ਹਰ ਸਾਲ ਭਗਵਾਨ ਗਣੇਸ਼ ਨੂੰ ਚੜ੍ਹਾਏ ਗਏ ਲੱਡੂ ਦੀ ਨਿਲਾਮੀ ਕੀਤੀ ਜਾਂਦੀ ਹੈ ਪਰ ਇਸ ਸਾਲ ਗਣੇਸ਼ ਲੱਡੂ ਦੀ ਨਿਲਾਮੀ ਨੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ
Balapur Laddu Auction 2024 : ਲੱਡੂ ਗਣਪਤੀ ਬੱਪਾ ਦਾ ਸਭ ਤੋਂ ਪਸੰਦੀਦਾ ਪ੍ਰਸਾਦ ਹੈ। ਅਜਿਹੀ ਸਥਿਤੀ ਵਿੱਚ ਉਸਦੇ ਸਾਰੇ ਸ਼ਰਧਾਲੂ ਉਸਨੂੰ ਖੁਸ਼ ਕਰਨ ਲਈ ਉਸਦੀ ਪੂਜਾ ਦੌਰਾਨ ਲੱਡੂ ਚੜ੍ਹਾਉਂਦੇ ਹਨ। ਖ਼ਬਰਾਂ ਮੁਤਾਬਕ ਹੈਦਰਾਬਾਦ ਦੇ ਦੱਖਣੀ ਕਿਨਾਰੇ 'ਤੇ ਬਾਸੇਨ ਬਾਲਾਪੁਰ ਇਲਾਕੇ 'ਚ ਇਹ ਪਰੰਪਰਾ ਪਿਛਲੇ 3 ਦਹਾਕਿਆਂ (ਕਰੀਬ 30 ਸਾਲਾਂ) ਤੋਂ ਚੱਲੀ ਆ ਰਹੀ ਹੈ। ਜਿਸ ਵਿੱਚ ਹਰ ਸਾਲ ਭਗਵਾਨ ਗਣੇਸ਼ ਨੂੰ ਚੜ੍ਹਾਏ ਗਏ ਲੱਡੂ ਦੀ ਨਿਲਾਮੀ ਕੀਤੀ ਜਾਂਦੀ ਹੈ ਪਰ ਇਸ ਸਾਲ ਗਣੇਸ਼ ਲੱਡੂ ਦੀ ਨਿਲਾਮੀ ਨੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ।
ਤੇਲੰਗਾਨਾ ਦੇ ਪਿੰਡ ਬਾਲਾਪੁਰ ਵਿੱਚ ਜ਼ਿਆਦਾਤਰ ਕਿਸਾਨ ਰਹਿੰਦੇ ਹਨ। ਇਸ ਪਿੰਡ ਵਿੱਚ ਹਰ ਸਾਲ ਅਮੀਰ ਲੋਕ ਗਣੇਸ਼ ਲੱਡੂ ਦੀ ਨਿਲਾਮੀ ਵਿੱਚ ਹਿੱਸਾ ਲੈਂਦੇ ਹਨ ਅਤੇ ਲੱਡੂ ਖਰੀਦਦੇ ਹਨ ਪਰ ਇਸ ਸਾਲ ਇਸ ਲੱਡੂ ਦੀ ਨਿਲਾਮੀ ਕੋਲਨ ਸ਼ੰਕਰ ਰੈੱਡੀ ਨੇ ਜਿੱਤੀ ਹੈ। ਉਸ ਦੀ ਸੋਸ਼ਲ ਮੀਡੀਆ ਪ੍ਰੋਫਾਈਲ ਤੋਂ ਪਤਾ ਲੱਗਦਾ ਹੈ ਕਿ ਉਹ ਭਾਰਤੀ ਜਨਤਾ ਪਾਰਟੀ ਦਾ ਸਰਗਰਮ ਮੈਂਬਰ ਵੀ ਹੈ।
ਗਣੇਸ਼ ਮੰਦਰ ਦੇ ਲੱਡੂ ਦੀ ਨਿਲਾਮੀ 'ਚ ਮੰਗਲਵਾਰ ਨੂੰ ਰਿਕਾਰਡ 30.1 ਲੱਖ ਰੁਪਏ ਦੀ ਬੋਲੀ ਲੱਗੀ ਹੈ। ਗਣੇਸ਼ ਉਤਸਵ ਦਾ ਇੱਕ ਪ੍ਰਮੁੱਖ ਆਕਰਸ਼ਣ, ਇਹ ਨਿਲਾਮੀ ਹਰ ਸਾਲ ਬਾਲਾਪੁਰ ਗਣੇਸ਼ ਦੀ ਮੂਰਤੀ ਨੂੰ ਵਿਸਰਜਨ ਲਈ ਹੁਸੈਨਸਾਗਰ ਝੀਲ ਵਿੱਚ ਇੱਕ ਵਿਸ਼ਾਲ ਜਲੂਸ ਨਾਲ ਲਿਜਾਣ ਤੋਂ ਪਹਿਲਾਂ ਹੁੰਦੀ ਹੈ।
ਜ਼ਿਕਰਯੋਗ ਹੈ ਕਿ ਸਾਲ 2023 'ਚ ਬਾਲਾਪੁਰ ਲੱਡੂ ਦੀ ਨਿਲਾਮੀ 27 ਲੱਖ ਰੁਪਏ 'ਚ ਹੋਈ ਸੀ। ਇਸ ਦੌਰਾਨ ਰੰਗਰੇਡੀ ਜ਼ਿਲੇ ਦੇ ਬੰਦਲਾਗੁਡਾ ਮਿਊਂਸੀਪਲ ਸੀਮਾਵਾਂ ਦੇ ਅਧੀਨ ਕੀਰਤੀ ਰਿਚਮੰਡ ਵਿਲਾ ਵਿਖੇ ਆਯੋਜਿਤ ਇਕ ਹੋਰ ਲੱਡੂ ਦੀ ਨਿਲਾਮੀ ਵਿਚ 1.87 ਕਰੋੜ ਰੁਪਏ ਦੀ ਬੋਲੀ ਲੱਗੀ, ਜੋ ਪਿਛਲੇ ਸਾਲ ਦੀ 1.26 ਕਰੋੜ ਰੁਪਏ ਦੀ ਕੀਮਤ ਨਾਲੋਂ 67 ਲੱਖ ਰੁਪਏ ਜ਼ਿਆਦਾ ਰਹੀ।
ਕਿੱਥੇ ਖਰਚ ਹੁੰਦਾ ਹੈ ਨਿਲਾਮੀ ਦਾ ਪੈਸਾ...?
ਮੀਡੀਆ ਰਿਪੋਰਟਾਂ ਅਨੁਸਾਰ ਗਣੇਸ਼ ਲੱਡੂ ਦੀ ਨੀਲਮੀ ਤੋਂ ਇਕੱਠੀ ਹੋਈ ਰਕਮ ਲੋਕਾਂ ਦੀ ਭਲਾਈ ਅਤੇ ਹੋਰ ਮਹੱਤਵਪੂਰਨ ਸਮਾਜਿਕ ਅਤੇ ਧਾਰਮਿਕ ਕੰਮਾਂ ਲਈ ਜਾਂਦੀ ਹੈ। 1994 ਵਿੱਚ ਸ਼ੁਰੂ ਹੋਈ ਇਸ ਪਰੰਪਰਾ ਵਿੱਚ ਹਰ ਸਾਲ ਲੱਡੂ ਦੀ ਕੀਮਤ ਵਿੱਚ ਬੋਲੀ ਵਧਾਈ ਜਾਂਦੀ ਸੀ। ਪਰ ਇਸ ਸਾਲ ਦੇ ਮੁਕਾਬਲੇ ਕਿਸੇ ਹੋਰ ਸਾਲ ਵਿੱਚ ਇੰਨੀਆਂ ਬੋਲੀ ਨਹੀਂ ਲੱਗੀ ਹੈ।
