੌਤੇ ’ਤੇ ਦਸਤਖ਼ਤ ਕੀਤੇ। ਸਮਝੌਤੇ ਦਾ ਐਲਾਨ ਭਾਰਤ ਦੀ ਯਾਤਰਾ ’ਤੇ ਆਏ ਫਰਾਂਸ ਦੇ ਵਿਦੇਸ਼ ਮੰਤਰੀ ਜੀਨ-ਯਵੇਸ ਲੇ ਡਿਰਅਨ ਦੇ ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਦੇ ਹੈੱਡਕੁਆਰਟਰ ਦੇ ਦੌਰੇ ਦੌਰਾਨ ਕੀਤਾ ਗਿਆ।
ISRO
ਇਸਰੋ ਨੇ ਫਰਾਂਸ ਦੀ ਪੁਲਾੜ ਏਜੰਸੀ ‘ਸੈਂਟਰ ਨੈਸ਼ਨਲ ਡੀ’ਇਟਯੂਡਸ ਸਪੇਤਿਯਲਸ’ (ਸੀ. ਐੱਨ. ਈ. ਐੱਸ.) ਤੋਂ 'ਗਗਨਯਾਨ' ਮਿਸ਼ਨ ’ਚ ਮਦਦ ਕਰਨ ਅਤੇ ਇਸ ਕੰਮ ਵਿਚ ਯੂਰਪੀ ਸਹਿਯੋਗੀ ਦੇ ਰੂਪ ਵਿਚ ਸੇਵਾ ਦੇਣ ਨੂੰ ਕਿਹਾ ਹੈ। ਫਰਾਂਸ ਦੀ ਪੁਲਾੜ ਏਜੰਸੀ ਨੇ ਕਿਹਾ ਕਿ ਸਮਝੌਤੇ ਤਹਿਤ ਸੀ. ਐੱਨ. ਈ. ਐੱਸ. ਭਾਰਤ ਦੇ ‘ਫਲਾਈਟ ਫਿਜ਼ੀਸ਼ੀਅਨ’ ਅਤੇ ਸੀ. ਏ. ਪੀ. ਸੀ. ਓ. ਐੱਮ. ਮਿਸ਼ਨ ਕੰਟਰੋਲ ਟੀਮਾਂ ਨੂੰ ਸੂਖ਼ਮ ਗਰੈਵਿਟੀ ਐਪਲੀਕੇਸ਼ੰਸ ਦੇ ਵਿਕਾਸ ਲਈ ਫਰਾਂਸ ’ਚ ਸੀ. ਏ. ਪੀ. ਸੀ. ਓ. ਐੱਮ. ਕੇਂਦਰ ਵਿਚ ਅਤੇ ਪੁਲਾੜ ਮੁਹਿੰਮਾਂ ਲਈ ਸੀ. ਐੱਨ. ਈ. ਐੱਸ. ਦੇ ਤਾਉਲੇਸ ਪੁਲਾੜ ਕੇਂਦਰ ’ਚ ਅਤੇ ਜਰਮਨੀ ਦੇ ਕੋਲੋਗਨੇ ਸਥਿਤ ਯੂਰਪੀ ਪੁਲਾੜ ਯਾਤਰੀ ਕੇਂਦਰ ’ਚ ਸਿਖਲਾਈ ਦੇਵੇਗਾ।
CNES
ਸਮਝੌਤੇ ਦੇ ਤਹਿਤ ਸੀ.ਐੱਨ.ਈ.ਐੱਸ ਇਸ ਮਿਸ਼ਨ ਦੌਰਾਨ ਵਿਗਿਆਨਕ ਪ੍ਰਯੋਗ ਯੋਜਨਾ ਨੂੰ ਲਾਗੂ ਕਰਨ ਵਿਚ ਸਹਿਯੋਗ ਕਰੇਗਾ, ਜਿਵੇਂ ਕਿ ਫ੍ਰੈਂਚ ਉਪਕਰਣਾਂ ਦੀ ਵਰਤੋਂ, ਖਪਤਕਾਰਾਂ ਅਤੇ ਡਾਕਟਰੀ ਉਪਕਰਣਾਂ ਦੀ ਵਰਤੋਂ ਭਾਰਤੀ ਪੁਲਾੜ ਯਾਤਰੀਆਂ ਦੁਆਰਾ ਕੀਤੀ ਜਾਵੇ। ਸੀ ਐਨ ਈ ਐਸ ਦੁਆਰਾ ਵਿਕਸਤ ਕੀਤੇ ਗਏ ਫ੍ਰੈਂਚ ਉਪਕਰਣਾਂ ਨੇ ਪ੍ਰੀਖਿਆਵਾਂ ਪਾਸ ਕਰ ਲਈਆਂ ਹਨ ਅਤੇ ਉਹ ਅਜੇ ਵੀ ਅੰਤਰਰਾਸ਼ਟਰੀ ਪੁਲਾੜ ਕੇਂਦਰ (ਆਈਐਸਐਸ) ਵਿਖੇ ਕੰਮ ਕਰ ਰਹੇ ਹਨ
ਮਤਲਬ ਇਹ ਭਾਰਤੀ ਪੁਲਾੜ ਯਾਤਰੀਆਂ ਦੇ ਕੰਮ ਆਉਣਗੇ। ਇਸ ਵਿਚ ਕਿਹਾ ਗਿਆ ਹੈ ਕਿ ਸੀ ਐਨ ਈ ਐਸ ਫਰਾਂਸ ਦੁਆਰਾ ਬਣਾਏ ਫਾਇਰ ਰਿਟਾਇਰੈਂਟ ਬੈਗ ਵੀ ਮੁਹੱਈਆ ਕਰਵਾਏਗਾ ਜੋ ਉਪਕਰਣਾਂ ਨੂੰ ਰੇਡੀਏਸ਼ਨ ਤੋਂ ਬਚਾਉਣਗੇ। ਸੀ ਐਨ ਈ ਐਸ ਨੇ ਕਿਹਾ ਕਿ ਸਹਿਯੋਗ ਨੂੰ ਹੋਰ ਵਧਾਇਆ ਜਾ ਸਕਦਾ ਹੈ।
