ਨਿਭਾਇਆ ਭਰਾ ਦਾ ਫਰਜ਼
ਰਾਏਬਰੇਲੀ: ਰਾਏਬਰੇਲੀ ਵਿੱਚ ਇੱਕ ਭੈਣ ਦੀ ਝੋਲੀ ਸੀਆਰਪੀਐਫ ਦੇ ਜਵਾਨਾਂ ਨੇ ਖੁਸ਼ੀਆਂ ਨਾਲ ਭਰ ਦਿੱਤੀ। ਦਰਅਸਲ ਸੀਆਰਪੀਐਫ ਦੇ ਸ਼ਹੀਦ ਸ਼ੈਲੇਂਦਰ ਪ੍ਰਤਾਪ ਸਿੰਘ ਦੀ ਭੈਣ ਜੋਤੀ ਦਾ ਵਿਆਹ 13 ਦਸੰਬਰ ਨੂੰ ਹੋਇਆ। ਇਸ ਦਿਨ ਕਰੀਬ ਡੇਢ ਦਰਜਨ ਸੀਆਰਪੀਐਫ ਦੇ ਜਵਾਨ ਸ਼ੈਲੇਂਦਰ ਸਿੰਘ ਦੇ ਘਰ ਪੁੱਜੇ ਅਤੇ ਸ਼ਹੀਦ ਦੀ ਭੈਣ ਦਾ ਵਿਆਹ ਕਰਵਾ ਕੇ ਭਰਾ ਦਾ ਫਰਜ਼ ਨਿਭਾਇਆ।
PHOTO
ਸ਼ੈਲੇਂਦਰ ਦੇ ਸਾਥੀਆਂ ਨੇ ਉਸ ਦੀ ਭੈਣ ਨੂੰ ਆਸ਼ੀਰਵਾਦ ਅਤੇ ਤੋਹਫ਼ੇ ਦਿੱਤੇ। ਜੋਤੀ ਨੂੰ ਦੁਲਹਨ ਦੇ ਕੱਪੜੇ ਪਹਿਨ ਕੇ ਮੰਡਪ ਵਿੱਚ ਲੈ ਗਏ। ਇਨ੍ਹਾਂ ਸਿਪਾਹੀਆਂ ਨੇ ਰਸਮਾਂ ਨਿਭਾ ਕੇ ਭੈਣ ਨੂੰ ਆਪਣੇ ਭਰਾ ਦੀ ਕਮੀ ਮਹਿਸੂਸ ਨਹੀਂ ਹੋਣ ਦਿੱਤੀ। ਅਚਾਨਕ ਵਿਆਹ ਵਾਲੇ ਘਰ 'ਚ ਇਨ੍ਹਾਂ ਫੌਜੀਆਂ ਨੂੰ ਦੇਖ ਕੇ ਹਰ ਕੋਈ ਦੰਗ ਰਹਿ ਗਿਆ।
PHOTO
ਵਿਆਹ ਸਮਾਗਮ 'ਚ ਜਵਾਨਾਂ ਦੀ ਸ਼ਮੂਲੀਅਤ ਦੇਖ ਕੇ ਉਥੇ ਮੌਜੂਦ ਹਰ ਕੋਈ ਭਾਵੁਕ ਹੋ ਗਿਆ। ਭੈਣ ਨਾਲ ਜਵਾਨਾਂ ਦੀਆਂ ਇਹ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਇਸ ਬਾਰੇ ਸੀਆਰਪੀਐਫ ਨੇ ਇੱਕ ਟਵੀਟ ਵੀ ਕੀਤਾ। ਦੱਸ ਦੇਈਏ ਕਿ ਅਕਤੂਬਰ 2020 ਵਿੱਚ ਸੀਆਰਪੀਐਫ ਕਾਂਸਟੇਬਲ ਸ਼ੈਲੇਂਦਰ ਪ੍ਰਤਾਪ ਸਿੰਘ ਕਸ਼ਮੀਰ ਦੇ ਪੁਲਵਾਮਾ ਵਿੱਚ ਅੱਤਵਾਦੀਆਂ ਨਾਲ ਮੁਕਾਬਲਾ ਕਰਦੇ ਹੋਏ ਸ਼ਹੀਦ ਹੋ ਗਿਆ ਸੀ।
PHOTO
ਇਕ ਸੀਨੀਅਰ ਅਧਿਕਾਰੀ ਨੇ ਕਿਹਾ, "ਸ਼ੈਲੇਂਦਰ ਸਿੰਘ ਦੇ ਘਰ ਪਹੁੰਚ ਕੇ, ਸੀਆਰਪੀਐਫ ਦੇ ਇਨ੍ਹਾਂ ਜਵਾਨਾਂ ਨੇ ਭਰਾ ਦੀ ਕਮੀ ਨੂੰ ਭਰਨ ਦੀ ਕੋਸ਼ਿਸ਼ ਕੀਤੀ।" ਉੱਥੇ ਹੀ ਸ਼ੈਲੇਂਦਰ ਪ੍ਰਤਾਪ ਸਿੰਘ ਦੇ ਪਿਤਾ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਬੇਟਾ ਹੁਣ ਇਸ ਦੁਨੀਆ 'ਚ ਨਹੀਂ ਹੈ ਪਰ ਹੁਣ ਸੀਆਰਪੀਐੱਫ ਜਵਾਨਾਂ ਦੇ ਰੂਪ 'ਚ ਉਨ੍ਹਾਂ ਦੇ ਕਈ ਬੇਟੇ ਹਨ। ਉਹ ਜਵਾਨ ਸਾਡੇ ਦੁੱਖ-ਸੁੱਖ ਦੋਵਾਂ ਸਮਿਆਂ ਵਿੱਚ ਸਾਡੇ ਨਾਲ ਖੜੇ ਰਹਿਣਗੇ।
PHOTO
Brothers for life:
— ????????CRPF???????? (@crpfindia) December 14, 2021
As elder brothers, CRPF personnel attended the wedding ceremony of Ct Shailendra Pratap Singh's sister. Ct Sahilendra Pratap Singh of 110 Bn #CRPF made supreme sacrifice on 05/10/20 while valiantly retaliating terrorist attack in Pulwama.#GoneButNotForgotten pic.twitter.com/iuVNsvlsmd
