ਇਸ ਤੋਂ ਬਾਅਦ ਕੁੜੀਆਂ ਨੇ ਉਸ ਨੂੰ ਸੌ-ਸੌ ਦੇ 10 ਨੋਟ ਗਿਣਨ ਨੂੰ ਦਿੱਤੇ, ਜਿਸ ਨੂੰ ਉਹ ਸਹੀ ਤਰੀਕੇ ਨਾਲ ਗਿਣ ਨਾ ਸਕਿਆ।
ਪੰਡੌਲ : ਬਿਹਾਰ ਦੇ ਮਧੁਬਨੀ ਜ਼ਿਲ੍ਹੇ ਦੇ ਮੰਡੋਲ ਪਿੰਡ ‘ਚ ਇੱਕ ਦੁਲਹਨ ਨੇ ਦੁਲ੍ਹੇ ਦੇ ਅਨਪੜ੍ਹ ਹੋਣ ਕਰਕੇ ਉਸ ਨਾਲ ਵਿਆਹ ਤੋਂ ਇਨਕਾਰ ਕਰ ਦਿੱਤਾ। ਉਸ ਨੇ ਇਹ ਫੈਸਲਾ ਵਰਮਾਲਾ ਤੋਂ ਬਾਅਦ ਲਿਆ ਜਿਸ ਦਾ ਮਾਨ ਪੂਰੇ ਪਿੰਡ ਨੇ ਰੱਖਿਆ। ਉਧਰ ਉਸੇ ਵਿਆਹ ‘ਚ ਮੌਜੂਦ ਇੱਕ ਹੋਰ ਵਿਅਕਤੀ ਨੇ ਕੁੜੀ ਦੀ ਹਿੰਮਤ ਦੀ ਤਾਰੀਫ ਕੀਤੀ ਤੇ ਆਪਣੇ ਪੜ੍ਹੇ-ਲਿਖੇ ਮੁੰਡੇ ਦੇ ਵਿਆਹ ਦਾ ਪ੍ਰਸਤਾਵ ਕੁੜੀ ਅੱਗੇ ਰੱਖਿਆ ਜਿਸ ਨੂੰ ਕੁੜੀ ਨੇ ਮੰਨ ਲਿਆ।
ਮਾਮਲਾ 13 ਮਾਰਚ ਦਾ ਹੈ, ਜਿੱਥੇ ਬ੍ਰਹਮੋਤੱਰਾ ਪਿੰਡ ਦੇ ਇੱਕ ਮੁੰਡੇ ਦਾ ਵਿਆਹ ਰਾਹਿਕਾ ਦੇ ਮੋਮੀਨਪੁਰ ਦੀ ਕੁੜੀ ਨਾਲ ਤੈਅ ਹੋਇਆ ਜਿੱਥੇ ਵਰਮਾਲਾ ਤੋਂ ਬਾਅਦ ਲਾੜੀ ਦੀਆਂ ਸਹੇਲੀਆਂ ਨੂੰ ਮੁੰਡੇ ਦੇ ਅਨਪੜ੍ਹ ਹੋਣ ‘ਤੇ ਸ਼ੱਕ ਹੋਇਆ। ਉਨ੍ਹਾਂ ਨੇ ਮੁੰਡੇ ਨੂੰ ਕੁਝ ਸਵਾਲ ਕੀਤੇ ਜਿਨ੍ਹਾਂ ਦੇ ਜਵਾਬ ਉਹ ਨਾ ਦੇ ਸਕਿਆ।
ਇਸ ਤੋਂ ਬਾਅਦ ਕੁੜੀਆਂ ਨੇ ਉਸ ਨੂੰ ਸੌ-ਸੌ ਦੇ 10 ਨੋਟ ਗਿਣਨ ਨੂੰ ਦਿੱਤੇ, ਜਿਸ ਨੂੰ ਉਹ ਸਹੀ ਤਰੀਕੇ ਨਾਲ ਗਿਣ ਨਾ ਸਕਿਆ। ਇਹ ਸਭ ਪਤਾ ਲੱਗਣ ਤੋਂ ਬਾਅਦ ਲੜਕੀ ਨੇ ਵਿਆਹ ਤੋਂ ਮਨਾ ਕਰ ਦਿੱਤਾ। ਦੁਲਹਨ ਦੇ ਇਸ ਫੈਸਲੇ ਤੋਂ ਖੁਸ਼ ਤੇ ਪ੍ਰਭਾਵਿਤ ਇੱਕ ਵਿਅਕਤੀ ਨੇ ਉਸ ਦੀ ਖੂਬ ਤਾਰੀਫ ਕੀਤੀ ਤੇ ਉਸ ਦਾ ਵਿਆਹ ਆਪਣੇ ਪੜ੍ਹੇ ਲਿਖੇ ਬੇਟੇ ਨਾਲ ਕੀਤਾ।