'ਪੜ੍ਹਾਈ ਵੀ ਵਿਆਹ ਜਿੰਨੀ ਜ਼ਰੂਰੀ'

ਝਾਂਸੀ: ਯੂਪੀ ਦੇ ਝਾਂਸੀ ਜ਼ਿਲ੍ਹੇ ਦੇ ਇਕ ਪਿੰਡ ਵਿਚ ਲਾੜੀ ਨੇ ਵਿਆਹ ਤੋਂ ਪਹਿਲਾਂ ਆਪਣੀ ਪੜ੍ਹਾਈ ਨੂੰ ਪਹਿਲ ਦਿਤੀ ਅਤੇ ਵਿਆਹ ਦੀਆਂ ਰਸਮਾਂ ਵਿਚਾਲੇ ਛੱਡ ਕੇ ਪ੍ਰੀਖਿਆ ਦੇਣ ਲਈ ਕਾਲਜ ਪਹੁੰਚੀ।  ਪੇਪਰ ਦੇਣ ਤੋਂ ਬਾਅਦ ਵਾਪਸ ਲਾੜੀ ਨੇ ਵਿਆਹ ਦੀਆਂ ਰਸਮਾਂ ਪੂਰੀਆਂ ਕੀਤੀਆਂ ਅਤੇ ਫਿਰ ਪਰਿਵਾਰਕ ਮੈਂਬਰਾਂ ਨੇ ਲਾੜੀ ਨੂੰ ਵਿਦਾ ਕੀਤਾ। ਲਾੜੀ ਦੇ ਇਸ ਫ਼ੈਸਲੇ ਦੀ ਹਰ ਕੋਈ ਤਾਰੀਫ ਕਰ ਰਿਹਾ ਹੈ।

ਇਹ ਵੀ ਪੜ੍ਹੋ: ਲੁਧਿਆਣਾ 'ਚ ਜ਼ਮੀਨ ਪਿੱਛੇ ਛੋਟੇ ਭਰਾ ਨੇ ਕੀਤਾ ਵੱਡੇ ਭਰਾ ਦਾ ਕਤਲ 

ਦਰਅਸਲ ਝਾਂਸੀ ਜ਼ਿਲ੍ਹੇ ਦੇ ਡੋਂਗਰੀ ਪਿੰਡ ਦੀ ਰਹਿਣ ਵਾਲੀ ਕ੍ਰਿਸ਼ਨਾ ਰਾਜਪੂਤ ਨਾਂ ਦੀ ਲਾੜੀ ਦਾ ਵਿਆਹ ਬਬੀਨਾ ਨਿਵਾਸੀ ਲਾੜੇ ਯਸ਼ਪਾਲ ਸਿੰਘ ਨਾਲ ਤੈਅ ਹੋਇਆ ਸੀ। ਇਸ ਤੋਂ ਪਹਿਲਾਂ ਦੋਵਾਂ ਦੇ ਵਿਆਹ ਦੀ ਤਰੀਕ 4 ਮਈ ਸੀ। ਹਾਲਾਂਕਿ, ਚੋਣਾਂ ਦੇ ਕਾਰਨ, ਵਿਆਹ ਦੀ ਤਰੀਕ 15 ਮਈ ਕਰ ਦਿਤੀ ਗਈ ਸੀ। ਬਾਅਦ ਵਿਚ ਕਾਲਜ ਵਾਲਿਆਂ ਨੇ ਕ੍ਰਿਸ਼ਨ ਨੂੰ ਫੋਨ ਕਰਕੇ ਕਿਹਾ ਕਿ ਉਸ ਦਾ ਬੀਏ ਤੀਜੇ ਸਾਲ ਦਾ ਪੇਪਰ 16 ਮਈ ਨੂੰ ਹੈ। ਇਸ ਸਭ ਦੇ ਵਿਚਕਾਰ, ਕ੍ਰਿਸ਼ਨਾ ਦੇ ਵਿਆਹ ਦੀ ਤਰੀਕ ਨੇੜੇ ਆ ਗਈ ਅਤੇ 15 ਮਈ ਨੂੰ ਉਸਦੇ ਪਰਿਵਾਰਕ ਮੈਂਬਰਾਂ ਨੇ ਉਸਦੇ ਵਿਆਹ ਦੀ ਬਰਾਤ ਦਾ ਸਵਾਗਤ ਕੀਤਾ।

ਇਹ ਵੀ ਪੜ੍ਹੋ: ਹਾਈਕੋਰਟ ਨੇ ਪੰਜਾਬ ਪੁਲਿਸ ਨੂੰ ਲਾਈ ਫਟਕਾਰ, ਕਿਹਾ-ਤੁਹਾਡਾ ਕੰਮ ਟ੍ਰੈਫਿਕ ਦਾ ਪ੍ਰਬੰਧ ਕਰਨਾ ਹੈ, ਗੱਡੀਆਂ ਰੋਕ ਕੇ ਦਸਤਾਵੇਜ਼ ਚੈੱਕ ਕਰਨਾ ਨਹੀਂ 

16 ਮਈ ਦੀ ਸਵੇਰ ਤੋਂ ਕ੍ਰਿਸ਼ਨਾ ਦੇ ਵਿਆਹ ਦੀਆਂ ਰਸਮਾਂ ਚੱਲ ਰਹੀਆਂ ਸਨ। ਇਸ ਦੌਰਾਨ ਉਸ ਨੇ ਰਸਮਾਂ ਵਿਚਾਲੇ ਰੋਕ ਕੇ ਕਾਲਜ ਜਾ ਕੇ ਬੀਏ ਫਾਈਨਲ ਦੀ ਪ੍ਰੀਖਿਆ ਦੇਣ ਦੀ ਗੱਲ ਕੀਤੀ। ਪਹਿਲਾਂ ਤਾਂ ਪਰਿਵਾਰ ਵਾਲੇ ਹੈਰਾਨ ਰਹਿ ਗਏ, ਫਿਰ ਸਭ ਨੇ ਹਾਮੀ ਭਰੀ ਅਤੇ ਫਿਰ ਕ੍ਰਿਸ਼ਨਾ ਵਿਆਹ ਦੇ ਵਿਚਕਾਰ ਪ੍ਰੀਖਿਆ ਦੇਣ ਲਈ ਕਾਲਜ ਪਹੁੰਚੀ। ਇਥੇ ਲਾੜਾ ਆਪਣੀ ਲਾੜੀ ਦੇ ਵਾਪਸ ਆਉਣ ਦਾ ਇੰਤਜ਼ਾਰ ਕਰਦਾ ਰਿਹਾ। ਕੁਝ ਘੰਟਿਆਂ ਬਾਅਦ, ਕ੍ਰਿਸ਼ਨਾ ਪ੍ਰੀਖਿਆ ਦੇ ਕੇ ਘਰ ਪਰਤੀ ਅਤੇ ਫਿਰ ਵਿਆਹ ਦੀਆਂ ਬਾਕੀ ਰਸਮਾਂ ਦੇ ਨਾਲ ਸੱਤ ਫੇਰੇ ਪੂਰੇ ਹੋਏ।

ਕ੍ਰਿਸ਼ਨਾ ਦੇ ਕਾਲਜ ਸਵਾਮੀ ਵਿਵੇਕਾਨੰਦ ਮਹਾਵਿਦਿਆਲਿਆ ਦੇ ਪ੍ਰਿੰਸੀਪਲ ਸ਼ਿਆਮਜੀ ਮਿਸ਼ਰਾ ਦਾ ਕਹਿਣਾ ਹੈ ਕਿ ਜਦੋਂ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਵਿਦਿਆਰਥੀ ਕ੍ਰਿਸ਼ਨਾ ਦਾ ਇਮਤਿਹਾਨ ਵਾਲੇ ਦਿਨ ਵਿਆਹ ਹੈ ਤਾਂ ਉਨ੍ਹਾਂ ਨੇ ਆਪਣੇ ਪਰਿਵਾਰਕ ਮੈਂਬਰਾਂ ਨੂੰ ਸਮਝਾਇਆ ਤਾਂ ਕਾਫੀ ਮੁਸ਼ਕਲਾਂ ਤੋਂ ਬਾਅਦ ਪਰਿਵਾਰ ਪੇਪਰ ਦਿਵਾਉਣ ਲਈ ਰਾਜ਼ੀ ਹੋਏ। ਸਾਨੂੰ ਖੁਸ਼ੀ ਹੈ ਕਿ ਵਿਦਿਆਰਥਣ ਦਾ ਪੇਪਰ ਮਿਸ ਨਹੀਂ ਹੋਇਆ ਹੈ।