ਔਰਤ ਨੇ ਜ਼ਿਲ੍ਹਾ ਹੀਰਾ ਦਫ਼ਤਰ ’ਚ ਜਮ੍ਹਾ ਕਰਵਾਏ ਹੀਰੇ
ਪੰਨਾ: ਮੱਧ ਪ੍ਰਦੇਸ਼ ਦੇ ਪੰਨਾ ਜ਼ਿਲ੍ਹੇ ’ਚ ਇਕ ਖਾਣ ਵਿੱਚੋਂ ਇੱਕ ਮਹਿਲਾ ਮਜ਼ਦੂਰ ਨੂੰ ਲੱਖਾਂ ਰੁਪਏ ਦੇ ਹੀਰੇ ਮਿਲੇ ਹਨ। ਅਧਿਕਾਰੀ ਨੇ ਦੱਸਿਆ ਕਿ 50 ਸਾਲ ਦੀ ਸਥਾਨਕ ਵਸਨੀਕ ਰਚਨਾ ਗੋਲਡਰ ਨੂੰ ਅੱਠ ਕੀਮਤੀ ਪੱਥਰ ਮਿਲੇ, ਜਿਨ੍ਹਾਂ ਦਾ ਕੁੱਲ ਭਾਰ 2.53 ਕੈਰੇਟ ਸੀ, ਜਿਨ੍ਹਾਂ ਵਿੱਚੋਂ ਛੇ ਉੱਚ ਗੁਣਵੱਤਾ ਦੇ ਹਨ।
ਹੀਰਾ ਮਾਹਿਰ ਅਨੁਪਮ ਸਿੰਘ ਨੇ ਕਿਹਾ ਕਿ ਸੱਭ ਤੋਂ ਵੱਡੇ ਹੀਰੇ ਦਾ ਭਾਰ 0.79 ਕੈਰੇਟ ਹੈ। ਇਸ ਤੋਂ ਇਲਾਵਾ, ਦੋ ਹੀਰੇ ਮੈਲੇ ਰੰਗ ਦੇ ਹਨ। ਉਨ੍ਹਾਂ ਕਿਹਾ ਕਿ ਔਰਤ ਨੇ ਇਹ ਹੀਰੇ ਜ਼ਿਲ੍ਹਾ ਹੀਰਾ ਦਫ਼ਤਰ ’ਚ ਜਮ੍ਹਾ ਕਰਵਾਏ ਹਨ, ਜਿੱਥੋਂ ਉਨ੍ਹਾਂ ਨੂੰ ਨਿਲਾਮੀ ਲਈ ਰੱਖਿਆ ਜਾਵੇਗਾ ਅਤੇ ਇਨ੍ਹਾਂ ਦੀ ਕੀਮਤ ਕਈ ਲੱਖ ਰੁਪਏ ਹੋਣ ਦੀ ਸੰਭਾਵਨਾ ਹੈ।
ਤਿੰਨ ਵੱਡੇ ਬੱਚਿਆਂ ਦੀ ਮਾਂ ਨੇ ਹਜ਼ਾਰਾ ਮੁੱਦਾ ਖੇਤਰ ਵਿਚ ਖੁਦਾਈ ਲਈ ਜ਼ਮੀਨ ਲਈ ਸੀ ਜਿਸ ਦੌਰਾਨ ਉਸ ਨੂੰ ਇਹ ਹੀਰੇ ਮਿਲੇ। ਉਨ੍ਹਾਂ ਨੇ ਉਮੀਦ ਪ੍ਰਗਟਾਈ ਕਿ ਨਿਲਾਮੀ ਤੋਂ ਹੋਣ ਵਾਲੀ ਆਮਦਨ ਨਾਲ ਉਨ੍ਹਾਂ ਦੀ ਵਿੱਤੀ ਸਥਿਤੀ ਵਿੱਚ ਸੁਧਾਰ ਹੋਵੇਗਾ।
ਪੰਨਾ ’ਚ 8 ਮੀਟਰ ਦਾ ਮਾਈਨਿੰਗ ਪਲਾਟ 200 ਰੁਪਏ ਸਾਲਾਨਾ ’ਚ ਕਿਰਾਏ ਉੱਤੇ ਦਿੱਤਾ ਜਾਂਦਾ ਹੈ। ਹੀਰਿਆਂ ਦੀ ਨਿਲਾਮੀ ਹਰ ਤਿੰਨ ਮਹੀਨਿਆਂ ਬਾਅਦ ਕੀਤੀ ਜਾਂਦੀ ਹੈ ਜਿਸ ਵਿੱਚ ਦੇਸ਼ ਭਰ ਦੇ ਵਪਾਰੀ ਹਿੱਸਾ ਲੈਂਦੇ ਹਨ। ਮਾਈਨਿੰਗ ਵਿੱਚ ਲੱਗੇ ਲੋਕਾਂ ਨੇ ਦੱਸਿਆ ਕਿ ਅੰਤਮ ਨਿਲਾਮੀ ਦੀ ਕੀਮਤ 12 ਫ਼ੀਸਦੀ ਸਰਕਾਰੀ ਕਟੌਤੀ ਦੇ ਅਧੀਨ ਹੈ, ਜਿਸ ਵਿਚ 11 ਫ਼ੀਸਦੀ ਰਾਇਲਟੀ ਅਤੇ 1 ਫ਼ੀਸਦੀ ਟੀ.ਡੀ.ਐਸ. ਸ਼ਾਮਲ ਹੈ, ਬਾਕੀ ਰਕਮ ਹੀਰਾ ਲੱਭਣ ਵਾਲੇ ਨੂੰ ਦਿੱਤੀ ਜਾਂਦੀ ਹੈ।
