ਕੇਰਲ ਦੇ ਪ੍ਰਸਿੱਧ ਸਬਰੀਮਾਲਾ ਮੰਦਿਰ ਦੇ ਕਪਾਟ ਨੂੰ ਖੁੱਲੇ ਅੱਜ ਤਿੰਨ ਦਿਨ ਹੋ ਗਏ ਹਨ ਪਰ ਹੁਣ ਵੀ ਮੰਦਿਰ ਦੇ ਦਰ ਉੱਤੇ ਔਰਤਾਂ ਦਾ ਪਰਵੇਸ਼ ਨਹੀਂ ਹੋ ਪਾਇਆ ਹੈ। ...
ਕੇਰਲਾ (ਭਾਸ਼ਾ) :- ਕੇਰਲ ਦੇ ਪ੍ਰਸਿੱਧ ਸਬਰੀਮਾਲਾ ਮੰਦਰ ਦੇ ਕਪਾਟ ਨੂੰ ਖੁੱਲੇ ਅੱਜ ਤਿੰਨ ਦਿਨ ਹੋ ਗਏ ਹਨ ਪਰ ਹੁਣ ਵੀ ਮੰਦਿਰ ਦੇ ਦਰ ਉੱਤੇ ਔਰਤਾਂ ਦਾ ਪਰਵੇਸ਼ ਨਹੀਂ ਹੋ ਪਾਇਆ ਹੈ। ਪਿਛਲੇ ਤਿੰਨ ਦਿਨਾਂ ਤੋਂ ਹੀ ਹਿੰਦੂ ਸੰਗਠਨਾਂ ਦੁਆਰਾ ਮੰਦਿਰ ਵਿਚ ਔਰਤਾਂ ਨੂੰ ਪਰਵੇਸ਼ ਕਰਨ ਤੋਂ ਰੋਕਿਆ ਜਾ ਰਿਹਾ ਹੈ। ਇਸ ਵਿਚ ਮੰਦਿਰ ਦੇ ਆਲੇ ਦੁਆਲੇ ਲਗਾਤਾਰ ਹਿੰਸਾ ਦਾ ਮਾਹੌਲ ਬਣਿਆ ਹੋਇਆ ਹੈ। ਸ਼ੁੱਕਰਵਾਰ ਨੂੰ ਵੀ ਮੰਦਰ ਦੇ ਬਾਹਰ ਨਾਰੇਬਾਜੀ ਅਤੇ ਹੰਗਾਮਾ ਹੋ ਰਿਹਾ ਹੈ। ਭਾਰੀ ਸੁਰੱਖਿਆ ਦੇ ਵਿਚ ਪੁਲਿਸ ਹੈਲਮਟ ਪੁਆ ਕੇ ਦੋ ਔਰਤਾਂ ਨੂੰ ਮੰਦਿਰ ਦੇ ਵੱਲ ਲੈ ਜਾ ਰਹੀ ਸੀ।
Sabrimala temple
ਉਨ੍ਹਾਂ ਨੂੰ ਰੋਕਣ ਲਈ ਪ੍ਰਦਰਸ਼ਨਕਾਰੀ ਨਾਰੇਬਾਜੀ ਅਤੇ ਹੰਗਾਮਾ ਕਰ ਰਹੇ ਸਨ। ਭਾਰੀ ਵਿਰੋਧ ਤੋਂ ਬਾਅਦ ਦੋਨਾਂ ਔਰਤਾਂ ਨੂੰ ਅੱਧੇ ਰਸਤੇ ਤੋਂ ਵਾਪਸ ਭੇਜ ਦਿਤਾ ਗਿਆ, ਔਰਤਾਂ ਮੰਦਿਰ ਦੇ ਕਰੀਬ ਪਹੁੰਚ ਗਈਆਂ ਸਨ। ਇਹਨਾਂ ਵਿਚ ਇਕ ਪੱਤਰਕਾਰ ਅਤੇ ਸਾਮਾਜਕ ਕਰਮਚਾਰੀ ਸ਼ਾਮਿਲ ਸਨ। ਪ੍ਰਦਰਸ਼ਨਕਾਰੀ ਮਹਿਲਾ ਪੱਤਰਕਾਰਾਂ ਨੂੰ ਮੰਦਰ ਦੇ ਵੱਲ ਵਧਣ ਤੋਂ ਰੋਕ ਰਹੇ ਸਨ। ਪੁਲਿਸ ਦੋਨਾਂ ਔਰਤਾਂ ਨੂੰ ਹੈਲਮਟ ਪੁਆ ਕੇ ਕੜੀ ਸੁਰੱਖਿਆ ਵਿਚ ਅੱਗੇ ਵਧਾ ਰਹੀ ਸੀ। ਇਸ ਵਿਚ ਕਈ ਪਰਦਰਸ਼ਨਕਾਰੀਆਂ ਨੂੰ ਹਿਰਾਸਤ ਵਿਚ ਵੀ ਲਿਆ ਗਿਆ।
ਪ੍ਰਦਰਸ਼ਨ ਦੇ ਦੌਰਾਨ ਪ੍ਰਦਰਸ਼ਨਕਾਰੀਆਂ ਅਤੇ ਪੁਲਿਸ ਵਿਚ ਬਹਿਸ ਹੋ ਗਈ। ਆਈਜੀ ਸ਼੍ਰੀਜੀਤ ਨੇ ਪਰਦਰਸ਼ਨਕਾਰੀਆਂ ਨੂੰ ਕਿਹਾ ਕਿ ਅਸੀਂ ਕਨੂੰਨ ਵਿਵਸਥਾ ਨੂੰ ਠੀਕ ਰੱਖਣਾ ਹੈ, ਮੈਂ ਵੀ ਅਯੱਪਾ ਦਾ ਭਗਤ ਹਾਂ ਪਰ ਸਾਨੂੰ ਕਨੂੰਨ ਨੂੰ ਲਾਗੂ ਕਰਣਾ ਹੈ। ਤਰਾਵਣਕੋਰ ਦੇਵਾਸਮ ਬੋਰਡ (ਟੀਡੀਬੀ) ਦੇ ਪ੍ਰਧਾਨ ਏ. ਪਦਮਕੁਮਾਰ ਨੇ ਮੀਡੀਆ ਨੂੰ ਕਿਹਾ ਕਿ ਉਹ ਇਸ ਮਾਮਲੇ ਦਾ ਹੱਲ ਕੱਢਣ ਲਈ ਕਿਸੇ ਵੀ ਹੱਦ ਤੱਕ ਜਾਣ ਲਈ ਤਿਆਰ ਹੈ।
ਪਦਮਕੁਮਾਰ ਨੇ ਕਿਹਾ ਅਸੀਂ ਇਕ ਬੈਠਕ ਕਰਨ ਜਾ ਰਹੇ ਹਾਂ ਅਤੇ ਅਸੀਂ ਇਹ ਪੁੱਛਣਾ ਚਾਹੁੰਦੇ ਹਾਂ ਕਿ ਜੇਕਰ ਅਸੀਂ ਸੁਪਰੀਮ ਕੋਰਟ ਵਿਚ ਇਸ ਮਾਮਲੇ ਵਿਚ ਮੁੜ ਵਿਚਾਰ ਪਟੀਸ਼ਨ ਪਾਵਾਂਗੇ ਤਾਂ ਕੀ ਪ੍ਰਦਰਸ਼ਨਕਾਰੀ ਪਿੱਛੇ ਹੱਟ ਜਾਣਗੇ। ਭਗਵਾਨ ਅਇੱਪਾ ਦਾ ਮੰਦਰ ਬੁੱਧਵਾਰ ਨੂੰ ਸ਼ਾਮ ਪੰਜ ਵਜੇ ਮਾਸਿਕ ਪੂਜਾ - ਅਰਚਨਾ ਲਈ ਖੋਲਿਆ ਗਿਆ। ਸੁਪਰੀਮ ਕੋਰਟ ਦੇ 28 ਸਿਤੰਬਰ ਦੇ ਫੈਸਲੇ ਤੋਂ ਬਾਅਦ ਬੁੱਧਵਾਰ ਨੂੰ ਪਹਿਲੀ ਵਾਰ ਮੰਦਰ ਖੋਲਿਆ ਗਿਆ। ਪਰੰਪਰਾ ਦੇ ਅਨੁਸਾਰ ਮੰਦਿਰ ਨੂੰ ਮਲਯਾਲਮ ਮਹੀਨੇ ਦੀ ਸ਼ੁਰੂਆਤ ਵਿਚ ਪੰਜ ਦਿਨਾਂ ਤੱਕ ਖੋਲਿਆ ਜਾਂਦਾ ਹੈ। ਮੰਦਰ ਹੁਣ 22 ਅਕਤੂਬਰ ਤੱਕ ਖੁੱਲ੍ਹਾ ਰਹੇਗਾ।
