ਆਖ਼ਰ ਸ਼੍ਰੀ ਦੇਵੀ ਦਾ ਸਸਕਾਰ ਤਿਰੰਗੇ 'ਚ ਲਪੇਟ ਕੇ ਕਿਉਂ ਕੀਤਾ ਗਿਆ..ਰਾਜ ਠਾਕਰੇ ਨੇ ਉਠਾਏ ਸਵਾਲ

ਬਾਲੀਵੁਡ ਦੀ ਮਸ਼ਹੂਰ ਅਦਾਕਾਰਾ ਅਤੇ ਪਹਿਲੀ ਮਹਿਲਾ ਸੁਪਰਸਟਾਰ ਸ਼੍ਰੀ ਦੇਵੀ ਦੀ ਮੌਤ ਤੋਂ ਬਾਅਦ ਅਜੇ ਤਕ ਵਿਵਾਦਾਂ ਦਾ ਦੌਰ ਰੁਕ ਨਹੀਂ ਰਿਹਾ। ਜਿਥੇ ਪਹਿਲਾਂ ਉਨ੍ਹਾਂ ਦੀ ਮੌਤ ਦਾ ਵਿਵਾਦ ਅਖ਼ਬਾਰਾਂ ਦੀਆਂ ਸੁਰਖ਼ੀਆਂ ਬਣਿਆ ਰਿਹਾ ਉਥੇ ਹੀ ਸ਼੍ਰੀ ਦੇਵੀ ਦਾ ਤਿਰੰਗੇ 'ਚ ਲਪੇਟ ਕੇ ਕੀਤਾ ਗਿਆ ਸਸਕਾਰ ਵੀ ਹੁਣ ਸਿਆਸੀ ਰੰਗ ਲੈਂਦਾ ਨਜ਼ਰ ਆ ਰਿਹਾ ਹੈ।

Raj Thackeray

ਦੱਸ ਦਈਏ ਕਿ ਸ਼੍ਰੀ ਦੇਵੀ ਦੇ ਸਸਕਾਰ ਬਾਰੇ ਹੁਣ ਮਹਾਰਾਸ਼ਟਰ ਨਵਨਿਰਮਾਣ ਸੈਨਾ ਦੇ ਪ੍ਰਧਾਨ ਰਾਜ ਠਾਕਰੇ ਨੇ ਐਤਵਾਰ ਨੂੰ ਸ਼੍ਰੀ ਦੇਵੀ ਸਬੰਧੀ ਇਕ ਬਿਆਨ ਦਿਤਾ ਜਿਸ ਨਾਲ ਵਿਵਾਦ ਖੜ੍ਹਾ ਹੋ ਗਿਆ । ਰਾਜ ਠਾਕਰੇ ਨੇ ਕਿਹਾ ਕਿ ਸ਼੍ਰੀ ਦੇਵੀ ਦੀ ਮੌਤ ਸ਼ਰਾਬ ਪੀਣ ਨਾਲ ਹੋਈ ਸੀ । ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਤਿਰੰਗੇ 'ਚ ਲਪੇਟ ਕੇ ਰਾਸ਼ਟਰੀ ਸਨਮਾਨ ਦਿਤਾ ਗਿਆ,ਜੋ ਕਿ ਗ਼ਲਤ ਹੈ । 

Raj Thackeray

ਰਾਜ ਠਾਕਰੇ ਨੇ ਅਪਣੇ ਬਿਆਨ 'ਚ ਕਿਹਾ ਸ਼੍ਰੀ ਦੇਵੀ ਦੀ ਮੌਤ ਕਾਫ਼ੀ ਦੁਖਦ ਹੈ ਪਰ ਉਨ੍ਹਾਂ ਨੂੰ ਇਸ ਤਰ੍ਹਾਂ ਤਿਰੰਗੇ 'ਚ ਲਪੇਟ ਕੇ ਸਨਮਾਨਤ ਕਰਨਾ ਗ਼ਲਤ ਹੈ। ਭਾਵੇਂ ਕਿ ਉਹ ਪਦਮਸ਼੍ਰੀ ਸਨਮਾਨ ਪ੍ਰਾਪਤ ਸਨ ਪਰ ਤਿਰੰਗੇ 'ਚ ਲਪੇਟ ਕੇ ਸਸਕਾਰ ਕਰਨਾ ਸਰਕਾਰ ਦੀ ਗ਼ਲਤੀ ਸੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਵੱਡਾ ਸਵਾਲ ਸਰਕਾਰ 'ਤੇ ਚੁਕਿਆ ਕਿ ਇਹ ਸੱਭ ਉਸ ਵੇਲੇ ਹੋਇਆ ਜਦੋਂ ਨੀਰਵ ਮੋਦੀ ਦੇ ਬੈਂਕ ਘਪਲੇ ਦੀ ਚਰਚਾ ਜ਼ੋਰਾਂ 'ਤੇ ਹੋ ਰਹੀ ਸੀ। ਇਸ ਤੋਂ ਬਾਅਦ ਸ਼੍ਰੀ ਦੇਵੀ ਦਾ ਮਾਮਲਾ ਸਾਹਮਣੇ ਆਇਆ ਅਤੇ ਨੀਰਵ ਮੋਦੀ ਦਾ ਮਾਮਲਾ ਕੀਤੇ ਦਬ ਕੇ ਰਹਿ ਗਿਆ। 

Raj Thackeray

ਇਸ ਦੇ ਨਾਲ ਹੀ ਰਾਜ ਠਾਕਰੇ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਸ ਗੱਲ ਦੀ ਸਮਝ ਨਹੀਂ ਆ ਰਹੀ ਕਿ ਅਦਾਕਾਰਾ ਨੇ ਅਜਿਹਾ ਕਿਹੜਾ ਕੰਮ ਕੀਤਾ ਸੀ ਜਿਸ ਕਾਰਨ ਉਨ੍ਹਾਂ ਨੂੰ ਰਾਸ਼ਟਰੀ ਸਨਮਾਨ ਦਿਤਾ ਗਿਆ ਅਤੇ ਉਨ੍ਹਾਂ ਦਾ ਸਸਕਾਰ ਤਿਰੰਗੇ 'ਚ ਲਪੇਟ ਕੇ ਕੀਤਾ ਗਿਆ। ਉਨ੍ਹਾਂ ਕਿਹਾ ਕਿ ਭਾਵੇਂ ਸ਼੍ਰੀ ਦੇਵੀ ਨੂੰ ਪਦਮਸ਼੍ਰੀ ਐਵਾਰਡ ਮਿਲਿਆ ਹੋਇਆ ਸੀ ਪਰ ਸੱਚ ਤਾਂ ਇਹ ਹੈ ਕਿ ਉਨ੍ਹਾਂ ਦੀ ਮੌਤ ਸ਼ਰਾਬ ਕਾਰਨ ਹੋਈ ਸੀ। ਇਸ ਤਰ੍ਹਾਂ ਇਹ ਲਗਦਾ ਹੈ ਕਿ ਇਹ ਸਾਰਾ ਕੁੱਝ ਕਿਸੇ ਹੋਰ ਤੱਥ ਨੂੰ ਛੁਪਾਉਣ ਵਾਸਤੇ ਕੀਤਾ ਗਿਆ ਹੈ।