Kanpur News : ਇਸ ਕਲੀਨਿਕ ਤੋਂ ਟ੍ਰਾਂਸਪਲਾਂਟ ਕਰਵਾਉਣ ਵਾਲੇ ਪਹਿਲਾਂ ਵੀ ਗੁਆ ਚੁੱਕੇ ਹਨ ਜਾਨ
Another engineer dies after hair transplant in Kanpur Latest News in Punjabi : ਕਾਨਪੁਰ : ਯੂਪੀ ਦੇ ਕਾਨਪੁਰ ਵਿਚ ਵਾਲਾਂ ਦੇ ਟ੍ਰਾਂਸਪਲਾਂਟ ਤੋਂ ਬਾਅਦ ਇਕ ਹੋਰ ਇੰਜੀਨੀਅਰ ਦੀ ਮੌਤ ਹੋ ਗਈ ਹੈ। ਇਸ ਇੰਜੀਨੀਅਰ ਨੇ ਐਂਪਾਇਰ ਕਲੀਨਿਕ ਦੀ ਡਾ. ਅਨੁਸ਼ਕਾ ਤਿਵਾੜੀ ਤੋਂ ਵਾਲਾਂ ਦਾ ਟ੍ਰਾਂਸਪਲਾਂਟ ਕਰਵਾਇਆ ਸੀ। ਵਾਲਾਂ ਦੇ ਟ੍ਰਾਂਸਪਲਾਂਟ ਤੋਂ ਬਾਅਦ, ਪੂਰਾ ਚਿਹਰਾ ਸੁੱਜ ਗਿਆ। ਜਿਸ ਕਾਰਨ ਉਸ ਨੂੰ ਦਿਖਾਈ ਦੇਣਾ ਬੰਦ ਹੋ ਗਿਆ। ਇਸ ਤੋਂ ਬਾਅਦ ਉਹ ਦਰਦ ਨਾਲ ਤੜਫ-ਤੜਫ ਕੇ ਮਰ ਗਿਆ। ਪੀੜਤ ਪਰਵਾਰ ਨੇ ਛੇ ਮਹੀਨਿਆਂ ਬਾਅਦ 13 ਮਈ ਨੂੰ ਪੁਲਿਸ ਨੂੰ ਸ਼ਿਕਾਇਤ ਕੀਤੀ, ਪਰ ਅਜੇ ਤਕ ਐਫ਼ਆਈਆਰ ਦਰਜ ਨਹੀਂ ਕੀਤੀ ਗਈ ਹੈ।
ਜਾਣਕਾਰੀ ਅਨੁਸਾਰ ਫਰੂਖਾਬਾਦ ਦੇ ਬਲਦੇਵ ਭਵਨ ਭੋਲੇਪੁਰ ਦੀ ਵਸਨੀਕ ਪ੍ਰਮੋਦੀਨੀ ਕਟਿਆਰ ਨੇ ਦਸਿਆ ਕਿ ਉਸ ਦੇ ਬੇਟੇ ਮਯੰਕ ਕਟਿਆਰ (32) ਨੇ ਕਾਨਪੁਰ ਦੇ ਇਕ ਪ੍ਰਾਈਵੇਟ ਕਲੀਨਿਕਲ ਇੰਜੀਨੀਅਰਿੰਗ ਕਾਲਜ ਤੋਂ ਬੀ.ਟੈਕ. ਕੀਤੀ ਸੀ। ਉਹ ਕਾਨਪੁਰ ਵਿਚ ਹੀ ਅਪਣਾ ਕਾਰੋਬਾਰ ਸਥਾਪਤ ਕਰਨ ਦੀ ਤਿਆਰੀ ਕਰ ਰਿਹਾ ਸੀ। ਪਤੀ ਦੀ ਮੌਤ ਤੋਂ ਬਾਅਦ, ਸਾਰੀ ਜ਼ਿੰਮੇਵਾਰੀ ਵੱਡੇ ਪੁੱਤਰ ਮਯੰਕ ਦੇ ਮੋਢਿਆਂ 'ਤੇ ਆ ਗਈ ਸੀ।
ਪਰਵਾਰਕ ਮੈਂਬਰਾਂ ਦੇ ਅਨੁਸਾਰ, ਮਯੰਕ 18 ਨਵੰਬਰ 2024 ਨੂੰ ਵਾਲਾਂ ਦੇ ਟ੍ਰਾਂਸਪਲਾਂਟ ਲਈ ਸਵੇਰੇ ਕੇਸ਼ਵਪੁਰਮ ਦੇ ਐਂਪਾਇਰ ਕਲੀਨਿਕ ਦੀ ਡਾਕਟਰ ਅਨੁਸ਼ਕਾ ਤਿਵਾੜੀ ਕੋਲ ਗਿਆ ਸੀ। ਵਾਲਾਂ ਦੇ ਟ੍ਰਾਂਸਪਲਾਂਟ ਤੋਂ ਬਾਅਦ, ਸ਼ਾਮ ਪੰਜ ਵਜੇ, ਛੋਟਾ ਪੁੱਤਰ ਕੁਸਾਗਰ ਅਪਣੇ ਭਰਾ ਮਯੰਕ ਨੂੰ ਲੈ ਕੇ ਫਰੂਖਾਬਾਦ ਘਰ ਆਇਆ। ਉਸ ਨੂੰ ਰਾਤ 12 ਵਜੇ ਸਿਰ ਦਰਦ ਹੋਇਆ ਅਤੇ ਉਸ ਨੇ ਡਾਕਟਰ ਨਾਲ ਗੱਲ ਕੀਤੀ। ਉਨ੍ਹਾਂ ਟੀਕਾ ਲਗਵਾਉਣ ਦੀ ਸਲਾਹ ਦਿਤੀ, ਪਰ ਦਰਦ ਤੋਂ ਕੋਈ ਰਾਹਤ ਨਾ ਮਿਲੀ।
ਮਯੰਕ ਸਾਰੀ ਰਾਤ ਦਰਦ ਨਾਲ ਤੜਫਦਾ ਰਿਹਾ। ਉਸ ਦਾ ਚਿਹਰਾ ਸੁੱਜਦਾ ਜਾ ਰਿਹਾ ਸੀ। ਜਿਸ ਕਾਰਨ ਉਸ ਨੂੰ ਦਿਖਾਈ ਦੇਣਾ ਬੰਦ ਹੋ ਗਿਆ। ਜਦੋਂ ਉਨ੍ਹਾਂ ਸਵੇਰੇ ਦੁਬਾਰਾ ਡਾਕਟਰ ਨਾਲ ਗੱਲ ਕੀਤੀ, ਤਾਂ ਉਨ੍ਹਾਂ ਕਿਹਾ ਕਿ ਸੱਭ ਠੀਕ ਹੋ ਜਾਵੇਗਾ। ਜਦੋਂ ਉਸ ਦੇ ਚਿਹਰੇ 'ਤੇ ਸੋਜ ਅਤੇ ਛਾਤੀ ਵਿਚ ਦਰਦ ਹੋਣ ਲੱਗਾ, ਤਾਂ ਉਸ ਨੂੰ ਫਾਰੂਖਾਬਾਦ ਦੇ ਦਿਲ ਦੇ ਡਾਕਟਰ ਕੋਲ ਭੇਜਿਆ ਗਿਆ। ਜਾਂਚ ਤੋਂ ਬਾਅਦ, ਡਾਕਟਰ ਨੇ ਕਿਹਾ ਕਿ ਦਿਲ ਦੀ ਕੋਈ ਸਮੱਸਿਆ ਨਹੀਂ ਹੈ। ਇਸ ਨੂੰ ਉੱਥੇ ਲੈ ਜਾਓ ਜਿੱਥੇ ਤੁਸੀਂ ਵਾਲਾਂ ਦਾ ਟ੍ਰਾਂਸਪਲਾਂਟ ਕਰਵਾਇਆ ਸੀ। ਪਰਵਾਰ ਨੇ ਮਯੰਕ ਨੂੰ ਕਾਨਪੁਰ ਲਿਜਾਣ ਦੀ ਤਿਆਰੀ ਸ਼ੁਰੂ ਕਰ ਦਿਤੀ, ਜਿਸ ਦੌਰਾਨ ਉਸ ਨੇ ਅਪਣੀ ਮਾਂ ਦੇ ਹੱਥਾਂ ’ਚ ਦਮ ਤੌੜ ਦਿਤਾ।
ਮਯੰਕ ਦੀ ਮਾਂ ਨੇ ਕਿਹਾ ਕਿ ਉਹ ਪਿਛਲੇ ਛੇ ਮਹੀਨਿਆਂ ਤੋਂ ਭਟਕ ਰਹੀ ਹੈ, ਪਰ ਕੋਈ ਉਸ ਦੀ ਗੱਲ ਨਹੀਂ ਸੁਣ ਰਿਹਾ। ਪੁੱਤਰ ਦਾ ਪੋਸਟਮਾਰਟਮ ਨਹੀਂ ਹੋਇਆ ਸੀ। ਜਿਸ ਕਾਰਨ ਪੁਲਿਸ ਰਿਪੋਰਟ ਦਰਜ ਨਹੀਂ ਕਰ ਰਹੀ ਹੈ। ਮਯੰਕ ਦੇ ਭਰਾ ਕੁਸ਼ਾਗ੍ਰ ਨੇ ਕਿਹਾ ਕਿ ਮੇਰੇ ਕੋਲ ਡਾਕਟਰ ਵਿਰੁਧ ਕਾਫ਼ੀ ਸਬੂਤ ਹਨ।
ਜ਼ਿਕਰਯੋਗ ਹੈ ਕਿ ਕਾਨਪੁਰ ਦੇ ਰਾਵਤਪੁਰ ਥਾਣਾ ਖੇਤਰ ਦੇ ਅਫ਼ਸਰ ਕਲੋਨੀ ਦੇ ਰਹਿਣ ਵਾਲੇ ਇੰਜੀਨੀਅਰ ਵਿਨੀਤ ਦੂਬੇ ਦੀ ਮੌਤ ਵੀ ਟ੍ਰਾਂਸਪਲਾਂਟ ਕਾਰਨ ਹੋਣ ਤੋਂ ਬਾਅਦ, ਜਦੋਂ ਉਨ੍ਹਾਂ ਦੀ ਪਤਨੀ ਜਯਾ ਨੇ ਸੀਐਮ ਪੋਰਟਲ ਰਾਹੀਂ ਸ਼ਿਕਾਇਤ ਦਾਇਰ ਕੀਤੀ, ਤਾਂ ਇਨਸਾਫ਼ ਦੀ ਉਮੀਦ ਜਾਗ ਪਈ। ਜੇ ਡਾ. ਅਨੁਸ਼ਕਾ ਤਿਵਾੜੀ ਨੂੰ ਜੇਲ ਨਹੀਂ ਭੇਜਿਆ ਜਾਂਦਾ, ਤਾਂ ਉਹ ਇਸ ਤਰ੍ਹਾਂ ਲੋਕਾਂ ਦੀਆਂ ਜਾਨਾਂ ਲੈਂਦੀ ਰਹੇਗੀ।
ਇੰਜੀਨੀਅਰ ਵਿਨੀਤ ਦੂਬੇ ਦੀ ਮੌਤ ਤੋਂ 54 ਦਿਨਾਂ ਬਾਅਦ, ਪੁਲਿਸ ਨੇ ਰਾਵਤਪੁਰ ਪੁਲਿਸ ਸਟੇਸ਼ਨ ਵਿਚ ਐਫ਼ਆਈਆਰ ਦਰਜ ਕੀਤੀ। ਜਾਣਕਾਰੀ ਅਨੁਸਾਰ ਪੁਲਿਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿਤੀ ਹੈ। ਡੀਸੀਪੀ ਵੈਸਟ ਦਿਨੇਸ਼ ਤ੍ਰਿਪਾਠੀ ਨੇ ਇਸ ਦੀ ਜਾਂਚ ਇੰਸਪੈਕਟਰ ਪੁਸ਼ਪਰਾਜ ਨੂੰ ਸੌਂਪ ਦਿਤੀ ਹੈ। ਉਨ੍ਹਾਂ ਨੇ ਡਾਕਟਰ ਦੀ ਗ੍ਰਿਫ਼ਤਾਰੀ ਦੇ ਹੁਕਮ ਦੇ ਦਿਤੇ ਹਨ, ਪਰ ਡਾਕਟਰ ਕਲੀਨਿਕ ਨੂੰ ਤਾਲਾ ਲਗਾ ਕੇ ਫ਼ਰਾਰ ਹੋ ਗਏ ਹਨ। ਪੁਲਿਸ ਉਸ ਦੀ ਭਾਲ ਵਿਚ ਜੁੱਟੀ ਹੋਈ ਹੈ।
