ਹਾਲਾਂਕਿ ਇਸ ਨਾਲ ਭੋਜਨ ਤੇ ਮਿਲ ਰਹੀ ਸਬਸਿਡੀ ਦਾ ਭਾਰ ਵਧ ਸਕਦਾ ਹੈ।
ਨਵੀਂ ਦਿੱਲੀ: ਜਲਦ ਹੀ ਰਾਸ਼ਨ ਦੀਆਂ ਦੁਕਾਨਾਂ ਤੇ ਸਸਤੀਆਂ ਦਰਾਂ ਤੇ ਲੋਕਾਂ ਨੂੰ ਅੰਡੇ, ਮੱਛੀ, ਮੁਰਗਾ ਅਤੇ ਮੀਟ ਮਿਲ ਸਕਦਾ ਹੈ। ਨੀਤੀ ਆਯੋਗ ਇਕ ਪ੍ਰਸਤਾਵ ਤਿਆਰ ਕਰ ਰਿਹਾ ਹੈ ਜਿਸ ਦਾ ਮਕਸਦ ਹੈ ਕਿ ਗਰੀਬੀ ਰੇਖਾ ਤੋਂ ਹੇਠਾਂ ਜੀਵਨ ਜੀਉਣ ਵਾਲੇ ਲੋਕਾਂ ਨੂੰ ਸਸਤੇ ਵਿਚ ਪ੍ਰੋਟੀਨ ਦੀ ਖੁਰਾਕ ਮਿਲ ਸਕੇ।
Photoਇਹ ਪ੍ਰਸਤਾਵ ਅਗਲੇ ਸਾਲ ਪੇਸ਼ ਹੋਵੇਗਾ ਅਤੇ ਹੋ ਸਕਦਾ ਹੈ ਕਿ ਪੂਰੇ ਦੇਸ਼ ਵਿਚ ਇਕ ਅਪ੍ਰੈਲ 2020 ਤੋਂ ਲਾਗੂ ਹੋ ਜਾਵੇ। ਨੀਤੀ ਆਯੋਗ ਦੇ ਵੱਡੇ ਅਧਿਕਾਰੀਆਂ ਮੁਤਾਬਕ, ਰਾਸ਼ਨ ਦੀਆਂ ਦੁਕਾਨਾਂ ਤੇ ਜਿਹੜੀ ਕਣਕ, ਚਾਵਲ, ਜੌਂ, ਛੋਲੇ, ਦਾਲਾਂ ਅਤੇ ਚੀਨੀ ਮਿਲਦੀ ਹੈ ਉਸ ਨਾਲ ਲੋਕਾਂ ਨੂੰ ਉੱਚਿਤ ਮਾਤਰਾ ਵਿਚ ਪ੍ਰੋਟੀਨ ਦੀ ਖੁਰਾਕ ਨਹੀਂ ਮਿਲਦੀ।
Photoਇਸ ਲਈ ਗਰੀਬ ਲੋਕਾਂ ਨੂੰ ਪ੍ਰੋਟੀਨ ਦੀ ਉਚਿਤ ਖੁਰਾਕ ਮਿਲ ਸਕੇ ਇਸ ਲਈ ਇਹ ਪ੍ਰਸਤਾਵ ਤਿਆਰ ਕੀਤਾ ਗਿਆ ਹੈ। ਇਕਨਾਮਿਕ ਟਾਈਮਸ ਦੀ ਰਿਪੋਰਟ ਮੁਤਾਬਕ ਨੀਤੀ ਆਯੋਗ ਦੇ ਮੈਂਬਰ ਰਮੇਸ਼ ਚੰਦਰ ਨੇ ਕਿਹਾ ਕਿ ਹਰ 10 ਵਿਚੋਂ ਚਾਰ ਬੱਚਿਆਂ ਵਿਚ ਪ੍ਰੋਟੀਨ ਦੀ ਕਮੀ ਹੈ।
Photo ਬੱਚੇ ਜ਼ਿਆਦਾਤਰ ਜੰਕ ਫੂਡ ਦਾ ਸੇਵਨ ਕਰ ਰਹੇ ਹਨ ਜਿਸ ਵਿਚ ਤੇਲ, ਚੀਨੀ ਅਤੇ ਮਸਾਲਿਆਂ ਦੀ ਭਰਮਾਰ ਹੈ। ਹਾਲਾਂਕਿ ਜੇ ਰਾਸ਼ਨ ਦੀਆਂ ਦੁਕਾਨਾਂ ਤੇ ਅੰਡੇ, ਮੀਟ ਅਤੇ ਮੱਛੀਆਂ ਸਸਤੀਆਂ ਦਰਾਂ ਵਿਚ ਮਿਲਦੇ ਹਨ ਤਾਂ ਇਸ ਨਾਲ ਕੁਪੋਸ਼ਣ ਦੀ ਸਮੱਸਿਆ ਨਾਲ ਨਿਪਟਿਆ ਜਾ ਸਕਦਾ ਹੈ।
Photoਹਾਲਾਂਕਿ ਇਸ ਨਾਲ ਭੋਜਨ ਤੇ ਮਿਲ ਰਹੀ ਸਬਸਿਡੀ ਦਾ ਭਾਰ ਵਧ ਸਕਦਾ ਹੈ। ਹੁਣ ਸਰਕਾਰ ਨੂੰ ਸਸਤੀ ਦਰਾਂ ਤੇ ਭੋਜਨ ਵੇਚਣ ਤੇ 1.84 ਲੱਖ ਕਰੋੜ ਰੁਪਏ ਦਾ ਜ਼ਿਆਦਾ ਭਾਰ ਪੈ ਰਿਹਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
