ਜਦੋਂ ਪ੍ਰੋਗਰਾਮ ਸਾਡਾ ਹੈ ਫਿਰ ਵਿਦੇਸ਼ੀ ਏਜੰਸੀਆਂ ਦਾ ਹੱਥ ਕਿਵੇਂ ਹੋਵੇਗਾ।
ਨਵੀਂ ਦਿੱਲੀ: (ਚਰਨਜੀਤ ਸਿੰਘ ਸੁਰਖਾਬ) ਕੇਂਦਰ ਸਰਕਾਰ ਵੱਲੋਂ ਬਣਾਏ ਗਏ ਤਿੰਨ ਨਵੇਂ ਖੇਤੀਬਾੜੀ ਕਾਨੂੰਨਾਂ ਨੂੰ ਰੱਦ ਕਰਵਾਉਣ ਲਈ ਕਿਸਾਨਾਂ ਨੇ ਖੇਤੀ ਕਾਨੂੰਨਾਂ ਦੇ ਵਿਰੋਧ ਵਿਚ ਦਿੱਲੀ ਬਾਰਡਰ ’ਤੇ ਮੋਰਚਾ ਲਾਇਆ ਹੋਇਆ ਹੈ।
Swaran Singh Pandher and Charanjit Singh Surkhab
ਸਪੋਕਸਮੈਨ ਦੇ ਪੱਤਰਕਾਰ ਵੱਲੋਂ ਕਿਸਾਨ ਆਗੂ ਸਰਵਣ ਸਿੰਘ ਪੰਧੇਰ ਨਾਲ ਗੱਲਬਾਤ ਕੀਤੀ ਗਈ। ਸਰਵਣ ਸਿੰਘ ਪੰਧੇਰ ਨੇ ਦੱਸਿਆ ਕਿ ਕਿਸਾਨ ਮਜ਼ਦੂਰ ਅੰਦੋਲਨ ਦੇਸ਼ ਦੇ ਘੇਰੇ ਵਿਚ ਰਹਿ ਕੇ ਕੰਮ ਕਰਦਾ ਹਾਂ, ਦੇਸ਼ ਦੇ ਵਿਧਾਨ ਦੇ ਅਨੁਸਾਰ ਕੰਮ ਕਰਦਾ ਹੈ।
Swaran Singh Pandher and Charanjit Singh Surkhab
ਉਸਨੂੰ ਆਪਣੀ ਗੱਲ ਕਰਨ ਦਾ ਹੱਕ ਹੈ। ਜਦੋਂ ਪ੍ਰੋਗਰਾਮ ਸਾਡਾ ਹੈ ਫਿਰ ਵਿਦੇਸ਼ੀ ਏਜੰਸੀਆਂ ਦਾ ਹੱਥ ਕਿਵੇਂ ਹੋਵੇਗਾ। ਅੰਦੋਲਨ ਵਿਚ ਬਹੁਤ ਸਾਰੇ ਤਪਕੇ ਆਏ ਹਨ,ਕੁਝ ਐਨਆਰਆਈ ਮਰਜ਼ੀ ਨਾਲ ਫੰਡ ਭੇਜਦੇ ਹਨ, ਦੇਣਾ ਜਾਂ ਨਾ ਦੇਣਾ ਉਹਨਾਂ ਦੀ ਮਰਜ਼ੀ ਹੈ। ਵਿਦੇਸ਼ੀ ਏਜੰਸੀਆਂ ਦਾ ਹੱਥ ਕਹਿ ਕੇ ਅੰਦੋਲਨ ਨੂੰ ਬਦਨਾਮ ਕਰਨ ਦੀਆਂ ਕੋਸ਼ਿਸਾਂ ਕੀਤੀਆ ਜਾ ਰਹੀਆਂ ਹਨ।
Swaran Singh Pandher and Charanjit Singh Surkhab
ਉਹਨਾਂ ਕਿਹਾ ਕਿ ਸਰਕਾਰ ਇਕ ਚੀਜ਼ ਦੱਸਣ ਵੀ ਕਿਸਦਾ ਹੱਥ ਹੈ ਕਦੇ ਪਾਕਿਸਤਾਨ ਦਾ ਹੱਥ ਕਹਿੰਦੇ ,ਕਦੇ ਚੀਨ ਦਾ, ਕਦੇ ਵਿਦੇਸ਼ੀ ਏਜੰਸੀਆਂ ਦਾ ਹਥ ਕਹਿੰਦੇ ਹਨ ਸਰਕਾਰ ਇਕ ਚੀਜ਼ ਦੱਸੇ ਫਿਰ ਤਾਂ ਸਾਨੂੰ ਵੀ ਸੌਖਾ ਹੋ ਜਾਵੇਗਾ ਜਵਾਬ ਦੇਣਾ।
Swaran Singh Pandher and Charanjit Singh Surkhab
ਭਾਜਪਾ ਦੀ ਪੁਰਾਣੀ ਨੀਤੀ ਹੈ ਅੰਦੋਲਨ ਨੂੰ ਬਦਨਾਮ ਕਰਨਾ ਇਹ ਪਹਿਲਾਂ ਵੀ ਕਰਦੇ ਆਏ ਹਨ। ਪੰਧੇਰ ਨੇ ਕਿਹਾ ਕਿ ਕਿਸਾਨ ਕਦੇ ਵੀ ਗੱਲਬਾਤ ਤੋਂ ਨਹੀਂ ਭੱਜਦੇ। ਸਰਕਾਰ ਅੰਦੋਲਨ ਨੂੰ ਲੰਮਾ ਖਿੱਚ ਰਹੀ ਹੈ ਕਿ ਕਿਵੇਂ ਨਾ ਕਿਵੇਂ ਸੱਜੇ ਖੱਬੇ ਹੋ ਕੇ ਲੰਘ ਜਾਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਪਰ ਸਾਨੂੰ ਨਹੀਂ ਲੱਗਦਾ ਭਾਰਤ ਦੇ ਲੋਕ ਨਿਕਲਣ ਦੇਣਗੇ।
Swaran Singh Pandher and Charanjit Singh Surkhab
ਪੰਜਾਬ ਜਨਤਿਕ ਅਤੇ ਨਿੱਜੀ ਜਾਇਦਾਦ ਨੁਕਸਾਨ ਐਕਟ ਜੋ ਕੈਪਟਨ ਸਰਕਾਰ ਨੇ ਹੁਣ ਕੱਢਿਆ ਹੈ ਉਸਦੇ ਤਹਿਤ ਹੀ ਐਸਡੀਐਮ ਬੋਲਿਆ ਹੈ ਕਿ ਜੋ ਦਰੀਆ ਲਿਆਉਣਗੇ, ਸਪੀਕਰ ਲਿਆਉਣਗੇ ਉਹਨਾਂ ਵਿਚ ਇਹ ਪਰਵੀਜ਼ਨ ਹੈ ਉਹ ਐਕਟ ਨੂੰ ਇੰਪਲੀਮੇਸ਼ਨ ਕਰ ਰਹੇ ਹਨ ਉਹ ਕੈਪਟਨ ਕੋਲੋ ਹੋਣਾ ਨਹੀਂ ,ਕੈਪਟਨ ਵੀ ਮੋਦੀ ਦੇ ਹੱਕ ਵਿਚ ਭੁਗਤਦਾ ਨਜ਼ਰ ਆ ਰਿਹਾ ਹੈ।
