88 ਫੀ ਸਦੀ ਪੇਸ਼ੇਵਰ 2024 ’ਚ ਨੌਕਰੀ ਬਦਲਣ ’ਤੇ ਵਿਚਾਰ ਕਰ ਰਹੇ ਹਨ, ਪਿਛਲੇ ਸਾਲ ਦੇ ਮੁਕਾਬਲੇ ਚਾਰ ਫੀ ਸਦੀ ਜ਼ਿਆਦਾ

LinkedIn report: ਮੁਕਾਬਲੇਬਾਜ਼ੀ ’ਚ ਵਾਧੇ ਦੇ ਮੱਦੇਨਜ਼ਰ ਇਸ ਸਾਲ ਕਰੀਬ 88 ਫੀ ਸਦੀ ਪੇਸ਼ੇਵਰ ਨੌਕਰੀ ਬਦਲਣ ’ਤੇ ਵਿਚਾਰ ਕਰ ਰਹੇ ਹਨ। ਬੁਧਵਾਰ ਨੂੰ ਜਾਰੀ ਇਕ ਰੀਪੋਰਟ ’ਚ ਇਹ ਸਿੱਟਾ ਕਢਿਆ ਗਿਆ ਹੈ। ਲਿੰਕਡਇਨ ਦੀ ਇਕ ਰੀਪੋਰਟ ਮੁਤਾਬਕ ਚੁਨੌਤੀਪੂਰਨ ਆਰਥਕ ਮਾਹੌਲ ’ਚ ਬਿਹਤਰ ਕੰਮ-ਜੀਵਨ ਸੰਤੁਲਨ (42 ਫੀ ਸਦੀ) ਅਤੇ ਉੱਚ ਤਨਖਾਹ (37 ਫੀ ਸਦੀ) ਦੀ ਇੱਛਾ ਜ਼ਿਆਦਾਤਰ ਪੇਸ਼ੇਵਰਾਂ ਲਈ ਨੌਕਰੀ ਬਦਲਣ ਦੇ ਕਾਰਨ ਹਨ।

ਲਿੰਕਡਇਨ ਦੀ ਇਹ ਰੀਪੋਰਟ 24 ਨਵੰਬਰ ਤੋਂ 12 ਦਸੰਬਰ, 2023 ਦੇ ਵਿਚਕਾਰ ਦੇਸ਼ ਭਰ ਦੇ 1097 ਸਥਾਈ ਜਾਂ ਅਸਥਾਈ ਰੁਜ਼ਗਾਰ ਪੇਸ਼ੇਵਰਾਂ ’ਤੇ ‘ਸੇਨਸਵਾਈਡ’ ਵਲੋਂ ਕੀਤੇ ਸਰਵੇ ’ਤੇ ਅਧਾਰਤ ਹੈ। ਰੀਪੋਰਟ ’ਚ ਕਿਹਾ ਗਿਆ ਹੈ ਕਿ 88 ਫੀ ਸਦੀ ਪੇਸ਼ੇਵਰ 2024 ’ਚ ਨੌਕਰੀ ਬਦਲਣ ’ਤੇ ਵਿਚਾਰ ਕਰ ਰਹੇ ਹਨ।

ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।

ਇਹ ਅੰਕੜਾ ਪਿਛਲੇ ਸਾਲ ਦੇ ਮੁਕਾਬਲੇ ਚਾਰ ਫੀ ਸਦੀ ਜ਼ਿਆਦਾ ਹੈ। ਸਰਵੇਖਣ ਵਿਚ ਸ਼ਾਮਲ 10 ਵਿਚੋਂ ਅੱਠ ਤੋਂ ਵੱਧ ਪੇਸ਼ੇਵਰਾਂ (79 ਫੀ ਸਦੀ ) ਨੇ ਕਿਹਾ ਕਿ ਉਹ ਅਪਣੇ ਉਦਯੋਗ ਜਾਂ ਮੌਜੂਦਾ ਭੂਮਿਕਾ ਤੋਂ ਵੱਖਰੇ ਮੌਕਿਆਂ ਦੀ ਭਾਲ ਕਰ ਰਹੇ ਹਨ।

ਸਰਵੇਖਣ ’ਚ ਸ਼ਾਮਲ 72 ਫ਼ੀ ਸਦੀ ਪੇਸ਼ੇਵਰਾਂ ਨੇ ਕਿਹਾ ਕਿ ਉਨ੍ਹਾਂ ਨੇ ਨੌਕਰੀ ਲੱਭਣ ਲਈ ਅਪਣੀ ਪਹੁੰਚ ਬਦਲ ਦਿਤੀ ਹੈ। ਹੁਣ ਉਹ ਵੀਡੀਉ ਅਤੇ ਡਿਜੀਟਲ ਰਿਜ਼ਿਊਮੇ ਵਰਗੇ ਨਵੇਂ ਫਾਰਮੈਟਾਂ ਦੀ ਵਰਤੋਂ ਕਰ ਰਹੇ ਹਨ।  ਜ਼ਿਆਦਾਤਰ ਪੇਸ਼ੇਵਰ ਆਰਟੀਫਿਸ਼ੀਅਲ ਇੰਟੈਲੀਜੈਂਸ (ਏ.ਆਈ.) ਦੀ ਵਰਤੋਂ ਕਰਨ ਲਈ ਵੀ ਤਿਆਰ ਹਨ। ਲਗਭਗ 81 ਫ਼ੀ ਸਦੀ ਪੇਸ਼ੇਵਰਾਂ ਦਾ ਕਹਿਣਾ ਹੈ ਕਿ ਏਆਈ ਦੀ ਮਦਦ ਨਾਲ, ਉਨ੍ਹਾਂ ਦੀ ਨੌਕਰੀ ਦੀ ਭਾਲ ਵਧੇਰੇ ਪ੍ਰਭਾਵਸ਼ਾਲੀ ਅਤੇ ਉਤਪਾਦਕ ਹੋ ਸਕਦੀ ਹੈ।

(For more Punjabi news apart from Majority of professionals considering job change in 2024, says LinkedIn report, stay tuned to Rozana Spokesman)