ਬਚਪਨ ਦੀ ਤਸਵੀਰ ਗੂਗਲ ਡਰਾਈਵ ’ਚ ਅਪਲੋਡ ਕਰ ਕੇ ਪਛਤਾਇਆ ਵਿਅਕਤੀ, ਜਾਣੋ ਗੂਗਲ ਨੇ ਕਿਉਂ ਕੀਤਾ ਈ-ਮੇਲ ਅਕਾਊਂਟ ਬਲਾਕ, ਮਾਮਲਾ ਹਾਈ ਕੋਰਟ ਪੁੱਜਾ
Published : Mar 18, 2024, 4:54 pm IST
Updated : Mar 18, 2024, 4:54 pm IST
SHARE ARTICLE
court
court

ਈ-ਮੇਲ ਨਾ ਮਿਲ ਸਕਣ ਕਾਰਨ ਕਾਰੋਬਾਰ ’ਚ ਨੁਕਸਾਨ ਹੋਣ ਦਾ ਦੋਸ਼, ਗੁਜਰਾਤ ਹਾਈ ਕੋਰਟ ਨੇ ਗੂਗਲ ਨੂੰ ਨੋਟਿਸ ਜਾਰੀ ਕੀਤਾ

ਅਹਿਮਦਾਬਾਦ: ਗੂਗਲ ਡਰਾਈਵ ’ਤੇ ਬਚਪਨ ਦੀ ਨਗਨ ਤਸਵੀਰ ਅਪਲੋਡ ਕਰਨ ਤੋਂ ਬਾਅਦ ਇਕ ਵਿਅਕਤੀ ਇਕ ਸਾਲ ਤੋਂ ਜ਼ਿਆਦਾ ਸਮੇਂ ਤਕ ਅਪਣੇ ਈ-ਮੇਲ ਅਕਾਊਂਟ ਨੂੰ ਚਲਾ ਨਹੀਂ ਸਕਿਆ। 

ਹਾਈ ਕੋਰਟ ਨੇ ਗੂਗਲ ਇੰਡੀਆ ਪ੍ਰਾਈਵੇਟ ਲਿਮਟਿਡ ਨੂੰ ਪਟੀਸ਼ਨਕਰਤਾ ਦੇ ਈ-ਮੇਲ ਅਕਾਊਂਟ ਨੂੰ ‘ਸਪੱਸ਼ਟ ਤੌਰ ’ਤੇ ਬਾਲ ਸੋਸ਼ਣ’ ਲਈ ਬਲਾਕ ਕਰਨ ਲਈ ਨੋਟਿਸ ਜਾਰੀ ਕੀਤਾ। ਦਰਅਸਲ ਪਟੀਸ਼ਨਕਰਤਾ ਨੇ ਗੂਗਲ ਡਰਾਈਵ ’ਤੇ ਅਪਣੀ ਇਕ ਤਸਵੀਰ ਅਪਲੋਡ ਕੀਤੀ ਸੀ ਜਿਸ ਵਿਚ ਉਸ ਦੀ ਦਾਦੀ ਉਸ ਨੂੰ ਨਹਾਉਂਦਾ ਨਜ਼ਰ ਆ ਰਹੀ ਹੈ। ਇਹ ਤਸਵੀਰ ਉਸ ਸਮੇਂ ਲਈ ਗਈ ਸੀ ਜਦੋਂ ਉਹ ਦੋ ਸਾਲ ਦਾ ਸੀ। 

ਜਸਟਿਸ ਵੈਭਵੀ ਡੀ. ਨਾਨਾਵਤੀ ਦੀ ਅਦਾਲਤ ਨੇ 15 ਮਾਰਚ ਨੂੰ ਗੂਗਲ, ਕੇਂਦਰ ਅਤੇ ਸੂਬਾ ਸਰਕਾਰਾਂ ਨੂੰ ਨੋਟਿਸ ਜਾਰੀ ਕਰ ਕੇ 26 ਮਾਰਚ ਤਕ ਜਵਾਬ ਦੇਣ ਲਈ ਕਿਹਾ ਸੀ। ਪੇਸ਼ੇ ਤੋਂ ਕੰਪਿਊਟਰ ਇੰਜੀਨੀਅਰ ਨੀਲ ਸ਼ੁਕਲਾ ਨੇ ਗੂਗਲ ਡਰਾਈਵ ’ਤੇ ਅਪਣੇ ਬਚਪਨ ਦੀਆਂ ਤਸਵੀਰਾਂ ਅਪਲੋਡ ਕੀਤੀਆਂ ਸਨ, ਜਿਨ੍ਹਾਂ ’ਚੋਂ ਇਕ ’ਚ ਉਨ੍ਹਾਂ ਦੀ ਦਾਦੀ ਬਚਪਨ ’ਚ ਉਨ੍ਹਾਂ ਨੂੰ ਨਹਾਉਂਦੇ ਨਜ਼ਰ ਆ ਰਹੇ ਹਨ। 

ਪਟੀਸ਼ਨਕਰਤਾ ਦੇ ਵਕੀਲ ਦੀਪੇਨ ਦੇਸਾਈ ਨੇ ਅਦਾਲਤ ਨੂੰ ਦਸਿਆ ਕਿ ਗੂਗਲ ਨੇ ਪਿਛਲੇ ਸਾਲ ਅਪ੍ਰੈਲ ’ਚ ਸ਼ੁਕਲਾ ਦੇ ਅਕਾਊਂਟ ਨੂੰ ਬਲਾਕ ਕਰ ਦਿਤਾ ਸੀ ਕਿਉਂਕਿ ਉਸ ਨੇ ਗੂਗਲ ਦੀ ‘ਸਪੱਸ਼ਟ ਬਾਲ ਸੋਸ਼ਣ’ ਨੂੰ ਵਿਖਾਉਣ ਵਾਲੀ ਸਮੱਗਰੀ ਦੇ ਸਬੰਧ ’ਚ ਨੀਤੀ ਦੀ ਉਲੰਘਣਾ ਕੀਤੀ ਸੀ। ਉਨ੍ਹਾਂ ਨੇ ਕਿਹਾ ਕਿ ਕੰਪਨੀ ਸ਼ਿਕਾਇਤ ਨਿਵਾਰਣ ਵਿਧੀ ਰਾਹੀਂ ਇਸ ਮੁੱਦੇ ਨੂੰ ਹੱਲ ਕਰਨ ’ਚ ਅਸਫਲ ਰਹੀ ਜਿਸ ਤੋਂ ਬਾਅਦ ਸ਼ੁਕਲਾ ਨੇ 12 ਮਾਰਚ ਨੂੰ ਹਾਈ ਕੋਰਟ ਦਾ ਦਰਵਾਜ਼ਾ ਖੜਕਾਇਆ।

ਦੇਸਾਈ ਨੇ ਅਦਾਲਤ ਨੂੰ ਦਸਿਆ ਕਿ ਗੂਗਲ ਨੇ ਉਸ ਦਾ ਈ-ਮੇਲ ਅਕਾਊਂਟ ਬਲਾਕ ਕਰ ਦਿਤਾ ਸੀ, ਇਸ ਲਈ ਸ਼ੁਕਲਾ ਦੇ ਅਪਣੇ ਈ-ਮੇਲ ਨੂੰ ਪੜ੍ਹ ਨਾ ਸਕਣ ਕਾਰਨ ਉਸ ਨੂੰ ਕਾਰੋਬਾਰ ’ਚ ਨੁਕਸਾਨ ਹੋਇਆ। ਅਪੀਲਕਰਤਾ ਨੇ ਕਿਹਾ, ‘‘ਗੂਗਲ ਦਾ ਕਹਿਣਾ ਸੀ ਕਿ ਇਹ ‘ਸਪੱਸ਼ਟ ਬਾਲ ਸੋਸ਼ਣ’ ਹੈ ਅਤੇ ਉਸ ਨੇ ਹਰ ਚੀਜ਼ ਨੂੰ ਬਲਾਕ ਕਰ ਦਿਤਾ ਹੈ। ਮੈਨੂੰ ਅਪਣੀਆਂ ਆਈਆਂ ਈਮੇਲਾਂ ਵੀ ਪੜ੍ਹਨ ਨੂੰ ਨਹੀਂ ਮਿਲ ਰਹੀਆਂ। ਮੇਰਾ ਕਾਰੋਬਾਰ ਪ੍ਰਭਾਵਤ ਹੋਇਆ ਹੈ ਕਿਉਂਕਿ ਸੱਭ ਕੁੱਝ ਬਲਾਕ ਹੋ ਗਿਆ।’’

ਸ਼ੁਕਲਾ ਨੇ ਗੁਜਰਾਤ ਪੁਲਿਸ ਅਤੇ ਕੇਂਦਰ ਸਰਕਾਰ ਦੇ ਵਿਗਿਆਨ ਅਤੇ ਤਕਨਾਲੋਜੀ ਵਿਭਾਗ ਕੋਲ ਵੀ ਪਹੁੰਚ ਕੀਤੀ ਸੀ ਪਰ ਉਹ ਇਸ ’ਤੇ ਕਾਰਵਾਈ ਕਰਨ ’ਚ ਅਸਫਲ ਰਹੇ ਅਤੇ ਆਖਰਕਾਰ ਉਨ੍ਹਾਂ ਨੂੰ ਅਦਾਲਤ ਦਾ ਦਰਵਾਜ਼ਾ ਖੜਕਾਉਣਾ ਪਿਆ। ਪਟੀਸ਼ਨਕਰਤਾ ਨੇ ਇਸ ਮਾਮਲੇ ’ਚ ਤੁਰਤ ਸੁਣਵਾਈ ਦੀ ਵੀ ਮੰਗ ਕੀਤੀ ਹੈ ਕਿਉਂਕਿ ਉਸ ਨੂੰ ਗੂਗਲ ਤੋਂ ਇਕ ਨੋਟਿਸ ਮਿਲਿਆ ਹੈ, ਜਿਸ ’ਚ ਕਿਹਾ ਗਿਆ ਹੈ ਕਿ ਉਸ ਦਾ ਅਕਾਊਂਟ ਇਕ ਸਾਲ ਤੋਂ ਐਕਟਿਵ ਨਹੀਂ ਹੈ, ਜਿਸ ਕਾਰਨ ਅਪ੍ਰੈਲ ’ਚ ਡਾਟਾ ਡਿਲੀਟ ਕਰ ਦਿਤਾ ਜਾਵੇਗਾ। 

Tags: google

SHARE ARTICLE

ਏਜੰਸੀ

Advertisement

Advocate Sunil Mallan Statement on Leaders and Migrants: ਲੀਡਰਾਂ ਨੇ ਸਾਰੇ ਪ੍ਰਵਾਸੀਆਂ ਦੀਆਂ ਬਣਵਾਈਆਂ ਵੋਟਾਂ

15 Sep 2025 3:01 PM

Sukhjinder Randhawa Interview On Rahul Gandhi Punjab'S Visit In Dera Baba nanak Gurdaspur|News Live

15 Sep 2025 3:00 PM

"100 ਰੁਪਏ ਲੁੱਟ ਕੇ 2 ਰੁਪਏ ਦੇ ਕੇ ਆਖੇ ਮੈਂ ਵੱਡਾ ਦਾਨੀ, Sukhbir Badal ਨੂੰ ਸਿੱਧੇ ਹੋਏ Gurdeep Brar | SGPC

13 Sep 2025 1:07 PM

Hoshiarpur Child Muder Case : ਆਹ ਪਿੰਡ ਨਹੀਂ ਰਹਿਣ ਦਵੇਗਾ ਇੱਕ ਵੀ ਪਰਵਾਸੀ, ਜੇ ਰਹਿਣਾ ਪਿੰਡ 'ਚ ਤਾਂ ਸੁਣ ਲਓ ਕੀ.

13 Sep 2025 1:06 PM

ਕਿਸ਼ਤਾਂ 'ਤੇ ਲਿਆ New Phone, ਘਰ ਲਿਜਾਣ ਸਾਰ ਥਾਣੇ 'ਚੋਂ ਆ ਗਈ ਕਾਲ,Video ਦੇਖ ਕੇ ਤੁਹਾਡੇ ਵੀ ਉੱਡ ਜਾਣਗੇ ਹੋਸ਼

12 Sep 2025 3:27 PM
Advertisement