‘ਵੰਦੇ ਭਾਰਤ ਸਲੀਪਰ’ ਰੇਲ 800 ਕਿਲੋਮੀਟਰ ਤੋਂ ਵੱਧ ਦੀ ਦੂਰੀ ਤੈਅ ਕਰ ਕੇ ਨਵੀਂ ਦਿੱਲੀ ਨੂੰ ਸ਼੍ਰੀਨਗਰ ਨਾਲ ਜੋੜੇਗੀ
ਸ਼੍ਰੀਨਗਰ ਨੂੰ ਦੇਸ਼ ਦੇ ਕਈ ਸੂਬਿਆਂ ਨਾਲ ਜੋੜਨ ਵਾਲੀ ਪਹਿਲੀ ਰੇਲ ਸੇਵਾ ਇਸ ਮਹੀਨੇ ਸ਼ੁਰੂ ਹੋਣ ਜਾ ਰਹੀ ਹੈ। ਊਧਮਪੁਰ-ਸ਼੍ਰੀਨਗਰ-ਬਾਰਾਮੂਲਾ ਰੇਲਵੇ ਪ੍ਰਾਜੈਕਟ (USBRL) ਕਸ਼ਮੀਰ ਨੂੰ ਬਾਕੀ ਭਾਰਤ ਦੇ ਸੂਬਿਆਂ ਨਾਲ ਸਹਿਜੇ ਹੀ ਜੋੜ ਕੇ ਕਸ਼ਮੀਰ ਘਾਟੀ ਨੂੰ ਬਦਲਣ ਦਾ ਵਾਅਦਾ ਕਰਦਾ ਹੈ। ਭਾਰਤੀ ਰੇਲਵੇ ਵਲੋਂ ਕਿਹਾ ਗਿਆ ਕਿ ਜਨਵਰੀ ’ਚ ਟਰੈਕ ’ਤੇ ਇਕ ਵੰਦੇ ਭਾਰਤ ਸਲੀਪਰ ਰੇਲ ਚਲਾਈ ਜਾਵੇਗੀ, ਜੋ 800 ਕਿਲੋਮੀਟਰ ਤੋਂ ਵੱਧ ਦੀ ਦੂਰੀ ਤੈਅ ਕਰੇਗੀ ਅਤੇ ਨਵੀਂ ਦਿੱਲੀ ਨੂੰ ਸ਼੍ਰੀਨਗਰ ਨਾਲ ਜੋੜੇਗੀ।
ਹੁਣ ਤਕ ਇਸ ਖੇਤਰ ਵਿਚ ਇਕਮਾਤਰ ਰੇਲ ਸੰਪਰਕ 2009 ’ਚ ਸ਼ੁਰੂ ਕੀਤੀ ਗਈ ਇਕ ਅੰਦਰੂਨੀ ਲਾਈਨ ਸੀ, ਜੋ ਜੰਮੂ ਡਿਵੀਜ਼ਨ ਦੇ ਬਨਿਹਾਲ ਨੂੰ ਉਤਰੀ ਕਸ਼ਮੀਰ ਦੇ ਬਾਰਾਮੂਲਾ ਨਾਲ ਜੋੜਦੀ ਸੀ। ਨਵੀਂ ਲਾਈਨ ਨਾ ਸਿਰਫ਼ ਕਸ਼ਮੀਰ ਨੂੰ ਕੰਨਿਆਕੁਮਾਰੀ ਨਾਲ ਜੋੜੇਗੀ, ਸਗੋਂ ਹਰ ਮੌਸਮ ਵਿਚ ਪਹੁੰਚ ਨੂੰ ਵੀ ਯਕੀਨੀ ਬਣਾਏਗੀ। ਜਿਸ ਨਾਲ ਸ਼੍ਰੀਨਗਰ ਤੇ ਜੰਮੂ ਵਿਚਕਾਰ ਯਾਤਰਾ ਦਾ ਸਮਾਂ ਸਿਰਫ਼ ਪੰਜ ਘੰਟੇ ਰਹਿ ਜਾਵੇਗਾ।
ਸ਼੍ਰੀਨਗਰ-ਜੰਮੂ ਰਾਸ਼ਟਰੀ ਹਾਈਵੇਅ, ਕਸ਼ਮੀਰ ਅਤੇ ਬਾਕੀ ਦੁਨੀਆਂ ਵਿਚਕਾਰ ਮਹੱਤਵਪੂਰਨ ਤੇ ਇਕਲੌਤਾ ਸੜਕੀ ਸੰਪਰਕ ਹੈ। ਜੋ ਅਕਸਰ ਜ਼ਮੀਨ ਖਿਸਕਣ ਕਾਰਨ ਬੰਦ ਰਹਿੰਦਾ ਹੈ ਅਤੇ ਅਕਸਰ ਖ਼ਰਾਬ ਮੌਸਮ ਕਾਰਨ ਹੁੰਦਾ ਹੈ। 272 ਕਿਲੋਮੀਟਰ ਲੰਬਾ NH-1A ਹਾਈਵੇਅ ਮੌਤ ਦਾ ਜਾਲ ਬਣ ਗਿਆ ਹੈ, ਇਸ ਦੇ ਖਤਰਨਾਕ, ਢਲਾਣ ਵਾਲੇ, ਪਹਾੜੀ ਖੇਤਰ ਅਤੇ ਇਸਦੀਆਂ ਸੁਰੰਗਾਂ ਰਾਹੀਂ ਅਕਸਰ ਹਾਦਸੇ ਹੁੰਦੇ ਰਹਿੰਦੇ ਹਨ, ਜਿਸ ਦੇ ਨਤੀਜੇ ਵਜੋਂ ਕਈ ਮੌਤਾਂ ਹੁੰਦੀਆਂ ਹਨ।
