Advertisement

ਅਯੋਧਿਆ ਮਾਮਲਾ ‘ਤੇ ਦੋਨੇ ਪੱਖਾਂ ਨੇ ਦੱਸੀ ਬਹਿਸ ਦੀ ਡੈਡਲਾਈਨ, ਨਵੰਬਰ ‘ਚ ਆ ਸਕਦੈ ਫ਼ੈਸਲਾ

ਸਪੋਕਸਮੈਨ ਸਮਾਚਾਰ ਸੇਵਾ | Edited by : ਗੁਰਬਿੰਦਰ ਸਿੰਘ
Published Sep 18, 2019, 1:52 pm IST
Updated Sep 18, 2019, 1:52 pm IST
ਰਾਮ ਮੰਦਰ ਤੇ ਬਾਬਰੀ ਮਸਜਿਦ ਮਾਮਲੇ ਦੀ ਸੁਪਰੀਮ ਕੋਰਟ ਵਿੱਚ ਨਿਯਮਿਤ ਸੁਣਵਾਈ ਹੋ ਰਹੀ ਹੈ...
Supreme Court
 Supreme Court

ਨਵੀਂ ਦਿੱਲੀ:  ਰਾਮ ਮੰਦਰ ਤੇ ਬਾਬਰੀ ਮਸਜਿਦ ਮਾਮਲੇ ਦੀ ਸੁਪਰੀਮ ਕੋਰਟ ਵਿੱਚ ਨਿਯਮਿਤ ਸੁਣਵਾਈ ਹੋ ਰਹੀ ਹੈ। ਬੁੱਧਵਾਰ ਨੂੰ ਸੁਣਵਾਈ ਦੌਰਾਨ ਦੋਨਾਂ ਪੱਖਾਂ ਨੇ ਤਕਰਾਰ ਪੂਰੀ ਕਰਨ ਲਈ 18 ਅਕਤੂਬਰ ਦੀ ਸਹੀ ਸਮਾਂ ਦੱਸਿਆ।  ਜਿਸ ਤੋਂ ਬਾਅਦ ਮੁੱਖ ਜੱਜ (ਸੀਜੇਆਈ) ਰੰਜਨ ਗੋਗੋਈ ਨੇ ਕਿਹਾ ਕਿ ਬਹਿਸ ਪੂਰੀ ਹੋਣ ਤੋਂ ਬਾਅਦ ਸਾਨੂੰ ਫੈਸਲਾ ਲਿਖਣ ਲਈ ਚਾਰ ਹਫਤਿਆਂ ਦਾ ਸਮਾਂ ਲੱਗੇਗਾ। ਸੀਜੇਆਈ ਨੇ ਕਿਹਾ, ਮਾਮਲੇ ‘ਚ ਸੁਣਵਾਈ ਖ਼ਤਮ ਕਰਨ ਲਈ ਅਸਥਾਈ ਤਰੀਕਾ ਦੇ ਹਿਸਾਬ ਦੇ ਅਨੁਸਾਰ, ਅਸੀਂ ਕਹਿ ਸਕਦੇ ਹਾਂ ਕਿ 18 ਅਕਤੂਬਰ ਤੱਕ ਸਾਰੀ ਬਹਿਸ ਪੂਰੀ ਹੋਣ ਦੀ ਸੰਭਾਵਨਾ ਹੈ।

Supreme CourtSupreme Court

ਅਦਾਲਤ ਨੇ ਕਿਹਾ ਕਿ ਅਯੋਧਿਆ ਮਾਮਲੇ ਦੀ ਸੁਣਵਾਈ ਬਹੁਤ ਅੱਗੇ ਪਹੁੰਚ ਗਈ ਹੈ।  ਇਸ ਲਈ ਰੋਜਾਨਾ ਦੇ ਆਧਾਰ ‘ਤੇ ਕਾਰਵਾਈ ਜਾਰੀ ਰਹੇਗੀ। ਦੋ ਪੱਖਾਂ ਨੇ ਅਦਾਲਤ ਤੋਂ ਮਾਮਲੇ ਨੂੰ ਵਿਚੋਲਗੀ ਪੈਨਲ ਦੇ ਕੋਲ ਭੇਜਣ ਲਈ ਪੱਤਰ ਲਿਖਿਆ ਹੈ। ਜਿਸ ‘ਤੇ ਅਦਾਲਤ ਨੇ ਕਿਹਾ ਕਿ  ਜੇਕਰ ਪੱਖ ਵਿਚੋਲਗੀ ਦੇ ਜ਼ਰੀਏ ਅਯੋਧਿਆ ਮਾਮਲਾ ਸੁਲਝਾਉਣ ਦੇ ਇੱਛਕ ਹਨ,  ਤਾਂ ਉਹ ਅਜਿਹਾ ਕਰ ਸਕਦੇ ਹਨ। ਉੱਚ ਅਦਾਲਤ ਦੇ ਸਾਬਕਾ ਜੱਜ ਐਫ਼.ਐਮ ਆਈ ਕਲੀਫੁੱਲਾ ਦੀ ਅਗਵਾਈ ਵਿੱਚ ਤਿੰਨ ਮੈਂਬਰੀ ਵਿਚੋਲਗੀ ਪੈਨਲ ਦੇ ਸਾਹਮਣੇ ਹੋ ਰਹੀ ਸੁਣਵਾਈ ਗੁਪਤ ਰਹੇਗੀ।

Babri MasjidBabri Masjid

ਅਦਾਲਤ ਨੇ ਇਹ ਸਾਫ਼ ਕਰ ਦਿੱਤਾ ਕਿ ਵਿਚੋਲਗੀ ਦੇ ਹੰਭਲਿਆਂ ਲਈ ਮਾਮਲੇ ਦੀ ਸੁਣਵਾਈ ਨੂੰ ਰੋਕਿਆ ਨਹੀਂ ਜਾਵੇਗਾ। ਸੁਣਵਾਈ ਦੇ ਨਾਲ ਹੀ ਸਮਾਂਤਰ ਰੂਪ ਤੋਂ ਵਿਚੋਲਗੀ ਦੀਆਂ ਕੋਸ਼ਿਸ਼ਾਂ ਜਾਰੀ ਰਹਿ ਸਕਦੀਆਂ ਹਨ। ਸੀਜੇਆਈ ਨੇ ਬਹਿਸ ਲਈ ਡੇਡਲਾਇਨ ਤੈਅ ਕਰ ਦਿੱਤੀ ਹੈ। ਜਿਸਦੇ ਨਾਲ ਮੰਨਿਆ ਜਾ ਰਿਹਾ ਹੈ ਕਿ ਦੇਸ਼ ਦੇ ਰਾਜਨੀਤਕ ਅਤੇ ਸੰਵੇਦਨਸ਼ੀਲ ਮਾਮਲੇ ‘ਤੇ ਛੇਤੀ ਫੈਸਲਾ ਆ ਸਕਦਾ ਹੈ।  ਸੀਜੇਆਈ ਗੋਗੋਈ 17 ਨਵੰਬਰ ਨੂੰ ਸੇਵਾਮੁਕਤ ਹੋਣ ਵਾਲੇ ਹਨ। ਅਜਿਹੇ ‘ਚ ਲੱਗ ਰਿਹਾ ਹੈ ਸੇਵਾ ਮੁਕਤੀ ਤੋਂ ਪਹਿਲਾਂ ਉਹ ਇਸ ਮਾਮਲੇ ‘ਤੇ ਫੈਸਲੇ ਦੇ ਸਕਦੇ ਹੈ।

Ram MandirRam Mandir

ਕੇਵਲ ਇੰਨਾ ਹੀ ਨਹੀਂ ਉੱਚ ਅਦਾਲਤ ਨੇ ਰੋਜਾਨਾ ਸੁਣਵਾਈ ਦਾ ਇੱਕ ਘੰਟਾ ਵਧਾਉਣ ਅਤੇ ਜ਼ਰੂਰਤ ਪੈਣ ‘ਤੇ ਸ਼ਨੀਵਾਰ ਨੂੰ ਵੀ ਸੁਣਵਾਈ ਕਰਨ ਦਾ ਸੁਝਾਅ ਦਿੱਤਾ।  ਸੀਜੇਆਈ ਨੇ ਕਿਹਾ ਕਿ 18 ਅਕਤੂਬਰ ਤੱਕ ਸਾਰੀਆਂ ਦਲੀਲਾਂ ਅਤੇ ਸੁਣਵਾਈ ਪੂਰੀ ਹੋ ਜਾਣੀ ਚਾਹੀਦੀ ਤਾਂਕਿ ਫੈਸਲਾ ਲਿਖਣ ਲਈ ਇੱਕ ਮਹੀਨੇ ਦਾ ਸਮਾਂ ਮਿਲ ਸਕੇ। ਉਨ੍ਹਾਂ ਨੇ ਕਿਹਾ ਕਿ ਸਾਨੂੰ ਵਿਚੋਲਗੀ ਲਈ ਪੱਤਰ ਮਿਲਿਆ ਹੈ। ਇਸ ਹੰਭਲਿਆਂ ਨੂੰ ਸਮਾਂਤਰ ਤੌਰ ‘ਤੇ ਜਾਰੀ ਰੱਖਿਆ ਜਾ ਸਕਦਾ ਹੈ।

Advertisement

 

Advertisement