ਸੂਚੀ ਵਿਚ ਟਵਿਟਰ ਦੇ ਸੀਨੀਅਰ ਵਕੀਲ ਵਿਜਯਾ ਗਾਡੇ ਤੇ ਇੰਗਲੈਂਡ ਦੇ ਵਿੱਤ ਮੰਤਰੀ ਰਿਸ਼ੀ ਸੁਨਕ ਵੀ ਸ਼ਾਮਲ
ਨਵੀਂ ਦਿੱਲੀ: 'ਟਾਈਮ ਮੈਗਜ਼ੀਨ ਵਲੋਂ ਜਾਰੀ ਕੀਤੀ ਗਈ ਵਿਸ਼ਵ ਦੇ ਉਭਰਦੇ 100 ਨੇਤਾਵਾਂ ਦੀ ਸੂਚੀ ਵਿਚ ਭਾਰਤ ਦੇ 5 ਵਿਅਕਤੀ ਸ਼ਾਮਲ ਹਨ। ਇਨ੍ਹਾਂ ਵਿਚ 'ਭੀਮ ਆਰਮੀ' ਦੇ ਆਗੂ ਚੰਦਰ ਸ਼ੇਖਰ ਦਾ ਨਾਮ ਵੀ ਸ਼ਾਮਲ ਹੈ। ਇਸ ਤੋਂ ਇਲਾਵਾ ਟਵਿਟਰ ਦੇ ਸੀਨੀਅਰ ਵਕੀਲ ਵਿਜਯਾ ਗਾਡੇ ਤੇ ਇੰਗਲੈਂਡ ਦੇ ਵਿੱਤ ਮੰਤਰੀ ਰਿਸ਼ੀ ਸੁਨਕ ਨੂੰ ਵਿਚ ਇਸ ਸੂਚੀ ਵਿਚ ਜਗ੍ਹਾ ਮਿਲੀ ਹੈ।
Chandra Sekhar
ਕੱਲ੍ਹ ਜਾਰੀ ਕੀਤੀ ਗਈ ‘2021 ਟਾਈਮ 100 ਨੈਕਸਟ’ ਦੁਨੀਆ ਦੇ 100 ਸਭ ਤੋਂ ਪ੍ਰਭਾਵਸ਼ਾਲੀ ਲੋਕਾਂ ਦੀ ‘ਟਾਈਮ 100’ ਲੜੀ ਦਾ ਵਿਸਥਾਰ ਹੈ। ਇਸ ਵਿਚ 100 ਉੱਭਰਦੇ ਨੇਤਾਵਾਂ ਨੂੰ ਸ਼ਾਮਲ ਕੀਤਾ ਗਿਆ ਹੈ, ਜੋ ਭਵਿੱਖ ਨੂੰ ਆਕਾਰ ਦੇ ਰਹੇ ਹਨ। ਭਾਰਤੀ ਮੂਲ ਦੀਆਂ ਹੋਰ ਹਸਤੀਆਂ ਵਿੱਚ ‘ਇੰਸਟਾਕਾਰਟ’ ਦੇ ਬਾਨੀ ਤੇ ਸੀਆਈਓ ਅਪੂਰਵਾ ਮਹਿਤਾ ਤੇ ਗ਼ੈਰ ਲਾਭਕਾਰੀ ‘ਗੈੱਟ ਅੱਸ ਪੀਪੀਆਈ’ ਦੇ ਐਗਜ਼ੀਕਿਊਟਿਵ ਡਾਇਰੈਕਟਰ ਸ਼ਿਖਾ ਗੁਪਤਾ ਤੇ ਗ਼ੈਰ ਲਾਭਕਾਰੀ ‘ਅਪਸੌਲਵ’ ਦੇ ਰੋਹਨ ਪਵੁਲੁਰੀ ਸ਼ਾਮਲ ਹਨ।
Chandra Sekhar
ਇਸ ਸੂਚੀ ਵਿੱਚ ਭੀਮ ਆਰਮੀ ਦੇ 34 ਸਾਲਾ ਮੁਖੀ ਚੰਦਰਸ਼ੇਖਰ ਆਜ਼ਾਦ ਦਾ ਨਾਂਅ ਵੀ ਸ਼ਾਮਲ ਹੈ। ਉਨ੍ਹਾਂ ਬਾਰੇ ਕਿਹਾ ਗਿਆ ਹੈ ਕਿ ਉਹ ਦਲਿਤ ਭਾਈਚਾਰੇ ਨੂੰ ਸਿੱਖਾਆ ਰਾਹੀਂ ਗ਼ਰੀਬੀ ’ਚੋਂ ਕੱਢਣ ਵਿੱਚ ਮਦਦ ਲਈ ਸਕੂਲ ਚਲਾਉਂਦੇ ਹਨ ਤੇ ਉਨ੍ਹਾਂ ਰੁਖ਼ ਤੇ ਸਟੈਂਡ ਸਦਾ ਹਮਲਾਵਰ ਰਹਿੰਦਾ ਹੈ।
Chandra Sekhar
ਉਹ ਬਾਈਕ ਉੱਤੇ ਜਾਤੀ ਆਧਾਰਤ ਹਿੰਸਾ ਦੇ ਸ਼ਿਕਾਰ ਲੋਕਾਂ ਦੀ ਰੱਖਿਆ ਲਈ ਪਿੰਡਾਂ ਵਿੱਚ ਜਾਂਦੇ ਹਨ ਤੇ ਭੇਦਭਾਵ ਵਿਰੁੱਧ ਉਤੇਜਕ ਪ੍ਰਦਰਸ਼ਨ ਕਰਵਾਉਂਦੇ ਹਨ। ‘ਭੀਮ ਆਰਮੀ’ ਨੇ ਉੱਤਰ ਪ੍ਰਦੇਸ਼ ਦੇ ਹਾਥਰਸ ’ਚ 19 ਸਾਲਾ ਦਲਿਤ ਕੁੜੀ ਨਾਲ ਸਮੂਹਕ ਬਲਾਤਕਾਰ ਦੇ ਮਾਮਲੇ ਵਿੱਚ ਇਨਸਾਫ਼ ਲਈ ਇੱਕ ਮੁਹਿੰਮ ਚਲਾਈ ਸੀ।
