Delhi Assembly Elections 2025 : ਕਿਹਾ -ਅਗਲਾ ਬਜਟ ਮੱਧ ਵਰਗ ਨੂੰ ਹੋਵੇ ਸਮਰਪਿਤ
Delhi Assembly Elections 2025 : ਦਿੱਲੀ ਵਿਧਾਨ ਸਭਾ ਚੋਣਾਂ ਦੀ ਉਲਟੀ ਗਿਣਤੀ ਸ਼ੁਰੂ ਹੋ ਗਈ ਹੈ। ਚੋਣਾਂ 5 ਫਰਵਰੀ ਨੂੰ ਹੋਣੀਆਂ ਹਨ। ਆਮ ਆਦਮੀ ਪਾਰਟੀ ਪੂਰੇ ਜ਼ੋਰਾਂ-ਸ਼ੋਰਾਂ ਨਾਲ ਤਿਆਰੀਆਂ ਵਿੱਚ ਰੁੱਝੀ ਹੋਈ ਹੈ। ਇਸ ਦੌਰਾਨ, ਬੁੱਧਵਾਰ ਨੂੰ ਪਾਰਟੀ ਦੇ ਰਾਸ਼ਟਰੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਮੱਧ ਵਰਗ ਸੰਬੰਧੀ ਕੇਂਦਰ ਸਰਕਾਰ ਅੱਗੇ ਸੱਤ ਮੰਗਾਂ ਰੱਖੀਆਂ। ਕੇਜਰੀਵਾਲ ਨੇ ਜਿਸਨੂੰ 'ਮਿਡਲ ਕਲਾਸ ਮੈਨੀਫੈਸਟੋ' ਦਾ ਨਾਮ ਦਿੱਤਾ ਗਿਆ ਹੈ। ਕੇਜਰੀਵਾਲ ਨੇ ਕਿਹਾ ਕਿ ਅੱਜ ਤੋਂ 2 ਹਫ਼ਤੇ ਬਾਅਦ ਦੇਸ਼ ਦਾ ਅਗਲਾ ਬਜਟ ਆਉਣ ਵਾਲਾ ਹੈ।
ਅਰਵਿੰਦ ਕੇਜਰੀਵਾਲ ਨੇ ਕਿਹਾ ਕਿ ਦੇਸ਼ ਦਾ ਮੱਧ ਵਰਗ ਟੈਕਸ ਦਿੰਦਾ ਹੈ। ਸਰਕਾਰ ਸਿਰਫ਼ ਮੱਧ ਵਰਗ ਤੋਂ ਟੈਕਸ ਲੈਂਦੀ ਹੈ। ਪਰ ਇਸ ਵਰਗ ਨੂੰ ਸਰਕਾਰ ਤੋਂ ਕੀ ਮਿਲਦਾ ਹੈ? ਮੱਧ ਵਰਗ ਦੀ ਆਮਦਨ ਦਾ 50 ਪ੍ਰਤੀਸ਼ਤ ਸਿਰਫ ਟੈਕਸ ਦੇਣ 'ਤੇ ਖਰਚ ਹੁੰਦਾ ਹੈ। ਜਿਉਂਦੇ ਜੀਅ ਟੈਕਸ ਦੇਣਾ ਪੈਂਦਾ ਹੈ, ਮਰਨ ਤੋਂ ਬਾਅਦ ਵੀ ਟੈਕਸ ਦੇਣਾ ਪੈਂਦਾ ਹੈ।
ਕੇਜਰੀਵਾਲ ਨੇ ਕਿਹਾ ਕਿ ਚੋਣਾਂ ਦੌਰਾਨ ਧਰਮ ਅਤੇ ਜਾਤ ਦੇ ਨਾਮ 'ਤੇ ਬਹੁਤ ਸਾਰੇ ਵਾਅਦੇ ਕੀਤੇ ਜਾਂਦੇ ਹਨ ਪਰ ਦੇਸ਼ ਦਾ ਮੱਧ ਵਰਗ ਕਿਸੇ ਵੀ ਪਾਰਟੀ ਦੇ ਏਜੰਡੇ ਵਿੱਚ ਨਹੀਂ ਹੈ। ਮੱਧ ਵਰਗ ਟੈਕਸ ਅੱਤਵਾਦ ਦਾ ਸ਼ਿਕਾਰ ਹੈ। ਅਜਿਹੀ ਸਥਿਤੀ ਵਿੱਚ, ਅਸੀਂ ਮੰਗ ਕਰਦੇ ਹਾਂ ਕਿ ਦੇਸ਼ ਦਾ ਅਗਲਾ ਬਜਟ ਮੱਧ ਵਰਗ ਨੂੰ ਸਮਰਪਿਤ ਹੋਵੇ। ਇਸ ਲਈ ਸਾਡੀਆਂ ਸੱਤ ਨੁਕਾਤੀ ਮੰਗਾਂ ਹਨ।
1 ਸਿੱਖਿਆ ਬਜਟ 2% ਤੋਂ ਵਧਾ ਕੇ 10% ਕੀਤਾ ਜਾਣਾ ਚਾਹੀਦਾ ਹੈ। ਪ੍ਰਾਈਵੇਟ ਸਕੂਲਾਂ ’ਚ ਫੀਸਾਂ 'ਤੇ ਲਗਾਮ ਲਗਾਈ ਜਾਵੇ
2 ਉੱਚ ਸਿੱਖਿਆ ਲਈ ਸਬਸਿਡੀ ਅਤੇ ਸਕਾਲਰਸ਼ਿਪ ਦਿੱਤੀ ਜਾਵੇ
3. ਸਿਹਤ ਬਜਟ ਨੂੰ 10% ਤੱਕ ਵਧਾਇਆ ਜਾਣਾ ਚਾਹੀਦਾ ਹੈ। ਜੀਵਨ ਬੀਮੇ ਤੋਂ ਟੈਕਸ ਖ਼ਤਮ ਕੀਤਾ ਜਾਵੇ।
4. ਆਮਦਨ ਕਰ ਛੋਟ ਦੀ ਸੀਮਾ 7 ਲੱਖ ਰੁਪਏ ਤੋਂ ਵਧਾ ਕੇ 10 ਲੱਖ ਰੁਪਏ ਕੀਤੀ ਜਾਵੇ।
5 ਜ਼ਰੂਰੀ ਵਸਤੂਆਂ ਤੋਂ ਜੀਐਸਟੀ ਹਟਾਇਆ ਜਾਵੇ।
6. ਬਜ਼ੁਰਗਾਂ ਲਈ ਇੱਕ ਚੰਗੀ ਰਿਟਾਇਰਮੈਂਟ ਅਤੇ ਪੈਨਸ਼ਨ ਯੋਜਨਾ ਹੋਣੀ ਚਾਹੀਦੀ ਹੈ,ਬਜ਼ੁਰਗਾਂ ਦਾ ਨਿੱਜੀ ਅਤੇ ਸਰਕਾਰੀ ਹਸਪਤਾਲਾਂ ’ਚ ਮੁਫ਼ਤ ਇਲਾਜ
ਇਲਾਜ ਹੋਵੇ
7. ਬਜ਼ੁਰਗ ਨਾਗਰਿਕਾਂ ਨੂੰ ਰੇਲ ਯਾਤਰਾ 'ਤੇ ਦੁਬਾਰਾ 50% ਛੋਟ ਦਿੱਤੀ ਜਾਵੇ।
(For more news apart from Arvind Kejriwal placed 7 demands for middle class before the central government News in Punjabi, stay tuned to Rozana Spokesman)
