''ਸਰਕਾਰ ਕੁੱਝ ਵੀ ਕਰ ਸਕਦੀ ਹੈ ਕਿਉਂਕਿ ਉਹਨਾਂ ਕੋਲ ਰਾਜ਼ ਹੈ''
ਨਵੀਂ ਦਿੱਲੀ:(ਚਰਨਜੀਤ ਸਿੰਘ ਸੁਰਖਾਬ) ਕੇਂਦਰ ਸਰਕਾਰ ਵੱਲੋਂ ਬਣਾਏ ਗਏ ਤਿੰਨ ਨਵੇਂ ਖੇਤੀਬਾੜੀ ਕਾਨੂੰਨਾਂ ਨੂੰ ਰੱਦ ਕਰਵਾਉਣ ਲਈ ਕਿਸਾਨਾਂ ਨੇ ਖੇਤੀ ਕਾਨੂੰਨਾਂ ਦੇ ਵਿਰੋਧ ਵਿਚ ਦਿੱਲੀ ਬਾਰਡਰ ’ਤੇ ਮੋਰਚਾ ਲਾਇਆ ਹੋਇਆ ਹੈ। ਕਿਸਾਨਾਂ ਨੂੰ ਦੇਸ਼ ਦੇ ਹਰ ਕੋਨੇ ਤੋਂ ਹਰ ਕਿੱਤੇ ਨਾਲ ਸਬੰਧਤ ਲੋਕਾਂ ਦਾ ਸਾਥ ਮਿਲ ਰਿਹਾ ਹੈ। ਇਕੱਲੇ ਪੰਜਾਬ ਦੇ ਕਿਸਾਨ ਹੀ ਨਹੀਂ ਬਲਕਿ ਹਰਿਆਣਾ ਦੇ ਕਿਸਾਨ ਵੀ ਦਿੱਲੀ ਮੋਰਚੇ ਵਿਚ ਡਟੇ ਹੋਏ ਹਨ।
Charanjit Singh Surkhab And Baljinder Singh Parwana
ਸਪੋਕਸਮੈਨ ਦੇ ਪੱਤਰਕਾਰ ਵੱਲੋਂ ਬਲਜਿੰਦਰ ਸਿੰਘ ਪਰਵਾਨਾ ਨਾਲ ਗੱਲਬਾਤ ਕੀਤੀ ਗਈ। ਬਲਜਿੰਦਰ ਸਿੰਘ ਪਰਵਾਨਾ ਨੇ ਦੱਸਿਆ ਕਿ ਸਾਡੇ ਵਰਗੇ ਲੋਕ ਧਰਮ ਦੇ ਨਾਮ ਲੈ ਕੇ ਲੋਕਾਂ ਵਿਚ ਵੰਡੀਆਂ ਪਾ ਰਹੇ ਹਾਂ ਆਪਣੇ ਫਾਇਦੇ ਲਈ ਲੋਕਾਂ ਨੂੰ ਲੜਾ ਰਹੇ ਹਾਂ ਪਰ ਅਸੀਂ ਮੋਦੀ ਦੇ ਇਸ ਉਪਰਾਲੇ ਤੋਂ ਖੁਸ਼ ਹਾਂ ਕਿ ਉਹਨਾਂ ਨੇ ਸਾਡੇ ਪੰਜਾਬ ਨੂੰ ਮਿਲਾ ਦਿੱਤਾ, ਉਹਨਾਂ ਕਿਹਾ ਕਿ ਇਸ ਅੰਦੋਲਨ ਵਿਚ ਸਾਰੇ ਧਰਮਾਂ ਦੇ ਲੋਕ ਬਿਨਾਂ ਕਿਸੇ ਭੇਦ ਭਾਵ ਤੋਂ ਇਕੱਠੇ ਹੋ ਗਏ ਹਨ।
Charanjit Singh Surkhab And Baljinder Singh Parwana
ਸਾਡਾ ਪੰਜਾਬ, ਪੰਜਾਬੀਅਤ ਇਸ ਸੰਘਰਸ਼ ਨਾਲ ਮਜ਼ਬੂਤ ਹੋਇਆ ਹੈ। ਸਾਡੀ ਨੌਜਵਾਨ ਪੀੜ੍ਹੀ ਨੂੰ ਕੰਟਰੋਲ ਕਰਨਾ ਬਹੁਤ ਮੁਸ਼ਕਿਲ ਸੀ ਪਰ ਸਾਰੇ ਜਾਨੇ ਅਨੁਸ਼ਾਸ਼ਨ ਵਿਚ ਆ ਗਏ। ਉਹਨਾਂ ਕਿਹਾ ਕਿ ਜੋ ਕਲੰਕ ਲੱਗਿਆ ਸੀ ਵੀ ਨੌਜਵਾਨ ਪੀੜ੍ਹੀ ਨੂੰ ਨਸ਼ਿਆਂ ਨੇ ਖਾ ਲਿਆ ਪਰ ਉਹ ਕਲੰਕ ਵੀ ਮੋਦੀ ਨੇ ਹਟਾ ਦਿੱਤਾ। ਤੁਸੀਂ ਵੇਖ ਹੀ ਸਕਦੇ ਹੋ ਕਿ ਕਿਸ ਤਰ੍ਹਾ ਨੌਜਵਾਨ ਪੀੜ੍ਹੀ ਵਿਚ ਜੋਸ਼ ਆਇਆ ਉਹ ਆਪਣੇ ਹੱਕਾਂ ਪ੍ਰਤੀ ਜਾਗਰੂਕ ਹੋਏ।
Charanjit Singh Surkhab And Baljinder Singh Parwana
ਇਕ ਗੱਲ ਹੋਰ ਇਸ ਸੰਘਰਸ਼ ਨੇ ਸਾਨੂੰ ਹੋਰ ਜਵਾਨ ਬਣਾ ਦਿੱਤਾ ਅਸੀਂ ਅਗਲੇ 100 ਸਾਲਾਂ ਲਈ ਸਾਡਾ ਪੰਜਾਬ ਹੋਰ ਤਕੜਾ ਹੋ ਗਿਆ। ਇਤਿਹਾਸ ਆਪਣੇ ਆਪ ਨੂੰ ਦੁਬਾਰਾ ਦੁਹਰਾ ਰਿਹਾ ਹੈ। ਉਹਨਾਂ ਕਿਹਾ ਉਹੀ ਦਿਨ ਹਨ ਜੋ ਗੁਰੂ ਗੋਬਿੰਦ ਸਿੰਘ ਪਾਤਸ਼ਾਹ ਵੇਲੇ ਠੰਢ ਦੇ ਸਨ। ਮਹਾਰਾਜ ਨੇ ਪਹਿਲਾਂ ਜਬਰ ਦਾ ਮੁਕਾਬਲਾ ਕੀਤਾ ਫਿਰ ਸਰਸਾ ਨਦੀ ਨੂੰ ਪਾਰ ਕੀਤਾ।ਚਮਕੌਰ ਦੀ ਗੜ੍ਹੀ ਵਿਚ ਆਏ। ਪਰਵਾਨਾ ਨੇ ਕਿਹਾ ਕਿ ਉਦੋਂ ਵੀ ਲੱਖਾਂ ਦਾ ਇਕੱਠ ਸੀ ਅਤੇ ਗੁਰੂ ਗੋਬਿੰਦ ਸਿੰਘ ਜੀ ਇੰਨੀ ਠੰਢ ਵਿਚ ਨੰਗੇ ਪੈਰੀਂ ਜਾ ਰਹੇ ਹਨ ਅੱਜ ਵੀ ਉਹੀਂ ਸਮਾਂ ਹੈ।
Charanjit Singh Surkhab And Baljinder Singh Parwana
ਮਹਾਰਾਜ ਜੀ ਨੇ ਪੀੜ ਪਿੱਢੇ ਤੇ ਹਿੰਢਾ ਕੇ ਕੌਮ ਨੂੰ ਨਵੀਂ ਸੇਧ ਦਿੱਤੀ ਸੀ ਅੱਜ ਉਸੇ ਪਾਤਸ਼ਾਹ ਦੀ ਔਲਾਦ ਉਸੇ ਤਰ੍ਹਾਂ ਪੀੜ ਨੂੰ ਪਿੱਢੇ ਤੇ ਹਿੰਢਾ ਕੇ ਆਉਣ ਵਾਲੇ ਹਜ਼ਾਰਾਂ ਸਾਲਾਂ ਲਈ ਕੌਮ ਨੂੰ ਚੰਗੀ ਸੇਧ ਦੇ ਕੇ ਜਾਵੇਗੀ। ਉਹਨਾਂ ਕਿਹਾ ਕਿ ਗੁਰੂ ਗੋਬਿੰਦ ਸਿੰਘ ਜੀ ਨੇ ਜ਼ਫ਼ਰਨਾਮਾ ਰਾਹੀਂ ਔਰੰਗਜ਼ੇਬ ਨੂੰ ਲਾਹਣਤਾਂ ਪਾਈਆਂ ਸੀ ਅਸੀਂ ਵੀ ਉਸ ਗੋਬਿੰਦ ਦੇ ਪੁੱਤ ਹਾਂ ਮੋਦੀ ਸਰਕਾਰੇ,ਤੇਰੇ ਵਰਗੇ ਲੱਖਾਂ ਆ ਜਾਣ ਸਾਡਾ ਸਿਰ ਨਹੀਂ ਝੁਕਣ ਵਾਲਾ।
Charanjit Singh Surkhab And Baljinder Singh Parwana
ਉਹਨਾਂ ਕਿਹਾ ਕਿ ਸਰਕਾਰ ਨੂੰ ਸਭ ਕੁੱਝ ਸਮਝ ਆ ਗਿਆ ਹੈ ਪਰ ਉਹਨਾਂ ਦੀ ਮਜ਼ਬੂਰੀ ਹੈ ਉਹ ਆਪਣਾ ਥੁੱਕ ਕੇ ਚੱਟਣਾ ਨਹੀਂ ਚਾਹੁੰਦੇ। ਉਹਨਾਂ ਕਿਹਾ ਕਿ ਲੜਾਈ ਇਕੱਲੇ ਹਥਿਆਰਾਂ ਨਾਲ ਨਹੀਂ ਲੜੀ ਜਾਂਦੀ, ਲੜਾਈ ਲਈ ਜਿਗਰਾ ਚਾਹੀਦਾ ਉਹ ਜਿਗਰਾ ਸਾਡੇ ਪੰਜਾਬੀਆਂ ਕੋਲ ਹੈ।
Charanjit Singh Surkhab And Baljinder Singh Parwana
ਪਰਵਾਨਾ ਨੇ ਕਿਹਾ ਕਿ ਸਰਕਾਰ ਕੁੱਝ ਵੀ ਕਰ ਸਕਦੀ ਹੈ ਕਿਉਂਕਿ ਉਹਨਾਂ ਕੋਲ ਰਾਜ਼ ਹੈ ਪਰ ਅਸੀਂ ਸਾਰਿਆਂ ਨੇ ਇਕ ਗੱਲ ਕਹੀ ਹੈ ਕਿ ਅਸੀਂ ਜਬਰ ਦਾ ਮੁਕਾਬਲਾ ਸਬਰ ਨਾਲ ਕਰਨਾ ਹੈ ਤੇ ਕਰ ਰਹੇ ਵੀ ਹਾਂ। ਉਹਨਾਂ ਨੇ ਕੁੱਝ ਚੈਨਲਾਂ ਦੇ ਰਿਪੋਪਟਾਂ ਨੂੰ ਨਸੀਅਤ ਵੀ ਦਿੱਤੀ ਹੈ ਕਿ ਉਹ ਗਲਤ ਢੰਗ ਨਾਲ ਵੀਡੀਓ ਨੂੰ ਨਾ ਵਿਖਾਉਣ ਉਹ ਸਾਡੇ ਜਾਂ ਸਾਡੇ ਪਰਿਵਾਰਕ ਮੈਂਬਰਾਂ ਦੇ ਹੌਸਲੇ ਨਾਲ ਤੋੜਨ।
