ਨਕਸਲਵਾਦੀ ਇਕ AK-47 ਰਾਈਫਲ, ਦੋ ਬੁਲੇਟ ਪਰੂਫ ਜੈਕੇਟ ਅਤੇ ਇਕ ਵਾਇਰਲੈਸ ਸੈੱਟ ਲੁੱਟ ਕੇ ਮੌਕੇ ਤੋਂ ਭੱਜ ਗਏ।
ਛੱਤੀਸਗੜ੍ਹ: ਛੱਤੀਸਗੜ੍ਹ ਤੋਂ ਨਕਸਲੀਆਂ ਦੇ ਹਮਲੇ ਦੀ ਖ਼ਬਰ ਸਾਹਮਣੇ ਆਈ ਹੈ। ਇਹ ਹਮਲਾ ਨਾਰਾਇਣਪੁਰ (Narayanpur) ਵਿਚ ਹੋਇਆ, ਜਿਸ ਵਿਚ ਇੰਡੋ-ਤਿੱਬਤੀਅਨ ਬਾਰਡਰ ਪੁਲਿਸ (ITBP) ਦੇ ਦੋ ਜਵਾਨ ਸ਼ਹੀਦ ਹੋ ਗਏ ਹਨ। ਬਸਤਰ ਦੇ ਆਈਜੀ ਪੀ ਸੁੰਦਰਰਾਜ ਨੇ ਦੱਸਿਆ ਕਿ ਨਾਰਾਇਣਪੁਰ ਜ਼ਿਲ੍ਹੇ ਵਿਚ ਆਈਟੀਬੀਪੀ ਕੈਂਪ ਕਾਡੇਮੇਟਾ ਦੇ ਨੇੜੇ ਇਕ ਨਕਸਲੀ ਹਮਲੇ ਵਿਚ ਆਈਟੀਬੀਪੀ (Indo-Tibetan Border Police) ਦੇ ਦੋ ਜਵਾਨ ਸ਼ਹੀਦ ਹੋ ਗਏ। ਨਕਸਲਵਾਦੀ (Naxalites) ਇਕ AK-47 ਰਾਈਫਲ, ਦੋ ਬੁਲੇਟ ਪਰੂਫ ਜੈਕੇਟ ਅਤੇ ਇਕ ਵਾਇਰਲੈਸ ਸੈੱਟ ਲੁੱਟ ਕੇ ਮੌਕੇ ਤੋਂ ਭੱਜ ਗਏ।
Naxal Attack
ਇਸ ਤੋਂ ਪਹਿਲਾਂ ਐਤਵਾਰ ਨੂੰ ਕੁਆਕਾਂਡਾ ਥਾਣੇ ਦੀ ਪੁਲਿਸ ਟੀਮ ਬਡੇਗੁਦਰਾ ਅਤੇ ਅਟੇਪਾਲ ਪਿੰਡਾਂ ਵੱਲ ਰਵਾਨਾ ਹੋਈ ਸੀ। ਜਦ ਤਿੰਨ ਸ਼ੱਕੀ ਵਿਅਕਤੀ ਅਟੇਪਾਲ ਪਿੰਡ ਦੇ ਨੇੜੇ ਜੰਗਲ ਵਿਚ ਭੱਜਣ ਲੱਗੇ ਤਾਂ ਪੁਲਿਸ ਨੇ ਘੇਰਾਬੰਦੀ ਕਰਕੇ ਉਨ੍ਹਾਂ ਨੂੰ ਫੜ ਲਿਆ। ਪੁੱਛਗਿੱਛ ਦੌਰਾਨ, ਉਨ੍ਹਾਂ ਨੇ ਆਪਣੇ ਨਾਂ ਹੂੰਗਾ ਕਰਟਾਮ, ਆਇਤਾ ਮਾੜਵੀ ਅਤੇ ਲਾਠੀ ਕਰਟਾਮ ਦੱਸੇ।
Naxal Attack
ਤੁਹਾਨੂੰ ਦੱਸ ਦੇਈਏ ਕਿ ਪਿਛਲੇ ਮਹੀਨੇ ਸੁਕਮਾ ਵਿਚ ਸੁਰੱਖਿਆ ਬਲਾਂ ਅਤੇ ਨਕਸਲਵਾਦੀਆਂ ਦੇ ਵਿਚ ਹੋਏ ਮੁਕਾਬਲੇ ਵਿਚ ਇਕ ਮਾਓਵਾਦੀ ਮਾਰਿਆ ਗਿਆ ਸੀ। ਇਹ ਮੁਕਾਬਲਾ ਰਾਏਪੁਰ ਤੋਂ ਕਰੀਬ 400 ਕਿਲੋਮੀਟਰ ਦੂਰ ਚਿੰਤਾਗੁਫਾ ਥਾਣਾ ਖੇਤਰ ਦੇ ਅਧੀਨ ਪੈਂਦੇ ਮਿਨਪਾ ਪਿੰਡ ਦੇ ਨੇੜੇ ਇਕ ਜੰਗਲ ਵਿਚ ਹੋਇਆ ਸੀ, ਜਦੋਂ ਸੁਰੱਖਿਆ ਬਲਾਂ ਦੀ ਇਕ ਸਾਂਝੀ ਟੀਮ ਤਲਾਸ਼ੀ ਮੁਹਿੰਮ 'ਤੇ ਸੀ।
