ਮੰਤਰਾਲਾ ਨੇ ਕਿਹਾ ਕਿ ਦੇਸ਼ ਦੇ ਅੰਦਰ ਉਡਾਨ ਭਰਨ ਵਾਲੀ ਚਾਰਟਰਡ ਫਲਾਇਟ ਨੂੰ ਡਾਇਰੇਕਟੋਰੇਟ ਜਨਰਲ ਆਫ ਸਿਵਲ ਏਵਿਏਸ਼ਨ ( ਡੀਜੀਸੀਏ ) ਵਲੋਂ ਮਨਜ਼ੂਰੀ ਲੈਣ ਦੀ ਲੋੜ ਨਹੀਂ ਹੈ
ਨਵੀਂ ਦਿੱਲੀ . ਜਨਤਾ ਦਲ ਸੇਕੁਲਰ (ਜੇਡੀਏਸ) ਨੇ ਦੋਸ਼ ਲਗਾਇਆ ਹੈ ਕਿ ਉਸਦੇ ਵਿਧਾਇਕਾਂ ਨੂੰ ਜਹਾਜ਼ ਤੋਂ ਕੇਰਲ ਲੈ ਜਾਣ ਦੀ ਇਜਾਜਤ ਨਹੀਂ ਦਿਤੀ ਗਈ । ਹਾਲਾਂਕਿ , ਹਵਾਵਾਜੀ ਮੰਤਰਾਲਾ ਨੇ ਇਸ ਮਾਮਲੇ ਦੀ ਰਿਪੋਰਟ ਮੰਗੀ ਹੈ । ਮੰਤਰਾਲਾ ਨੇ ਕਿਹਾ ਕਿ ਦੇਸ਼ ਦੇ ਅੰਦਰ ਉਡਾਨ ਭਰਨ ਵਾਲੀ ਚਾਰਟਰਡ ਫਲਾਇਟ ਨੂੰ ਡਾਇਰੇਕਟੋਰੇਟ ਜਨਰਲ ਆਫ ਸਿਵਲ ਏਵਿਏਸ਼ਨ ( ਡੀਜੀਸੀਏ ) ਵਲੋਂ ਮਨਜ਼ੂਰੀ ਲੈਣ ਦੀ ਲੋੜ ਨਹੀਂ ਹੈ ।
JDS
ਦੱਸ ਦੇਈਏ ਕਿ ਕਰਨਾਟਕ ਵਿਚ ਭਾਜਪਾ ਨੂੰ ਸ਼ਨੀਵਾਰ ਸ਼ਾਮ 4 ਵਜੇ ਬਹੁਮਤ ਸਾਬਤ ਕਰਨਾ ਹੈ । ਜੇਡੀਐਸ ਅਤੇ ਕਾਂਗਰਸ ਨੇ ਦੋਸ਼ ਲਗਾਇਆ ਕਿ ਉਨ੍ਹਾਂ ਦੇ ਵਿਧਾਇਕਾਂ ਨੂੰ ਕੋਚੀ ਲੈ ਜਾਣ ਵਾਲੀਆਂ ਤਿੰਨ ਉਡਾਣਾਂ ਨੂੰ ਡੀਜੀਸੀਏ ਨੇ ਆਖਰੀ ਪਲਾਂ ਵਿਚ ਮਨਜ਼ੂਰੀ ਨਹੀਂ ਦਿਤੀ ।
JDS
ਮੰਤਰਾਲਾ ਨੇ ਆਰੋਪਾਂ ਨੂੰ ਖਾਰਿਜ ਕੀਤਾ
- ਮੰਤਰਾਲਾ ਦੇ ਇਕ ਅਧਿਕਾਰੀ ਨੇ ਵੀਰਵਾਰ ਰਾਤ ਕਾਂਗਰਸ - ਜੇਡੀਏਸ ਦੇ ਉਨ੍ਹਾਂ ਆਰੋਪਾਂ ਨੂੰ ਖਾਰਿਜ ਕਰ ਦਿਤਾ, ਜਿਸ ਵਿਚ ਉਡਾਣਾਂ ਨੂੰ ਮਨਜ਼ੂਰੀ ਨਾ ਦਿਤੇ ਜਾਣ ਦੀ ਗੱਲ ਕਹੀ ਗਈ ਸੀ ।
- ਹਵਾਬਾਜ਼ੀ ਰਾਜ ਮੰਤਰੀ ਜਯੰਤ ਸਿਨਹਾ ਨੇ ਸ਼ੁੱਕਰਵਾਰ ਸਵੇਰੇ ਟਵੀਟ ਕੀਤਾ, "ਘਰੇਲੂ ਚਾਰਟਰਡ ਫਲਾਇਟ ਨੂੰ ਉਡਾਨ ਭਰਨ ਲਈ ਡੀਜੀਸੀਏ ਦੀ ਮਨਜ਼ੂਰੀ ਦੀ ਜ਼ਰੂਰਤ ਨਹੀਂ ਹੈ । ਏਅਰ ਟਰੈਫਿਕ ਕੰਟਰੋਲ ਵਲੋਂ ਉਡਾਨ ਦੇ ਪਰੋਗਰਾਮ ਨੂੰ ਮਨਜ਼ੂਰੀ ਮਿਲਣ ਦੇ ਬਾਅਦ ਉਹ ਕਿਤੇ ਵੀ ਜਾਣ ਲਈ ਆਜ਼ਾਦ ਹੈ । ਅਸੀਂ ਇਸ ਮਾਮਲੇ ਵਿਚ ਐਤਵਾਰ ਤੱਕ ਪੂਰੀ ਰਿਪੋਰਟ ਹਾਸਲ ਕਰ ਲਵਾਂਗੇ ਅਤੇ ਫਿਰ ਪੂਰੀ ਜਾਣਕਾਰੀ ਦੇਵਾਂਗੇ ।
Rahul Gandhi
ਜੇਡੀਐਸ ਨੇ ਆਰੋਪ ਲਗਾਉਂਦੇ ਹੋਏ ਕਿਹਾ, "ਫਲਾਇਟ ਕੰਫਰਮ ਸੀ, ਆਖਰੀ ਵਕਤ ਸਾਨੂੰ ਇਜਾਜਤ ਨਹੀਂ ਦਿਤੀ ਗਈ ਸੀ, ਤਦ ਪਰੇਸ਼ਾਨੀ ਆ ਗਈ। ਸਾਡੀ ਯੋਜਨਾ ਵਿਧਾਇਕਾਂ ਨੂੰ ਲੈ ਕੇ ਜਾਣ ਦੀ ਸੀ, ਪਰ ਤੁਸੀ ਵੇਖ ਹੀ ਰਹੇ ਹੋ ਕਿ ਉਹ (ਭਾਜਪਾ) ਕੀ-ਕੀ ਕਰ ਰਹੇ ਹਨ ।
JDS
ਜ਼ਿਕਰਯੋਗ ਹੈ ਕਿ ਵਿਧਾਇਕਾਂ ਦੀ ਖਰੀਦ - ਫਰੋਖਤ ਤੋਂ ਬਚਾਉਣ ਲਈ ਕਾਂਗਰਸ ਨੇ ਸ਼ੁੱਕਰਵਾਰ ਨੂੰ ਅਪਣੇ ਵਿਧਾਇਕ ਬੰਗਲੁਰੂ ਦੇ ਇਗਲਟਨ ਰਿਜਾਰਟ ਵਿਚ ਭੇਜੇ ਸਨ । ਜੇਡੀਐਸ ਵਿਧਾਇਕ ਹੋਟਲ ਸ਼ਾਂਗਰੀ ਲਿਆ ਵਿਚ ਰੋਕੇ ਗਏ । ਇਸ ਵਿਚ ਕੁੱਝ ਵਿਧਾਇਕਾਂ ਦੇ ਲਾਪਤਾ ਹੋਣ ਦੀ ਚਰਚਾ ਵੀ ਰਹੀ । ਕਾਂਗਰਸ ਦੇ 2 ਵਿਧਾਇਕ ਰਿਜਾਰਟ ਨਹੀਂ ਪੁੱਜੇ ਸਨ । ਖਬਰ ਇਹ ਵੀ ਆਈ ਸੀ ਕਿ ਕਾਂਗਰਸੀ ਵਿਧਾਇਕਾਂ ਨੂੰ ਕੋਚੀ ਲੈ ਜਾਣ ਵਾਲੀ ਤਿੰਨ ਚਾਰਟਰਡ ਫਲਾਇਟ ਨੂੰ ਉੱਡਣ ਦੀ ਮਨਜ਼ੂਰੀ ਨਹੀਂ ਦਿਤੀ ਗਈ ।
Narendera modi
ਤੁਹਾਨੂੰ ਦਸ ਦੇਈਏ ਕਿ ਕਰਨਾਟਕ ਵਿਚ ਅਜੇ ਭਾਜਪਾ ਦੇ ਕੋਲ 104 ,ਕਾਂਗਰਸ ਦੇ ਕੋਲ 78 ਅਤੇ ਜੇਡੀਐਸ+ਬਸਪਾ ਦੇ ਕੋਲ 38 ਵਿਧਾਇਕ ਹਨ । ਜਦਕਿ ਬਹੁਮਤ ਲਈ 112 ਸੀਟਾਂ ਦਾ ਹੋਣਾ ਜਰੂਰੀ ਹੈ । ਰਾਜਪਾਲ ਨੇ ਭਾਜਪਾ ਨੂੰ ਮੌਕਾ ਦਿਤਾ ਸੀ । ਜਿਸਦੇ ਚਲਦੇ ਇਸਦੇ ਵਿਰੋਧ ਤਹਿਤ ਕਾਂਗਰਸ ਅੱਧੀ ਰਾਤ ਨੂੰ ਸੁਪ੍ਰੀਮ ਕੋਰਟ ਪਹੁੰਚੀ ਸੀ । ਪਰ ਕੋਰਟ ਨੇ ਸਹੁੰ 'ਤੇ ਰੋਕ ਲਗਾਉਣ ਤੋਂ ਇਨਕਾਰ ਕਰ ਦਿਤਾ ਸੀ |
