ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ 'ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ
Lucknow: ਐਡੀਸ਼ਨਲ ਐੱਸਪੀ ਸ਼ਵੇਤਾ ਸ਼੍ਰੀਵਾਸਤਵ ਦੇ ਇਕਲੌਤੇ ਪੁੱਤਰ ਦੀ ਮੰਗਲਵਾਰ ਸਵੇਰੇ ਜਨੇਸ਼ਵਰ ਮਿਸ਼ਰਾ ਪਾਰਕ ਨੇੜੇ ਸੜਕ ਹਾਦਸੇ 'ਚ ਮੌਤ ਹੋ ਗਈ। ਉਹ ਜਨੇਸ਼ਵਰ ਮਿਸ਼ਰਾ ਪਾਰਕ ਤੋਂ ਸਕੇਟਿੰਗ ਅਭਿਆਸ ਕਰ ਕੇ ਵਾਪਸ ਆ ਰਿਹਾ ਸੀ। ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ 'ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਪੁਲਿਸ ਨੇ ਐਸਯੂਵੀ ਡਰਾਈਵਰ ਸਾਰਥਕ ਸਿੰਘ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
SUV ਡਰਾਈਵਰ ਐਮਿਟੀ ਯੂਨੀਵਰਸਿਟੀ ਦਾ ਵਿਦਿਆਰਥੀ ਹੈ। ਉਸ ਦੇ ਖਿਲਾਫ਼ ਇਰਾਦਾ ਕਤਲ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ। ਸਾਰਥਕ ਦੇ ਪਿਤਾ ਰਵਿੰਦਰ ਸਿੰਘ ਉਰਫ਼ ਪੱਪੂ ਬਾਰਾਬੰਕੀ ਰਾਮਨਗਰ ਤੋਂ ਐਸਪੀ ਦੇ ਸਾਬਕਾ ਜ਼ਿਲ੍ਹਾ ਪੰਚਾਇਤ ਮੈਂਬਰ ਸਨ। ਈਓਡਬਲਯੂ ਵਿਚ ਤਾਇਨਾਤ ਸ਼ਵੇਤਾ ਸ੍ਰੀਵਾਸਤਵ ਲੰਬੇ ਸਮੇਂ ਤੋਂ ਕਮਿਸ਼ਨਰੇਟ ਵਿਚ ਤਾਇਨਾਤ ਹਨ। ਉਸ ਦਾ 12 ਸਾਲਾ ਬੇਟਾ ਨਮਿਸ਼ ਸਵੇਰੇ ਜਨੇਸ਼ਵਰ ਮਿਸ਼ਰਾ ਪਾਰਕ ਸਥਿਤ ਸਕੇਟਿੰਗ ਕੋਰਟ 'ਤੇ ਅਭਿਆਸ ਕਰਨ ਆਇਆ ਸੀ।
ਮਾਮਲੇ ਦੀ ਜਾਣਕਾਰੀ ਮਿਲਦੇ ਹੀ ਯੂਪੀ ਦੇ ਡੀਜੀਪੀ ਵੀ ਮੌਕੇ ‘ਤੇ ਪਹੁੰਚੇ ਅਤੇ ਸਪੈਸ਼ਲ ਡੀਜੀ ਪ੍ਰਸ਼ਾਂਤ ਕੁਮਾਰ ਨੇ ਵੀ ਮੁਆਇਨਾ ਕੀਤਾ। ਗੋਮਤੀਨਗਰ ਐਕਸਟੈਂਸ਼ਨ ਇੰਸਪੈਕਟਰ ਸੁਧੀਰ ਅਵਸਥੀ ਨੇ ਦੱਸਿਆ ਕਿ ਨਮੀਸ਼ ਜਦੋਂ ਪ੍ਰੈਕਟਿਸ ਕਰਕੇ ਘਰ ਪਰਤ ਰਿਹਾ ਸੀ ਤਾਂ ਪਿਪਰਾਘਾਟ ਰੋਡ 'ਤੇ ਇਕ ਸਫ਼ੈਦ ਕਾਰ ਨੇ ਉਸ ਨੂੰ ਟੱਕਰ ਮਾਰ ਦਿੱਤੀ। ਹਾਦਸੇ ਵਿਚ ਨਮਿਸ਼ ਦੀ ਮੌਤ ਹੋ ਗਈ। ਸੀਸੀਟੀਵੀ ਫੁਟੇਜ ਦੀ ਮਦਦ ਨਾਲ ਕਾਰ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
(For more news apart from Lucknow News, stay tuned to Rozana Spokesman)
