ਭਾਜਪਾ ਦੇ ਅੰਦਰ ਅਸੰਤੁਸ਼ਟ ਮੰਨੇ ਜਾਣ ਵਾਲੇ ਪਾਰਟੀ ਸੰਸਦ ਸ਼ਤਰੂਘਨ ਸਿਨਹਾ ਨੇ ਅਪਣੀ ਪਾਰਟੀ 'ਤੇ ਬਹੁਮਤ ਨਾ ਹੋਣ ਦੇ ਬਾਵਜੂਦ ਵੀ ਕਨਾਰਟਕ 'ਚ ਉਸ ਦੇ ਸਰਕਾਰ ਬਣਾਉਣ ਦੇ...
ਪਟਨਾ, 17 ਮਈ : ਭਾਜਪਾ ਦੇ ਅੰਦਰ ਅਸੰਤੁਸ਼ਟ ਮੰਨੇ ਜਾਣ ਵਾਲੇ ਪਾਰਟੀ ਸੰਸਦ ਸ਼ਤਰੂਘਨ ਸਿਨਹਾ ਨੇ ਅਪਣੀ ਪਾਰਟੀ 'ਤੇ ਬਹੁਮਤ ਨਾ ਹੋਣ ਦੇ ਬਾਵਜੂਦ ਵੀ ਕਨਾਰਟਕ 'ਚ ਉਸ ਦੇ ਸਰਕਾਰ ਬਣਾਉਣ ਦੇ ਫ਼ੈਸਲਾ 'ਤੇ ਸਵਾਲ ਚੁੱਕਦੇ ਹੋਏ ਕਿਹਾ ਹੈ ਕਿ ‘ਜੁਗਾੜ’ ਅਤੇ ਦਬਾਅ ਦੀ ਰਾਜਨੀਤੀ ਮੰਨਣਯੋਗ ਨਹੀਂ ਹੈ। ਸ਼ਤਰੂਘਨ ਨੇ ਕਰਨਾਟਕ ਚੋਣ ਦੇ ਨਤੀਜੇ ਆਉਣ ਤੋਂ ਬਾਅਦ ਟਵੀਟ ਜ਼ਰੀਏ ਕਾਂਗਰਸ - ਜੇਡੀਐਸ ਗਠ-ਜੋੜ ਨੂੰ ਕਰਨਾਟਕ 'ਚ ਸਰਕਾਰ ਬਣਾਉਣ ਦਾ ਮੌਕਾ ਦਿਤੇ ਜਾਣ ਦੀ ਵਕਾਲਤ ਕਰਦੇ ਹੋਏ ਕੇਂਦਰ ਸਰਕਾਰ 'ਤੇ ਸਿੱਧੇ ਤੌਰ 'ਤੇ ਨਿਸ਼ਾਨਾ ਦਾਗਿਆ ਹੈ।
ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਅੱਗ ਨਾਲ ਕਿਉਂ ਖੇਡ ਰਹੇ ਹਾਂ ? ਲੋਕਤੰਤਰ ਦੇ ਹਿਮਾਇਤੀ ਹੁਣ ਵਿਵਸਥਾ ਦਾ ਮਜਾਕ ਉਡਾ ਰਹੇ ਹਨ। ਜੋ ਲੋਕ ਲੋਕਤੰਤਰ ਦੇ ਮੁੱਲ 'ਤੇ ਉਪਦੇਸ਼ ਦਿੰਦੇ ਨਹੀਂ ਥਕਦੇ ਉਹ ਰਾਜਤੰਤਰ ਨੂੰ ਬਰਬਾਦ ਕਰਨ 'ਤੇ ਲਗੇ ਹੋਏ ਹਨ। ਉਨ੍ਹਾਂ ਨੇ ਕਿਹਾ ਕਿ 'ਜੁਗਾੜ’ ਅਤੇ ਦਬਾਅ ਦੀ ਇਹ ਰਾਜਨੀਤੀ, ਵਿਅਕਤੀ - ਸ਼ਕਤੀ 'ਤੇ ਪੈਸਾ - ਸ਼ਕਤੀ ਨਾ ਤਾਂ ਮੰਨਣਯੋਗ ਹੈ ਅਤੇ ਨਾ ਹੀ ਮਨਭਾਉਂਦਾ ਹੈ। ਸ਼ਤਰੂਘਨ ਨੇ ਇਕ ਕਹਾਵਤ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਤੁਸੀਂ ਕਿਸੇ ਵੀ ਤਰ੍ਹਾਂ ਜਿੱਤ ਹਾਸਲ ਕਰਨ ਲਈ ਹਰ ਸਮੇਂ ਸਾਰੇ ਲੋਕਾਂ ਨੂੰ ਮੂਰਖ ਨਹੀਂ ਬਣਾ ਸਕਦੇ ਹੋ ਅਤੇ ਇਸ ਦੀ ਸਲਾਹ ਵੀ ਨਹੀਂ ਦਿਤੀ ਜਾ ਸਕਦੀ ਹੈ।
ਉਨ੍ਹਾਂ ਨੇ ਕਿਹਾ ਕਿ ਜੋ ਮੇਘਾਲਿਆ, ਮਣਿਪੁਰ ਅਤੇ ਗੋਆ ਲਈ ਠੀਕ ਮੰਨਿਆ ਗਿਆ ਉਹੀ ਕਰਨਾਟਕ ਲਈ ਵੀ ਠੀਕ ਮੰਨਿਆ ਜਾਣਾ ਚਾਹੀਦਾ ਹੈ। ਸ਼ਤਰੂਘਨ ਨੇ ਕਿਹਾ ਕਿ ਅਸੀਂ ਅਦਾਲਤ ਦੇ ਪ੍ਰਤੀ ਬਹੁਤ ਜ਼ਿਆਦਾ ਸਨਮਾਨ ਰੱਖਦੇ ਹਾਂ। ਉਮੀਦ ਹੈ ਕਿ ਅੰਤ ਸਮੇਂ ਨਿਆਂ ਹੋਵੇਗਾ।