10,000 ਫੁੱਟ ਦੀ ਉਚਾਈ ਤੋਂ ਮਾਰੀ ਛਾਲ
ਨਵੀਂ ਦਿੱਲੀ : ਇੱਕ ਪਾਸੇ ਜਿੱਥੇ ਦੇਸ਼ ਵਿੱਚ ਔਰਤਾਂ ਵਿਰੁੱਧ ਹੋ ਰਹੇ ਅਪਰਾਧ ਰੁਕਣ ਦਾ ਨਾਂ ਨਹੀਂ ਲੈ ਰਹੇ, ਉੱਥੇ ਹੀ ਦੇਸ਼ ਦਾ ਨਾਂ ਰੌਸ਼ਨ ਕਰਨ ਲਈ ਦੇਸ਼ ਦੀਆਂ ਧੀਆਂ ਕਈ ਕਾਰਨਾਮੇ ਕਰ ਰਹੀਆਂ ਹਨ, ਅਜਿਹੇ ਵਿੱਚ ਭਾਰਤੀ ਫੌਜ ਦੀ ਸਿਪਾਹੀ ਮੰਜੂ ਨੇ ਵੀ ਇਤਿਹਾਸ ਰਚਿਆ ਹੈ।
ਜੀ ਹਾਂ, ਭਾਰਤੀ ਫੌਜ ਦੀ ਬਹਾਦਰ ਲਾਂਸ ਨਾਇਕ ਮੰਜੂ ਨੇ ALH ਧਰੁਵ ਹੈਲੀਕਾਪਟਰ ਤੋਂ 10,000 ਫੁੱਟ ਦੀ ਉਚਾਈ ਤੋਂ ਛਾਲ ਮਾਰੀ ਹੈ। ਜਿਸ ਤੋਂ ਬਾਅਦ ਹੁਣ ਉਹ ਭਾਰਤੀ ਫੌਜ ਦੀ ਪਹਿਲੀ ਮਹਿਲਾ ਸੋਲਜਰ ਸਕਾਈ ਡਾਇਵਰ ਬਣ ਗਈ ਹੈ। ਜਿਸ ਦੀ ਵੀਡੀਓ ਵੀ ਸਾਹਮਣੇ ਆਈ ਹੈ।
ਦੱਸ ਦੇਈਏ ਕਿ ਮੰਜੂ ਦੇ ਇਸ ਕਾਰਨਾਮੇ ਦੀਆਂ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ। ਲੋਕ ਉਸ ਦੇ ਜਜ਼ਬੇ ਨੂੰ ਸਲਾਮ ਕਰ ਰਹੇ ਹਨ ਅਤੇ ਉਸ ਨੂੰ ਵਧਾਈ ਵੀ ਦੇ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ ਕਿ ਭਾਰਤ ਦੀ ਅਸਲੀ ਸ਼ੇਰਨੀ ਦੁਨੀਆ ਦਾ ਮੁਕਾਬਲਾ ਕਰਨ ਲਈ ਤਿਆਰ ਹੈ।
ਇਕ ਹੋਰ ਯੂਜ਼ਰ ਨੇ ਲਿਖਿਆ, ਸ਼ਾਨਦਾਰ ਮੰਜੂ। ਸਾਨੂੰ ਤੁਹਾਡੇ 'ਤੇ ਮਾਣ ਹੈ, ਤੁਹਾਡਾ ਸਵਾਗਤ ਹੈ। ਦੱਸ ਦੇਈਏ ਕਿ ਮੰਜੂ ਨੂੰ ਆਰਮੀ ਐਡਵੈਂਚਰ ਵਿੰਗ ਨੇ ਸਕਾਈ ਡਾਈਵਿੰਗ ਦੀ ਸਿਖਲਾਈ ਦਿੱਤੀ ਸੀ। ਇਸ ਦੇ ਨਾਲ ਹੀ ਉਸ ਦੇ ਸਟੰਟ ਦੌਰਾਨ ਦੋ ਪੇਸ਼ੇਵਰ ਵੀ ਮੌਜੂਦ ਸਨ। ਮੰਜੂ ਨਾਲ ਉਹਨਾਂ ਨੇ ਵੀ ਛਾਲ ਮਾਰੀ ।