ਠੰਡੀ ਹਵਾ ਵਿਚ ਨੱਚੇ ਬਰਾਤੀ
ਭੋਪਾਲ: ਅਪ੍ਰੈਲ ਮਹੀਨੇ ਵਿੱਚ ਗਰਮੀ ਦਾ ਕਹਿਰ ਵਧਦਾ ਨਜ਼ਰ ਆ ਰਿਹਾ ਹੈ। ਇਸ ਦੇ ਨਾਲ ਹੀ ਵਿਆਹਾਂ ਦਾ ਸੀਜ਼ਨ ਵੀ ਚੱਲ ਰਿਹਾ ਹੈ। ਗਰਮੀਆਂ ਦੇ ਵਿਆਹ ਵਿੱਚ ਹਰ ਕੋਈ ਡਾਂਸ ਕਰਦੇ ਵਕਤ ਇਹ ਸੋਚਦਾ ਹੈ ਕਿ ਕਿਤੇ ਪਸੀਨੇ ਜਾਂ ਗਰਮੀ ਕਾਰਨ ਉਸ ਦਾ ਦਾ ਸਾਰਾ ਮੇਕਅੱਪ ਨਾ ਖ਼ਰਾਬ ਹੋ ਜਾਵੇ।
PHOTO
ਇਸ ਲਈ ਕੁਝ ਲੋਕ ਜੁਗਾੜ ਵੀ ਲਾਉਂਦੇ ਨਜ਼ਰ ਆ ਰਹੇ ਹਨ। ਅਜਿਹਾ ਹੀ ਕੁਝ ਮੰਗਲਵਾਰ ਰਾਤ ਨੂੰ ਮੱਧ ਪ੍ਰਦੇਸ਼ ਦੇ ਟੀਕਮਗੜ੍ਹ 'ਚ ਇੱਕ ਬਾਰਾਤ 'ਚ ਦੇਖਣ ਨੂੰ ਮਿਲਿਆ ਜਿਸ ਵਿੱਚ ਬਾਰਾਤੀਆਂ ਨੂੰ ਗਰਮੀ ਨਾ ਲੱਗੇ ਉਨ੍ਹਾਂ ਲਈ ਕੂਲਰ ਲਾ ਕੇ ਬਾਰਾਤ ਕੱਢੀ ਗਈ। ਬਾਰਾਤ ਦੀ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਸੁਰਖੀਆਂ ਬਟੋਰਦੀ ਨਜ਼ਰ ਆ ਰਹੀ ਹੈ।
PHOTO
ਇਸ ਬਾਰਾਤ ਵਿੱਚ ਇੱਕ ਕੂਲਰ ਦਾ ਪ੍ਰਬੰਧ ਕੀਤਾ ਗਿਆ ਸੀ, ਜਿਸ ਵਿੱਚ ਇੱਕ ਕੂਲਰ ਨੂੰ ਰਿਕਸ਼ੇ 'ਤੇ ਰੱਖਿਆ ਗਿਆ ਸੀ ਤੇ ਜਨਰੇਟਰ ਦੀ ਮਦਦ ਨਾਲ ਬਿਜਲੀ ਸਪਲਾਈ ਕਰਕੇ ਕੂਲਰ ਨੂੰ ਚਲਾਇਆ ਜਾ ਰਿਹਾ ਸੀ। ਕੂਲਰ ਦੇ ਸਾਹਮਣੇ ਬਾਰਾਤ ਵਿੱਚ ਸ਼ਾਮਲ ਬਾਰਾਤੀ ਖ਼ੂਬ ਨੱਚਦੇ ਦਿਖਾਈ ਦਿੱਤੇ ਹਨ। ਇਸ ਤਰ੍ਹਾਂ ਦਾ ਨਜ਼ਾਰਾ ਬਾਰਾਤ ਵਿੱਚ ਪਹਿਲੀ ਵਾਰ ਦੇਖਣ ਨੂੰ ਮਿਲਿਆ ਹੈ।
PHOTO
ਇਸ ਬਾਰਾਤ ਦੀ ਵੀਡੀਓ ਵੀ ਇੰਟਰਨੈੱਟ 'ਤੇ ਕਾਫੀ ਧੂਮ ਮਚਾ ਰਹੀ ਹੈ। ਲੋਕ ਇਸ ਵੀਡੀਓ ਨੂੰ ਖੂਬ ਸ਼ੇਅਰ ਕਰਦੇ ਵੀ ਨਜ਼ਰ ਆ ਰਹੇ ਹਨ। ਇਸ ਦੇ ਨਾਲ ਹੀ ਇਸ 'ਤੇ ਕਾਫੀ ਲਾਈਕਸ, ਕਮੈਂਟਸ ਤੇ ਵਿਊਜ਼ ਵੀ ਆ ਰਹੇ ਹਨ। ਦੱਸ ਦੇਈਏ ਕਿ ਟੀਕਮਗੜ੍ਹ ਜ਼ਿਲੇ 'ਚ ਪਿਛਲੇ ਇਕ ਹਫਤੇ ਤੋਂ ਤਾਪਮਾਨ 42 ਡਿਗਰੀ ਦੇ ਆਸ-ਪਾਸ ਚੱਲ ਰਿਹਾ ਹੈ
