ਨਵੀਂ ਦਿੱਲੀ: ਕਾਂਗਰਸ ਜਨਰਲ ਸਕੱਤਰ ਪ੍ਰਿਯੰਕਾ ਗਾਂਧੀ ਵਾਡਰਾ ਨੇ ਪਾਰਟੀ ਦੀ ਕਮਾਨ ਗਾਂਧੀ ਪਰਵਾਰ ਦੇ ਬਾਹਰ ਕਿਸੇ ਹੋਰ ਨੂੰ ਸੌਂਪੇ ਜਾਣ ਦੇ ਰਾਹੁਲ ਗਾਂਧੀ ਦੇ ਵਿਚਾਰ ਦਾ ਸਮਰਥਨ ਕਰਨ ਦੀਆਂ ਖ਼ਬਰਾਂ ਨਾਲ ਜੂਝ ਰਹੀ ਕਾਂਗਰਸ ਨੇ ਅੱਜ ਇਕ ਪ੍ਰਗਟਾਵਾ ਕੀਤਾ ਹੈ।
Rahul Gandhi
ਕਾਂਗਰਸ ਨੇ ਕਿਹਾ ਕਿ ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੇ ਅਸਤੀਫ਼ਾ ਦੇਣ ਅਤੇ ਰਾਹੁਲ ਗਾਂਧੀ ਲਈ ਰਸਤਾ ਬਣਾਉਣ ਦੀ ਪੇਸ਼ਕਸ਼ ਕੀਤੀ ਸੀ ਪਰ ਰਾਹੁਲ ਗਾਂਧੀ ਨੇ ਅਹੁਦਾ ਲੈਣ ਤੋਂ ਇਨਕਾਰ ਕਰ ਦਿਤਾ ਸੀ।
Priyanka Gandhi
ਇਸ ਤੋਂ ਪਹਿਲਾਂ ਗ਼ੈਰ ਗਾਂਧੀ ਕਾਂਗਰਸ ਪ੍ਰਧਾਨ ਤੋਂ ਪ੍ਰਿਯੰਕਾ ਗਾਂਧੀ ਦੇ ਸਹਿਮਤੀ ਪ੍ਰਗਟਾਉਣ ਦੀਆਂ ਖ਼ਬਰਾਂ 'ਤੇ ਪਾਰਟੀ ਨੇ ਅੱਜ ਕਿਹਾ ਕਿ ਅਸੀਂ ਪ੍ਰਿਯੰਕਾ ਗਾਂਧੀ ਦੀ ਇਕ ਸਾਲ ਪੁਰਾਣੀ ਟਿੱਪਣੀ 'ਚ ਅਚਾਨਕ ਪੈਦਾ ਹੋਏ ਪ੍ਰਯੋਜਿਤ ਮੀਡੀਆ ਦੀ ਰੁਚੀ ਦੇ ਖੇਡ ਨੂੰ ਸਮਝਦੇ ਹਾਂ।
Dr Manmohan Singh
ਕਾਂਗਰਸ ਦੇ ਬੁਲਾਰੇ ਸ਼ਕਤੀ ਸਿੰਘ ਗੋਹਿਲ ਨੇ ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਬਾਰੇ ਵੱਡਾ ਪ੍ਰਗਟਾਵਾ ਕਰਦੇ ਹੋਏ ਕਿਹਾ ਕਿ ਮਨਮੋਹਨ ਸਿੰਘ ਅਪਣਾ ਅਹੁਦਾ ਛਡਣਾ ਚਾਹੁੰਦੇ ਸਨ। ਇਹ ਦਰਸਾਉਂਦਾ ਹੈ ਕਿ ਅਪਣੇ ਪਰਵਾਰ ਦੀ ਤਰ੍ਹਾਂ ਰਾਹੁਲ ਗਾਂਧੀ ਵੀ ਕਦੇ ਸੱਤਾ ਲਈ ਚਾਹਵਾਨ ਨਹੀਂ ਸਨ
Rahul Gandhi
ਇਸ ਲਈ ਉਨ੍ਹਾਂ ਸਾਫ਼ ਮਨ੍ਹਾ ਕਰ ਦਿਤਾ ਸੀ ਤੇ ਡਾ.ਮਨਮੋਹਨ ਸਿੰਘ ਨੇ ਅਪਣੇ ਦੋਵੇਂ ਕਾਰਜਕਾਲ ਕੁਸ਼ਲਤਾ ਨਾਲ ਪੂਰੇ ਕੀਤੇ। ਇਕ ਇੰਟਰਵਿਊ ਦੇ ਕੁੱਝ ਹਿੱਸੇ ਨੂੰ ਲੈ ਕੇ ਮੀਡੀਆ 'ਚ ਪ੍ਰਿਯੰਕਾ ਗਾਂਧੀ ਦਾ ਹਵਾਲਾ ਦਿੰਦੇ ਹੋਏ ਖ਼ਬਰਾਂ ਚੱਲ ਰਹੀਆਂ ਹਨ।
priyanka Gandhi
ਇਹ ਇੰਟਰਵਿਊ ਪ੍ਰਦੀਪ ਛਿੱਬਰ ਅਤੇ ਹਰਸ਼ ਸ਼ਾਹ ਦੀ ਇਕ ਕਿਤਾਬ ਇੰਡੀਆ ਟੁਮਾਰੋ ਦਾ ਇਕ ਹਿੱਸਾ ਹੈ। ਕਾਂਗਰਸ ਨੇ ਕਿਹਾ ਕਿ ਪ੍ਰਿਯੰਕਾ ਗਾਂਧੀ ਨੇ ਇਹ ਇੰਟਰਵਿਊ ਇਕ ਸਾਲ ਪਹਿਲਾਂ ਦਿਤੀ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
