ਫੇਸਬੁੱਕ ਥਾਰਡ ਪਾਰਟੀ ਫੈਕਟ ਚੈਕਿੰਗ ਪ੍ਰੋਗਰਾਮ ਦੀ ਸ਼ੁਰੂਆਤ ਕਰਨ ਜਾ ਰਹੀ ਹੈ ਜਿਸ 'ਚ ਸਿਹਤ ਨਾਲ ਜੁੜੀਆਂ ਗਲਤ ਜਾਣਕਾਰੀਆਂ ਨੂੰ ਦੂਰ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ
ਨਵੀਂ ਦਿੱਲੀ-ਭਾਰਤ 'ਚ ਕੋਰੋਨਾ ਇਨਫੈਕਸ਼ਨ ਦੌਰਾਨ ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਅਤੇ ਇਸ ਮਹਾਮਾਰੀ ਨਾਲ ਜੁੜੀਆਂ ਗਲਤਫਹਿਮੀਆਂ ਨੂੰ ਦੂਰ ਕਰਨ ਲਈ ਫੇਸਬੁੱਕ ਵੱਡੀ ਪਹਿਲ ਕਰਨ ਜਾ ਰਹੀ ਹੈ। ਫੇਸਬੁੱਕ ਥਾਰਡ ਪਾਰਟੀ ਫੈਕਟ ਚੈਕਿੰਗ ਪ੍ਰੋਗਰਾਮ ਦੀ ਸ਼ੁਰੂਆਤ ਕਰਨ ਜਾ ਰਹੀ ਹੈ ਜਿਸ 'ਚ ਸਿਹਤ ਨਾਲ ਜੁੜੀਆਂ ਗਲਤ ਜਾਣਕਾਰੀਆਂ ਨੂੰ ਦੂਰ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।
ਹਾਲਾਂਕਿ ਵਟਸਐਪ 'ਤੇ ਵੀ ਚੈਟਿੰਗ ਦੌਰਾਨ ਲੋਕ ਬਿਨਾਂ ਜਾਂਚ ਕੀਤੇ ਸੰਦੇਸ਼ ਨੂੰ ਅੱਗੇ ਭੇਜ ਦਿੰਦੇ ਹਨ ਭਾਵੇਂ ਉਹ ਗਲਤ ਹੀ ਕਿਉਂ ਨਾ ਹੋਵੇ। ਭਾਰਤ 'ਚ ਜਿਵੇਂ-ਜਿਵੇਂ ਕੋਰੋਨਾ ਦਾ ਕਹਿਰ ਵਧਿਆ ਉਸ ਤਰ੍ਹਾਂ ਲੋਕਾਂ ਦੇ ਮੰਨਾਂ 'ਚ ਕਾਫੀ ਖਦਸ਼ੇ ਵੀ ਪੈਦਾ ਹੋਏ। ਕਿਤੇ ਲੋਕ ਕੋਰੋਨਾ ਦੀ ਪੂਜਾ ਕਰ ਰਹੇ ਹਨ ਤਾਂ ਕਿਤੇ ਇਸ ਦਾ ਮੰਦਿਰ ਬਣ ਗਿਆ ਹੈ।ਦਰਅਸਲ ਫੇਸਬੁੱਕ ਨੇ ਸਿਹਤ ਨਾਲ ਜੁੜੀਆਂ ਸਮੱਸਿਆਵਾਂ ਨੂੰ ਦੂਰ ਕਰਨ ਲਈ 'ਦਿ ਹੈਲਥੀ ਇੰਡੀਅਨ ਪ੍ਰੋਜੈਕਟ' (THIP) ਭਾਵ ਥਿਪ ਨਾਲ ਸਾਂਝੇਦਾਰੀ ਕੀਤੀ ਹੈ।
ਇਹ ਵੀ ਪੜ੍ਹੋ-'ਜਿਹੜੀ ਸਰਕਾਰ ਅਧਿਆਪਕਾਂ ਦਾ ਮਾਣ ਸਨਮਾਨ ਨਹੀਂ ਕਰ ਸਕਦੀ, ਉਸ ਸਰਕਾਰ ਦਾ ਪਤਨ ਹੋਣਾ ਨਿਸ਼ਚਿਤ'
ਇਹ ਹਿੰਦੀ, ਅੰਗ੍ਰੇਜ਼ੀ, ਬੰਗਾਲੀ, ਪੰਜਾਬੀ ਅਤੇ ਗੁਜਰਾਤੀ ਭਾਸ਼ਾ 'ਚ ਲੋਕਾਂ ਨੂੰ ਦਵਾਈ, ਡਾਈਟ ਅਤੇ ਇਲਾਜ ਦੇ ਬਾਰੇ 'ਚ ਜਾਣਕਾਰੀ ਦੇਵੇਗਾ। ਥਿਪ ਭਾਰਤ 'ਚ ਫੇਸਬੁੱਕ ਦਾ ਪਹਿਲਾਂ ਹੈਲਥ ਸਪੈਸ਼ਲਿਸਟ ਪਾਰਟਨਰ ਹੈ। ਥਿਪ ਅਨੁਭਵੀ ਅਤੇ ਵੈਰੀਫਾਈਡ ਡਾਕਟਰਾਂ ਦੀ ਮਦਦ ਨਾਲ ਫੈਕਟ ਚੈਕਿੰਗ ਕਰੇਗਾ ਅਤੇ ਗੁੰਮਰਾਹ ਕਰਨ ਵਾਲੀਆਂ ਖਬਰਾਂ ਅਤੇ ਗਲਤ ਦਾਅਵਿਆਂ ਤੋਂ ਯੂਜ਼ਰਸ ਨੂੰ ਦੂਰ ਰੱਖੇਗਾ।
ਇਹ ਵੀ ਪੜ੍ਹੋ-ਨੋਵਾਵੈਕਸ ਦੇ ਟੀਕੇ ਦਾ ਜੁਲਾਈ ਤੋਂ ਬੱਚਿਆਂ 'ਤੇ ਟਰਾਇਲ ਸ਼ੁਰੂ ਕਰ ਸਕਦੀ ਹੈ ਸੀਰਮ ਇੰਸਟੀਚਿਊਟ
Social media giant @Facebook is expanding its third-party fact-checking programme, as it partners with The Healthy Indian Project (@ThipMedia), to combat misinformation related to #COVID19 & other health issues. pic.twitter.com/iYilYyEn52
— Digital India (@_DigitalIndia) June 17, 2021
ਫੇਸਬੁੱਕ ਅਤੇ ਇੰਸਟਾਗ੍ਰਾਮ ਨੇ ਕੋਰੋਨਾ ਮਹਾਮਾਰੀ ਦੌਰਾਨ 1.2 ਕਰੋੜ ਫਰਜ਼ੀ ਖਬਰਾਂ ਨੂੰ ਥਰਡ ਪਾਰਟੀ ਫੈਕਟ ਚੈਕਰਸ ਰਾਹੀਂ ਹਟਾਈਆਂ ਸਨ। ਪੂਰੀ ਦੁਨੀਆ 'ਚ ਫੇਸਬੁੱਕ ਲਗਭਗ 80 ਫੈਕਟ ਚੈਕਿੰਗ ਸਹਿਯੋਗੀਆਂ ਨਾਲ ਮਿਲ ਕੇ 60 ਤੋਂ ਵਧੇਰੇ ਭਾਸ਼ਾਵਾਂ 'ਚ ਕੰਟੈਂਟ 'ਤੇ ਨਿਗਰਾਨੀ ਰੱਖਦਾ ਹੈ ਅਤੇ ਗਲਤ ਜਾਣਕਾਰੀ ਦੇਣ ਵਾਲਿਆਂ ਨੂੰ ਪਲੇਟਫਾਰਮ 'ਤੇ ਹਟਾਉਂਦਾ ਹੈ।
ਇਹ ਵੀ ਪੜ੍ਹੋ-ਖਾਤਾਧਾਰਕਾਂ ਨੂੰ ਵੱਡੀ ਰਾਹਤ, EPFO ਨੇ ਆਧਾਰ ਨੂੰ UAN ਨਾਲ ਲਿੰਕ ਕਰਨ ਦੀ ਵਧਾਈ ਮਿਆਦ
ਫੇਸਬੁੱਕ ਮੁਤਾਬਕ ਕੰਪਨੀ ਨੇ ਜਿਨ੍ਹਾਂ ਫੈਕਟ ਚੈਕਿੰਗ ਪਾਰਟਨਰ ਨਾਲ ਕਰਾਰ ਕੀਤਾ ਹੈ ਉਨ੍ਹਾਂ ਨੂੰ ਸੁਤੰਤਰ ਸੰਸਥਾ ਵੱਲੋਂ ਸਰਟੀਫਾਈਡ ਕੀਤਾ ਗਿਆ ਹੈ। ਹਾਲਾਂਕਿ ਫੇਸਬੁੱਕ ਨੇ ਕੋਰੋਨਾ ਵਾਇਰਸ ਦੇ ਇਲਾਜ ਨਾਲ ਜੁੜੇ ਵਿਗਿਆਪਨਾਂ 'ਤੇ ਪਾਬੰਦੀ ਲੱਗਾ ਦਿੱਤੀ ਹੈ ਅਤੇ ਨਾਲ ਹੀ ਕੰਪਨੀ ਨਵਾਂ ਐਲਗੋਰਿਦਮ ਵੀ ਇਸਤੇਮਾਲ ਕਰ ਰਹੀ ਹੈ।