Arvind Kejriwal: ਕੇਜਰੀਵਾਲ ਦਾ 2 ਕਿਲੋ ਭਾਰ ਘਟਿਆ
Arvind Kejriwal Weighs News in punjabi : ਤਿਹਾੜ ਜੇਲ ਵਿਚ ਬੰਦ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦੇ ਭਾਰ ਨੂੰ ਲੈ ਕੇ ਇੱਕ ਵਾਰ ਫਿਰ ਹੰਗਾਮਾ ਹੋ ਗਿਆ ਹੈ। ਆਮ ਆਦਮੀ ਪਾਰਟੀ ਦਾ ਇਲਜ਼ਾਮ ਹੈ ਕਿ ਜੇਲ ਵਿੱਚ ਕੇਜਰੀਵਾਲ ਦਾ 8.5 ਕਿਲੋ ਵਜ਼ਨ ਘਟਿਆ ਹੈ। ਪਾਰਟੀ ਦੇ ਸੰਸਦ ਮੈਂਬਰ ਸੰਜੇ ਸਿੰਘ ਨੇ ਕੇਜਰੀਵਾਲ ਦੀ ਸਿਹਤ ਨੂੰ ਲੈ ਕੇ ਚਿੰਤਾ ਪ੍ਰਗਟਾਈ ਸੀ। ਹਾਲਾਂਕਿ ਹੁਣ ਤਿਹਾੜ ਜੇਲ 'ਚ ਕੇਜਰੀਵਾਲ ਦੀ ਸਿਹਤ ਨੂੰ ਲੈ ਕੇ ਹੈਰਾਨ ਕਰਨ ਵਾਲਾ ਦਾਅਵਾ ਕੀਤਾ ਗਿਆ ਹੈ। ਆਓ ਜਾਣਦੇ ਹਾਂ ਪੂਰਾ ਮਾਮਲਾ।
ਇਹ ਵੀ ਪੜ੍ਹੋ: Diljit Dosanjh: ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਦੇ ਕੈਨੇਡਾ ਦੇ ਚੱਲਦੇ ਸ਼ੋਅ ਵਿਚ ਪਹੁੰਚੇ ਜਸਟਿਨ ਟਰੂਡੋ, ਪਾਈ ਜੱਫੀ
ਕੇਜਰੀਵਾਲ ਦਾ ਕਿੰਨਾ ਭਾਰ ਘਟਿਆ?
ਸਾਹਮਣੇ ਆਈ ਜਾਣਕਾਰੀ ਅਨੁਸਾਰ ਅਰਵਿੰਦ ਕੇਜਰੀਵਾਲ ਦਾ ਜੇਲ ਵਿਚ 8.5 ਕਿਲੋ ਭਾਰ ਨਹੀਂ ਘਟਿਆ ਹੈ, ਜਿਵੇਂ ਕਿ ‘ਆਪ’ ਦੇ ਮੰਤਰੀ, ਸੰਸਦ ਮੈਂਬਰ ਅਤੇ ਹੋਰ ਕਹਿ ਰਹੇ ਹਨ। ਜਾਣਕਾਰੀ ਮੁਤਾਬਕ 01.04.24 ਨੂੰ ਜਦੋਂ ਕੇਜਰੀਵਾਲ ਪਹਿਲੀ ਵਾਰ ਤਿਹਾੜ ਆਏ ਸਨ ਤਾਂ ਉਨ੍ਹਾਂ ਦਾ ਭਾਰ 65 ਕਿਲੋ ਸੀ। 08.04.24 ਅਤੇ 29.04.24 ਨੂੰ 66 ਕਿ.ਗ੍ਰਾ ਸੀ। ਜਦੋਂ ਉਹ ਚੋਣ ਪ੍ਰਚਾਰ ਲਈ 09.04.24 ਨੂੰ ਜੇਲ ਤੋਂ ਬਾਹਰ ਗਏ ਤੇ 02.06.24 ਨੂੰ ਵਾਪਸ ਜੇਲ ਆਏ ਉਸ ਦਿਨ ਉਨ੍ਹਾਂ ਦਾ ਭਾਰ 63.5 ਕਿਲੋਗ੍ਰਾਮ ਸੀ। 14.07.24 ਨੂੰ ਉਨ੍ਹਾਂ ਦਾ ਭਾਰ 61.5 ਕਿਲੋ ਸੀ। ਭਾਵ ਕੇਜਰੀਵਾਲ ਦਾ 2 ਕਿਲੋ ਭਾਰ ਘਟਿਆ ਹੈ।
ਇਹ ਵੀ ਪੜ੍ਹੋ: Punjab Weather Update News : ਪੰਜਾਬ ਵਿਚ ਹੁਣ ਨਹੀਂ ਪਵੇਗਾ ਮੀਂਹ, ਵਧੇਗੀ ਹੋਰ ਗਰਮੀ, ਤਾਪਮਾਨ 40 ਡਿਗਰੀ ਤੋਂ ਪਹੁੰਚਿਆ ਪਾਰ
AAP ਨੇ ਕੀ ਕਿਹਾ?
ਦੂਜੇ ਪਾਸੇ ਤਿਹਾੜ ਦੀ ਮੈਡੀਕਲ ਰਿਪੋਰਟ 'ਤੇ 'ਆਪ' ਦੀ ਪ੍ਰਤੀਕਿਰਿਆ ਵੀ ਆ ਗਈ ਹੈ। ਸੰਜੇ ਸਿੰਘ ਨੇ ਕਿਹਾ ਹੈ ਕਿ ਤਿਹਾੜ ਜੇਲ ਨੇ ਮੰਨਿਆ ਕਿ ਕੇਜਰੀਵਾਲ ਦਾ ਸ਼ੂਗਰ ਲੈਵਲ ਕਈ ਵਾਰ ਹੇਠਾਂ ਚਲਾ ਗਿਆ। ਜੇਕਰ ਸ਼ੂਗਰ ਦਾ ਪੱਧਰ ਘੱਟ ਹੈ, ਤਾਂ ਉਹ ਨੀਂਦ ਦੌਰਾਨ ਕੋਮਾ ਵਿੱਚ ਜਾ ਸਕਦੇ ਹਨ। ਸ਼ੂਗਰ ਲੈਵਲ ਘੱਟ ਹੋਣ 'ਤੇ ਬ੍ਰੇਨ ਸਟ੍ਰੋਕ ਦਾ ਖ਼ਤਰਾ ਵੀ ਰਹਿੰਦਾ ਹੈ। ਸੰਜੇ ਸਿੰਘ ਨੇ ਦੱਸਿਆ ਕਿ ਤਿਹਾੜ ਜੇਲ ਦੀ ਰਿਪੋਰਟ ਅਨੁਸਾਰ ਵੀ ਵਜ਼ਨ ਘਟਿਆ ਹੈ।
