File Photo
ਸ਼੍ਰੋਮਣੀ ਅਕਾਲੀ ਦਲ ਦਿੱਲੀ ਦੇ ਪ੍ਰਧਾਨ ਸ.ਪਰਮਜੀਤ ਸਿੰਘ ਸਰਨਾ ਨੇ ਗੁਰਦਵਾਰਾ ਬੰਗਲਾ ਸਾਹਿਬ ਦੇ ਆਟੇ ਨੂੰ
ਨਵੀਂ ਦਿੱਲੀ, 19 ਜੁਲਾਈ (ਅਮਨਦੀਪ ਸਿੰਘ): ਸ਼੍ਰੋਮਣੀ ਅਕਾਲੀ ਦਲ ਦਿੱਲੀ ਦੇ ਪ੍ਰਧਾਨ ਸ.ਪਰਮਜੀਤ ਸਿੰਘ ਸਰਨਾ ਨੇ ਗੁਰਦਵਾਰਾ ਬੰਗਲਾ ਸਾਹਿਬ ਦੇ ਆਟੇ ਨੂੰ ਅਖੌਤੀ ਤੌਰ ’ਤੇ ਬਾਹਰ ਵੇਚਣ ਨੂੰ ਸਿੱਖ ਰਵਾਇਤਾਂ ਦੀ ਉਲੰਘਣਾ ਕਰਾਰ ਦਿੰਦਿਆਂ ਕਿਹਾ ਇਸ ਨਾਲ ਦਿੱਲੀ ਕਮੇਟੀ ਨੇ ਸ਼ਰਧਾਲੂਆਂ ਦੀ ਸ਼ਰਧਾ ਨੂੰ ਡੂੰਘੀ ਸੱਟ ਮਾਰੀ ਹੈ। ਉਨ੍ਹਾਂ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਨੂੰ ਬੇਨਤੀ ਕੀਤੀ ਕਿ ਉਹ ਤੁਰਤ ਦਿੱਲੀ ਕਮੇਟੀ ਦੇ ਪ੍ਰਬੰਧਕਾਂ ਨੂੰ ਲਾਂਭੇ ਕਰ ਕੇ ਇਕ ਪੰਜ ਮੈਂਬਰੀ ਕਮੇਟੀ ਬਣਾਉਣ ਜੋ ਕਮੇਟੀ ਦਾ ਉਦੋਂ ਤਕ ਪ੍ਰਬੰਧ ਚਲਾਏ ਜਦੋਂ ਤਕ ਚੋਣਾਂ ਨਹੀਂ ਹੋ ਜਾਂਦੀਆਂ। ਉਨ੍ਹਾਂ ਕਿਹਾ,“ਅੱਜ ਤਕ ਅਜਿਹੀ ਚੋੋਰੀ ਨਹੀਂ ਸੀ ਫੜੀ ਗਈ ਸੀ। ਹੁਣ ਤਾਂ ਸ਼ਰੇਆਮ ਚੋਰੀ ਫੜੀ ਗਈ ਹੈ। ਜੋ ਸੰਗਤ ਦੀ ਰਸਦ ਵੇਚ ਸਕਦੇ ਹਨ, ਉਹ ਕੀ ਨਹੀਂ ਕਰ ਸਕਦੇ।’’
