ਕੋਰੋਨਾ ਵਾਇਰਸ ਦਾ ਸੰਕਟ ਕਾਲ ਲਗਾਤਾਰ ਦੁਖਦਾਈ ਹੁੰਦਾ ਜਾ ਰਿਹਾ ਹੈ। ਇਸ ਕਾਰਨ ਅਰਥਵਿਵਸਥਾ ਨੂੰ ਡੂੰਘੀ ਸੱਟ ਤਾਂ ਲੱਗੀ ਹੀ ਹੈ
ਨਵੀਂ ਦਿੱਲੀ, 15 ਜੂਨ : ਕੋਰੋਨਾ ਵਾਇਰਸ ਦਾ ਸੰਕਟ ਕਾਲ ਲਗਾਤਾਰ ਦੁਖਦਾਈ ਹੁੰਦਾ ਜਾ ਰਿਹਾ ਹੈ। ਇਸ ਕਾਰਨ ਅਰਥਵਿਵਸਥਾ ਨੂੰ ਡੂੰਘੀ ਸੱਟ ਤਾਂ ਲੱਗੀ ਹੀ ਹੈ ਪਰ ਹੁਣ ਇਸ ਦਾ ਅਸਰ ਮੁਲਾਜ਼ਮਾਂ ਦੀ ਤਨਖ਼ਾਹ 'ਤੇ ਵੀ ਪਿਆ ਹੈ। ਪ੍ਰਾਈਵੇਟ ਸੈਕਟਰ 'ਚ ਤਾਂ ਲੋਕਾਂ ਨੂੰ ਨੌਕਰੀ ਤੋਂ ਹੱਥ ਧੋਣਾ ਪੈ ਰਿਹਾ ਹੈ। ਇਸ ਤਰ੍ਹਾਂ ਹੁਣ ਕੇਂਦਰੀ ਮੁਲਾਜ਼ਮਾਂ ਦੀ ਤਨਖ਼ਾਹ ਸਬੰਧੀ ਵੱਡੀ ਖ਼ਬਰ ਆਈ ਹੈ।
ਕੇਂਦਰੀ ਮੁਲਾਜ਼ਮਾਂ ਨੂੰ ਅਪਣੇ ਐਨਓਲ ਅਪ੍ਰੇਜ਼ਲ ਯਾਨੀ ਇੰਕ੍ਰੀਮੈਂਟ ਲਈ ਅਗਲੇ ਸਾਲ ਤਕ ਰੁਕਣਾ ਪਵੇਗਾ। ਦਰਅਸਲ ਕੇਂਦਰ ਸਰਕਾਰ ਨੇ 2019-20 ਲਈ ਕੇਂਦਰੀ ਮੁਲਾਜ਼ਮਾਂ ਦੇ ਐਨਓਲ ਪਰਫਾਰਮੈਂਸ ਅਸੈਸਮੈਂਟ ਰਿਪੋਰਟ ਲਈ ਤਾਰੀਕ ਅੱਗੇ ਵਧਾ ਦਿਤੀ ਹੈ। ਸਰਕਾਰ ਨੇ ਇਹ ਤਾਰੀਕ ਹੁਣ ਮਾਰਚ 2021 ਤਕ ਵਧਾ ਦਿਤੀ ਹੈ। ਇਸ ਤੋਂ ਤੈਅ ਹੋ ਗਿਆ ਕਿ ਅਗਲੇ ਸਾਲ ਮਾਰਚ ਤੋਂ ਪਹਿਲਾਂ ਅਪ੍ਰੇਜਲ ਪ੍ਰਕਿਰਿਆ ਨਹੀਂ ਹੋਵੇਗੀ ਤੇ ਉਸ ਤੋਂ ਬਾਅਦ ਹੀ ਇੰਕ੍ਰੀਮੈਂਟ ਲੱਗੇਗਾ।
File Photo
ਜ਼ਿਕਰਯੋਗ ਹੈ ਕਿ ਡਿਪਾਰਟਮੈਂਟ ਆਫ਼ ਪਰਸਨਲ ਟ੍ਰੇਨਿੰਗ ਨੇ ਇਕ ਆਰਡਰ ਜਾਰੀ ਕੀਤਾ ਹੈ। ਆਰਡਰ ਨੇ ਸਾਫ਼ ਕੀਤਾ ਗਿਆ ਹੈ ਕਿ ਕੋਰੋਨਾ ਵਾਇਰਸ ਦੀ ਮੌਜੂਦਗੀ ਹਾਲਾਤ ਕਾਰਨ 2019-20 ਲਈ 1੍ਵ1ਞ ਦੀ ਪ੍ਰਕਿਰਿਆ ਦਸੰਬਰ 2020 ਤੋਂ ਵਧਾ ਕੇ ਮਾਰਚ 2021 ਕਰ ਦਿਤੀ ਗਈ ਹੈ। ਇਸ ਨਾਲ ਈਕ੍ਰੀਮੈਂਟ ਲਈ ਮੁਲਾਜ਼ਮਾਂ ਦਾ ਇੰਤਜ਼ਾਰ ਕਰਨਾ ਹੋਵੇਗਾ। ਸਰਕਾਰ ਦੇ ਇਸ ਫ਼ੈਸਲੇ ਨਾਲ ਗਰੁਪ ਏ, ਬੀ ਤੇ ਸੀ ਦੇ ਅਧਿਕਾਰੀ-ਮੁਲਾਜ਼ਮ ਪ੍ਰਭਾਵਿਤ ਹੋਣਗੇ।
ਦਰਅਸਲ ਇਸ ਪ੍ਰਕਿਰਿਆ ਤਹਿਤ ਸੱਭ ਤੋਂ ਪਹਿਲਾਂ ਮੁਲਾਜ਼ਮ ਸੈਲਫ਼ ਅਪ੍ਰੇਜ਼ਲ ਫ਼ਾਰਮ ਭਰ ਕੇ ਆਪਣੇ ਰਿਪੋਰਟਿੰਗ ਅਫ਼ਸਰ ਨੂੰ ਜਮ੍ਹਾਂ ਕਰਦਾ ਹੈ। ਇਸ ਤੋਂ ਬਾਅਦ ਇਹ ਰਿਪੋਰਟ ਨੂੰ ਰਿਵਊਇੰਗ ਅਫ਼ਸਰ ਕੋਲ ਪਹੁੰਚਦੀ ਹੈ। ਸਾਰੀਆਂ ਪ੍ਰਕਿਰਿਆਵਾਂ ਪੂਰੀ ਕਰਨ ਤੋਂ ਬਾਅਦ ਫ਼ਾਰਮ ਸੈਲ ਕੋਲ ਪਹੁੰਚਦਾ ਹੈ। ਫਿਰ ਇਥੇ ਅਪ੍ਰੇਜਲ ਦੀ ਪ੍ਰਕਿਰਿਆ ਪੂਰੀ ਹੁੰਦੀ ਹੈ। (ਏਜੰਸੀ)
