ਸੰਯੁਕਤ ਰਾਸ਼ਟਰ ਨੇ ਜਤਾਇਆ 2008 ਤੋਂ ਗੰਭੀਰ ਆਰਥਕ ਮੰਦੀ ਦਾ ਸ਼ੱਕ
ਨਵੀਂ ਦਿੱਲੀ: ਮਹਾਮਾਰੀ ਐਲਾਨੇ ਗਏ ਕੋਰੋਨਾ ਵਾਇਰਸ ਦੇ ਚਲਦਿਆਂ ਦੁਨੀਆ ਭਰ ਵਿਚ ਅਰਥ ਵਿਵਸਥਾ ਵੀ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋ ਰਹੀ ਹੈ। ਸੰਯੁਕਤ ਰਾਸ਼ਟਰ ਦੇ ਮੁਤਾਬਕ ਆਉਣ ਵਾਲੇ ਦਿਨਾਂ ਵਿਚ ਇਸ ਬਿਮਰੀ ਦੇ ਚਲਦਿਆਂ 2.5 ਕਰੋੜ ਲੋਕਾਂ ਦੀਆਂ ਨੌਕਰੀਆਂ ਜਾਣ ਦਾ ਖਤਰਾ ਹੈ।
Photo
ਸੰਯੁਕਤ ਰਾਸ਼ਟਰ ਦੀ ਸੰਸਥਾ ਇੰਟਰਨੈਸ਼ਨਲ ਲੇਬਰ ਆਰਗੇਨਾਈਜ਼ੇਸ਼ਨ ਨੇ ਅਪਣੀ ਰਿਪੋਰਟ ਵਿਚ ਕਿਹਾ ਹੈ ਕਿ ਅੰਤਰਰਾਸ਼ਟਰੀ ਪੱਧਰ ‘ਤੇ ਤਾਲਮੇਲ ਰੱਖਿਆ ਜਾਵੇ ਤਾਂ ਇਸ ਸੰਕਟ ਨੂੰ ਘੱਟ ਕੀਤਾ ਜਾ ਸਕਦਾ ਹੈ। ਇਸ ਸੰਕਟ ਦਾ ਅਸਰ ਸਭ ਤੋਂ ਜ਼ਿਆਦਾ ਨੌਕਰੀਆਂ ਦੇਣ ਵਾਲੇ ਰਿਟੇਲ ਸੈਕਟਰ ‘ਤੇ ਪੈਣ ਦੀ ਸੰਭਾਵਨਾ ਹੈ। ਰਿਟੇਲ ਸੈਕਟਰ ਵਿਚ 1.1 ਕਰੋੜ ਲੋਕਾਂ ਨੂੰ ਨੌਕਰੀਆਂ ਦਿੱਤੀਆਂ ਜਾ ਸਕਦੀਆਂ ਹਨ।
Photo
ਇਸ ਤੋਂ ਇਲਾਵਾ ਟੂਰੀਜ਼ਮ ਅਤੇ ਹਾਸਪਿਟੇਲਿਟੀ ਸੈਕਟਰ ਵਿਚ 12 ਲੱਖ ਬੇਰੁਜ਼ਗਾਰ ਹੋ ਸਕਦੇ ਹਨ। ਈ-ਕਾਮਰਸ ਖੇਤਰ ਵਿਚ ਹੀ 20 ਲੱਖ ਨੌਕਰੀਆਂ ‘ਤੇ ਸੰਕਟ ਮੰਡਰਾ ਰਿਹਾ ਹੈ। ਇਸ ਤੋਂ ਇਲਾਵਾ ਪਹਿਲਾਂ ਤੋਂ ਹੀ ਮੰਦੀ ਦਾ ਸਾਹਮਣਾ ਕਰ ਰਹੇ ਰਿਅਲ ਅਸਟੇਟ ਸੈਕਟਰ ਦੀ ਕਮਰ ਹੀ ਟੁੱਟ ਸਕਦੀ ਹੈ ਅਤੇ 35 ਫੀਸਦੀ ਨੌਕਰੀਆਂ ਜਾਣ ਦਾ ਸ਼ੱਕ ਹੈ।
Photo
ਅੰਤਰਰਾਸ਼ਟਰੀ ਕਿਰਤ ਸੰਗਠਨ ਨੇ ਅਪਣੀ ਰਿਪੋਰਟ ‘COVID-19 and world of work: Impacts and responses’ ਵਿਚ ਕਿਹਾ ਹੈ ਕਿ ਬੇਰੁਜ਼ਗਾਰੀ ਨੂੰ ਘੱਟ ਕਰਨ ਲਈ ਤੇਜ਼ੀ ਨਾਲ ਯਤਨ ਕਰਨ ਦੀ ਲੋੜ ਹੈ। ਆਈਐਲ਼ਓ ਨੇ ਕਿਹਾ ਕਿ ਇਸ ਦੇ ਲਈ ਤਿੰਨ ਕਦਮ ਚੁੱਕੇ ਜਾ ਸਕਦੇ ਹਨ, ਜੋ ਇਸ ਪ੍ਰਕਾਰ ਹੈ- ਵਰਕਪਲੇਸ ‘ਤੇ ਕਰਮਚਾਰੀਆਂ ਨੂੰ ਬਚਾਉਣਾ, ਆਰਥਿਕਤਾ ਅਤੇ ਰੁਜ਼ਗਾਰ ਦੀ ਰੱਖਿਆ ਲਈ ਉਪਾਅ ਅਤੇ ਨੌਕਰੀਆਂ ਅਤੇ ਆਮਦਨੀ ਲਈ ਸਹਾਇਤਾ।
Photo
ਇੰਟਰਨੈਸ਼ਨਲ ਲੇਬਰ ਆਰਗੇਨਾਈਜ਼ੇਸ਼ਨ ਨੇ ਦੁਨੀਆ ਭਰ ਦੀਆਂ ਸਰਕਾਰਾਂ ਅਤੇ ਉਦਯੋਗਿਕ ਘਰਾਣਿਆਂ ਨੂੰ ਲੋਕਾਂ ਦੀਆਂ ਨੌਕਰੀਆਂ ਬਚਾਉਣ ਦੀ ਅਪੀਲ ਕੀਤੀ ਹੈ। ਆਈਐਲਓ ਮੁਤਾਬਕ ਇਹ ਸਥਿਤੀ 2008 ਵਿਚ ਦੁਨੀਆ ਭਰ ਵਿਚ ਆਈ ਆਰਥਕ ਮੰਦੀ ਨਾਲੋਂ ਵੀ ਗੰਭੀਰ ਹੋਵੇਗੀ।
