ਦਖਣੀ ਬੰਗਲਾਦੇਸ਼ ਵਿਚ ਰੋਹਿੰਗਿਆ ਸ਼ਰਣਾਰਥੀਆਂ ਦੇ ਲਈ ਬਣੇ ਭੀੜ ਭਰੇ ਵਾਲੇ ਕੈਂਪਾਂ ਵਿਚ ਕੋਰੋਨਾ ਵਾਇਰਸ ਦਾ ਪਹਿਲਾ ਮਾਮਲਾ ਸਾਹਮਣੇ
ਢਾਕਾ, 15 ਮਈ : ਦਖਣੀ ਬੰਗਲਾਦੇਸ਼ ਵਿਚ ਰੋਹਿੰਗਿਆ ਸ਼ਰਣਾਰਥੀਆਂ ਦੇ ਲਈ ਬਣੇ ਭੀੜ ਭਰੇ ਵਾਲੇ ਕੈਂਪਾਂ ਵਿਚ ਕੋਰੋਨਾ ਵਾਇਰਸ ਦਾ ਪਹਿਲਾ ਮਾਮਲਾ ਸਾਹਮਣੇ ਆਇਆ ਹੈ। ਇਹਨਾਂ ਕੈਂਪਾਂ ਵਿਚ 10 ਲੱਖ ਤੋਂ ਵਧੇਰੇ ਸ਼ਰਣਾਰਥੀ ਰਹਿੰਦੇ ਹਨ। ਦੇਸ਼ ਦੇ ਸ਼ਰਣਾਰਥੀ ਮਾਮਲਿਆਂ ਦੇ ਕਮਿਸ਼ਨਰ ਮਹਿਬੂਬ ਆਲਮ ਤਾਲੁਕਦਾਰ ਨੇ ਵੀਰਵਾਰ ਨੂੰ ਕਿਹਾ ਕਿ ਰੋਹਿੰਗਿਆ ਭਾਈਚਾਰੇ ਦਾ ਇਕ ਵਿਅਕਤੀ ਤੇ ਕਾਕਸ ਬਾਜ਼ਾਰ ਜ਼ਿਲ੍ਹੇ ਵਿਚ ਰਹਿਣ ਵਾਲੇ ਇਕ ਹੋਰ ਵਿਅਕਤੀ ਵਿਚ ਵਾਇਰਸ ਦੀ ਪੁਸ਼ਟੀ ਹੋਈ ਹੈ, ਜਿਸ ਤੋਂ ਬਾਅਦ ਉਹਨਾਂ ਨੂੰ ਇਕਾਂਤਵਾਸ ਵਿਚ ਭੇਜ ਦਿਤਾ ਗਿਆ ਹੈ।
ਸੰਯੁਕਤ ਰਾਸ਼ਟਰ ਸ਼ਰਣਾਰਥੀ ਏਜੰਸੀ ਦੇ ਬੁਲਾਰੇ ਲੁਈਸ ਡੋਨੋਵਨ ਨੇ ਦਿ ਐਸੋਸੀਏਟਡ ਪ੍ਰੈੱਸ ਨੂੰ ਦਸਿਆ ਕਿ ਉਹਨਾਂ ਦੇ ਸੰਪਰਕ ਵਿਚ ਆਉਣ ਵਾਲੇ ਵਿਅਕਤੀਆਂ ਦੀ ਪਛਾਣ ਕਰ ਕੇ ਉਹਨਾਂ ਨੂੰ ਕੁਆਰੰਟੀਨ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਸਹਾਇਤਾ ਵਰਕਰ ਕੈਂਪਾਂ ਵਿਚ ਵਾਇਰਸ ਫੈਲਣ ਦੇ ਖਦਸ਼ੇ ਬਾਰੇ ਸੰਭਾਵਤ ਚਿਤਾਵਨੀ ਦੇ ਰਹੇ ਹਨ। ਇਹਨਾਂ ਕੈਂਪਾਂ ਵਿਚ ਪਲਾਸਟਿਕ ਸ਼ੀਟ ਵਾਲੇ ਤੰਬੂਆਂ ਵਿਚ ਤਕਰੀਬਨ 40 ਹਜ਼ਾਰ ਲੋਕ ਪ੍ਰਤੀ ਵਰਗ ਕਿਲੋਮੀਟਰ ਵਿਚ ਰਹਿ ਰਹੇ ਹਨ। ਇਹ ਬੰਗਲਾਦੇਸ਼ ਦੇ ਔਸਤ ਸੰਘਣੇਪਨ ਤੋਂ 40 ਗੁਣਾ ਵਧੇਰੇ ਹੈ।
ਜਿਸ ਨਾਲ ਸ਼ਰਣਾਰਥੀਆਂ ਵਿਚ ਵਾਇਰਸ ਫੈਲਣ ਦਾ ਖਤਰਾ ਕਈ ਗੁਣਾ ਵਧ ਜਾਂਦਾ ਹੈ। ਹਰੇਕ ਝੌਪੜੀ ਮੁਸ਼ਕਿਲ ਨਾਲ 10 ਵਰਗ ਮੀਟਰ ਦੀ ਹੈ ਤੇ ਕਈਆਂ ਵਿਚ 12-12 ਲੋਕ ਇਕੱਠੇ ਰਹਿੰਦੇ ਹਨ। (ਪੀਟੀਆਈ)