ਛੋਟੇ ਭਰਾ ਦੇ ਆਉਣ ਤੋਣ ਬਾਅਦ ਕੀਤਾ ਗਿਆ ਸਸਕਾਰ
ਵਾਰਾਨਸੀ: ਉਤਰ ਪ੍ਰਦੇਸ਼ ਦੇ ਵਾਰਾਨਸੀ ਵਿੱਚ ਮਨੁੱਖਤਾ ਨੂੰ ਸ਼ਰਮਸਾਰ ਕਰਨ ਵਾਲੀ ਇੱਕ ਘਟਨਾ ਸਾਹਮਣੇ ਆਈ ਹੈ। ਜਿਥੇ ਐਤਵਾਰ ਨੂੰ ਪੁੱਤ ਦੀ ਮੌਤ ਤੋਂ ਬਾਅਦ ਉਸ ਦੀ ਲਾਸ਼ ਕਈ ਘੰਟਿਆਂ ਤੱਕ ਉਸਦੀ ਮਾਂ ਦੇ ਸਾਹਮਣੇ ਪਈ ਰਹੀ। ਮ੍ਰਿਤਕ ਦੀ ਲਾਸ਼ ਦੇ ਅੰਤਮ ਸਸਕਾਰ ਲਈ ਕੋਈ ਅੱਗੇ ਨਹੀਂ ਆਇਆ।
Corona Death
ਮ੍ਰਿਤਕ ਦੇ ਛੋਟੇ ਭਰਾ ਦੇ ਕਾਨਪੁਰ ਤੋਂ ਬਨਾਰਸ ਪਹੁੰਚਣ ਤੇ ਅੰਤਿਮ ਸਸਕਾਰ ਕੀਤਾ ਗਿਆ।ਜਦੋਂ ਇਸ ਘਟਨਾ ਦਾ ਵੀਡੀਓ ਵਾਇਰਲ ਹੋਇਆ ਤਾਂ ਸਥਾਨਕ ਲੋਕ ਵੀ ਜਾਗ ਗਏ ਅਤੇ ਲ਼ਾਸ਼ ਨੂੰ ਸ਼ਮਸ਼ਾਨਘਾਟ ਤੱਕ ਪਹੁੰਚਣ ਵਿਚ ਸਹਾਇਤਾ ਕੀਤੀ।
corona death
ਇਹ ਮਾਮਲਾ ਵਾਰਾਣਸੀ ਦੇ ਰਾਮਨਗਰ ਖੇਤਰ ਨਾਲ ਸਬੰਧਤ ਹੈ, ਜਿਥੇ ਐਤਵਾਰ ਸਵੇਰੇ 44 ਸਾਲਾ ਪ੍ਰਸ਼ਾਂਤ ਦੀ ਮੌਤ ਹੋ ਗਈ। ਪਰ ਕੋਰੋਨਾ ਦੇ ਡਰ ਕਾਰਨ ਲੋਕ ਮੋਢਾ ਦੇਣ ਲਈ ਅੱਗੇ ਨਹੀਂ ਆਏ। ਪ੍ਰਸ਼ਾਂਤ ਦੀ ਮਾਂ ਘਰ ਵਿਚ ਇਕੱਲੀ ਸੀ ਜਿਸਦਾ ਰੋ ਰੋ ਬੁਰਾ ਹਾਲ ਸੀ। ਪੁੱਤ ਦੀ ਲਾਸ਼ ਕਈ ਘੰਟਿਆਂ ਤੱਕ ਮਾਂ ਦੇ ਸਾਹਮਣੇ ਪਈ ਰਹੀ, ਪਰ ਕੋਈ ਅੱਗੇ ਨਹੀਂ ਆਇਆ।
corona death
ਬਾਅਦ ਵਿਚ ਜਦੋਂ ਛੋਟਾ ਭਰਾ ਕਾਨਪੁਰ ਤੋਂ ਵਾਪਸ ਆਇਆ ਤਾਂ ਸਸਕਾਰ ਦੀ ਪ੍ਰਕਿਰਿਆ ਸ਼ੁਰੂ ਹੋ ਗਈ। ਲੋਕ ਮ੍ਰਿਤਕ ਦੇ ਭਰਾ ਨੂੰ ਇਕੱਲੇ ਵੇਖ ਕੇ ਅੱਗੇ ਆਏ ਤੇ ਮ੍ਰਿਤਕ ਦੇਹ ਨੂੰ ਸ਼ਮਸ਼ਾਨਘਾਟ ਲਿਜਾਣ ਦਾ ਫੈਸਲਾ ਕੀਤਾ।
corona death
ਲੋਕ ਮ੍ਰਿਤਕ ਦੇਹ ਨੂੰ ਲੈ ਕੇ ਅੱਗੇ ਵਧੇ ਤਾਂ ਕਿ ਨਗਰ ਪਾਲਿਕਾ ਦਾ ਸਟਾਫ ਵੀ ਉਥੇ ਪਹੁੰਚ ਗਿਆ। ਉਹਨਾਂ ਨੇ ਮ੍ਰਿਤਕ ਦੇਹ ਨੂੰ ਮੋਢਿਆਂ ਤੋਂ ਉਤਾਰ ਕੇ ਉਸਨੂੰ ਠੇਲੇ ਤੇ ਰੱਖ ਦਿੱਤਾ। ਮ੍ਰਿਤਕ ਦੇ ਛੋਟੇ ਭਰਾ ਅਤੇ ਲੋਕਾਂ ਨੇ ਇਸਦਾ ਵਿਰੋਧ ਕੀਤਾ ਪਰ ਕਰਮਚਾਰੀਆਂ ਨੇ ਇਕ ਨਾ ਸੁਣੀ ਅਤੇ ਲਾਸ਼ ਨੂੰ ਸ਼ਮਸ਼ਾਨਘਾਟ ਲੈ ਗਏ। ਰਾਮਨਗਰ ਨਗਰ ਪਾਲਿਕਾ ਪ੍ਰਸ਼ਾਸਨ ਅਤੇ ਉਨ੍ਹਾਂ ਦੇ ਕਰਮਚਾਰੀਆਂ ਦੇ ਇਸ ਕੀਤੇ ਕੰਮ ਕਾਰਨ ਖੇਤਰ ਦੇ ਲੋਕਾਂ ਵਿੱਚ ਭਾਰੀ ਰੋਸ ਹੈ।
