ਪ੍ਰਧਾਨ ਮੰਤਰੀ ਨੂੰ ਇਸ ਸਕੀਮ 'ਤੇ ਦੁਬਾਰਾ ਗੌਰ ਕਰਨੀ ਚਾਹੀਦੀ ਹੈ

ਨਵੀਂ ਦਿੱਲੀ- ਅੱਜ ਜੰਤਰ ਮੰਤਰ ਵਿਖੇ ਕਾਂਗਰਸ ਨੇ ਕੇਂਦਰ ਸਰਕਾਰ ਦੀ ਅਗਨੀਪਥ ਸਕੀਮ ਖਿਲਾਫ਼ ਧਰਨਾ ਲਗਾਇਆ ਜਿਸ ਵਿਚ ਐੱਮਪੀ ਗੁਰਜੀਤ ਔਜਲਾ ਵੀ ਸ਼ਾਮਲ ਹੋਏ। ਇਸ ਧਰਨਾ ਦੌਰਾਨ ਗੁਰਜੀਤ ਔਜਲਾ ਨੇ ਕਿਹਾ ਕਿ ਕਾਂਗਰਸ ਦੀ ਲੀਡਰਸ਼ਿਪ ਉਹ ਲੀਡਰਸ਼ਿਪ ਹੈ ਜਿਸ ਨੇ ਜਦੋਂ ਵੀ ਦੇਸ਼ 'ਤੇ ਕੋਈ ਸੰਕਟ ਆਇਆ ਹੈ ਉਸ ਖਿਲਾਫ਼ ਡਟ ਕੇ ਲੜੀ ਹੈ। ਉਹਨਾਂ ਨੇ ਸਰਕਾਰ ਦੀ ਅਗਨੀਪਥ ਸਕੀਮ ਨੂੰ ਲੈ ਕੇ ਕਿਹਾ ਕਿ ਇਹ ਸਕੀਮ ਦੇਸ਼ ਦੇ ਵਿਰੁੱਧ ਹੈ ਦੇਸ਼ ਦੀ ਨੌਜਵਾਨੀ ਦੇ ਵਿਰੁੱਧ ਹੈ। ਗੁਰਜੀਤ ਔਜਲਾ ਨੇ ਕਿਹਾ ਕਿ ਹੋ ਸਕਦਾ ਹੈ 4 ਸਾਲਾਂ ਵਿਚ ਦੇਸ਼ ਭਗਤੀ ਉਸ ਵਿਚ ਕੁੱਟ-ਕੁੱਟ ਕੇ ਭਰ ਦਿੱਤੀ ਜਾਵੇ ਦੇਸ਼ ਨਾਲ ਲਗਾਅ ਪੈਂਦਾ ਕਰ ਦਿੱਤਾ ਜਾਵੇ ਪਰ ਜੋ ਕੋਈ 4 ਸਾਲ ਕਿਸੇ ਹੋਰ ਦੇ ਘਰ ਵਿਚ ਰਹੇ ਤਾਂ ਵੀ ਲਗਾਅ ਪੈਂਦਾ ਨਹੀਂ ਹੁੰਦਾ ਤੇ ਇਹ ਕਹਿੰਦੇ ਨੇ ਕਿ ਦੁਸ਼ਮਣ ਦੀ ਗੋਲੀ ਦੇ ਸਾਹਮਣੇ ਤੁਹਾਨੂੰ ਖੜ੍ਹਾ ਕਰਨ ਦੀ ਅਸੀਂ ਟਰੇਨਿੰਗ ਦੇਵਾਂਗੇ।

Congress Protest

ਔਜਲਾ ਨੇ ਕਿਹਾ ਕਿ ਸਾਡੇ ਦੇਸ਼ ਦੇ ਨੌਜਵਾਨਾਂ ਨੇ ਸਭ ਤੋਂ ਜ਼ਿਆਦਾ ਦੇਸ਼ ਲਈ ਕੁਰਬਾਨੀਆਂ ਦਿੱਤੀਆਂ ਹਨ ਤੇ ਸਾਡਾ ਦੇਸ਼ ਪਾਕਿਸਤਾਨ ਦੇ ਵੀ ਨਾਲ ਲੱਗਦਾ ਹੈ ਤੇ ਚੀਨ ਦੇ ਨਾਲ ਲੜਾਈ ਹੋਵੇ ਤਾਂ ਸਭ ਤੋਂ ਅੱਗ ਹੋ ਕੇ ਗੋਲੀ ਖਾਂਦੇ ਹਨ। ਉਹਨਾਂ ਕਿਹਾ ਕਿ ਜਿਹੜੇ ਨੌਜਵਾਨ ਇੰਨੇ ਸਮੇਂਤੋਂ ਟਰੇਨਿੰਗ ਕਰ ਰਹੇ ਸਨ ਤੇ ਉਹਨਾਂ ਦੇ ਸੁਪਨੇ ਸਨ ਕਿ ਉਹ ਫੌਜ ਵਿਚ ਭਰਤੀ ਹੋਣਗੇ ਸਰਕਾਰ ਨੇ ਉਹਨਾਂ ਦੇ ਸੁਪਨੇ ਚਕਨਾ ਚੂਰ ਕਰ ਦਿੱਤੇ ਹਨ। ਉਹਨਾਂ ਨੇ ਨੌਜਵਾਨਾਂ ਨੂੰ ਵੀ ਅਪੀਲ ਕੀਤੀ ਕਿ ਦੇਸ਼ ਵਿਚ ਇਸ ਸਕੀਮ ਦੇ ਖਿਲਾਫ਼ ਸਾਂਤਮਈ ਪ੍ਰਦਰਸ਼ਨ ਕੀਤਾ ਜਾਵੇ ਦੇਸ਼ ਦੀ ਜਾਇਦਾਦ ਨੂੰ ਕੋਈ ਨੁਕਸਾਨ ਨਾ ਪਹੁੰਚਾਇਆ ਜਾਵੇ ਉਸ ਤਰ੍ਹਾਂ ਪ੍ਰਦਰਸ਼ਨ ਕੀਤਾ ਜਾਵੇ ਜਿਵੇਂ ਕਿਸਾਨਾਂ ਨੇ ਕੀਤਾ ਸੀ। 

Gurjeet Aujla

ਉਹਨਾਂ ਕਿਹਾ ਕਿ ਮੈਂ ਪ੍ਰਧਾਨ ਮੰਤਰੀ ਨੂੰ ਬੇਨਤੀ ਕਰਨਾ ਚਾਹੁੰਦਾ ਹਾਂ ਕਿ ਜਿਵੇਂ ਤੁਸੀਂ ਦੇਸ਼ ਵਿਚ ਨੋਟਬੰਦੀ ਤੇ ਜੀਐੱਸਟੀ ਤੇ ਹੁਣ ਜਿਵੇਂ ਅੱਗ 'ਤੇ ਚੱਲਣ ਲਈ ਦੇਸ਼ ਨੂੰ ਅੱਗੇ ਕਰ ਦਿੱਤਾ ਹੈ ਦੇਸ਼ ਕਿਵੇਂ ਲੀਹ 'ਤੇ ਆਵੇਗਾ ਇਸ 'ਤੇ ਦੁਬਾਰਾ ਗੌਰ ਕੀਤੀ ਜਾਵੇ। ਦੇਸ਼ ਦੇ ਨੌਜਵਾਨਾਂ ਨੂੰ ਗਲਤ ਰਸਤੇ 'ਤੇ ਨਾ ਤੋਰਿਆ ਜਾਵੇ ਇਸ ਦੇ ਤਰੀਕੇ ਖ਼ਤਰਨਾਕ ਸਾਬਿਤ ਹੋ ਸਕਦੇ ਹਨ।